Israelƒuɔ Bɔlɛ 2:5 - Katɔti Ɔku Kedee

⁵ Uwi ɔmmɔ kani na Ɔga Ƒarao ubidi ulekubi úsie ketu mmɔ ɔnii utákpi. Na ka ɔkya ɔɔkpí ni, nwuna bebunkune lɛnɔ bakɛ ketu amadɔ mmɔ. Amu na kɔnakunwi Ƒarao ubidi ɔmɛni ɔ́nu kagyigyɛ kamɛni na livo lɛmmɔ akɔ na ɔ́tala nwuna belekubi kabla bablane bammɔ unwi ka utágyu-ka uboku-nwu.

Israelƒuɔ Bɔlɛ 2:5 ပူးပေါင်းရင်းမြစ်များ

Baga 1 17:6

Na baasɛ bammɔ beeboku-nwu adila ku lɛna lɛdigye ku useyi uwi na ɔɔní ketu kani na kakya mmɔ ntu.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Kɔgya 9:9

Unwoti ɔdi katamikukɔ ute bekyuli bani lɛlɔ na bekyuli bamba baadi kpakplaa. Na anwu ndi kama kekpokɔ ute bani na ala eekpóku.

Israelƒuɔ Bɔlɛ 2:6

Ka Ƒarao ubidi úbimi kagyigyɛ kamɛni ni, ɔ́nu ka ubiwɔ ɔdi ɔ́kya-nwu kemmo. Ubiwɔ ɔmɛni úse kalɔ uuwulo na nwuna lɛlɔ lɛ́kywi-nwu kaƒɔ. Mmɔ na ɔ́su ɔnini, “Ubiwɔ ɔmɛni ɔdi Hebriƒuɔ bebi akɔ ɔdi.”

Israelƒuɔ Bɔlɛ 7:15

Ɔmɛni ɔsu, sie na atásiaku Ƒarao ɔtanta uwi ɔni na ɔ́ta úsela Nil Ketu kemmo. Na si ésela ni, na eti ƒula ugyii ɔdadi ɔni nénwini kɔlakpi mmɔ ada. Na enye agya Ƒarao na ketudɔ mmɔ.

Israelƒuɔ Bɔlɛ 8:20

Amu na Unwoti ɔ́su Mose ɔnini, “Ta kɔnaadi ɔtanta tutuutu na atáni ede Ƒarao si úsela ketu. Na asu-nwu anii, ‘Unwoti ɔnii die mina bekyuli ulu na besie batákpa-mi.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Yona 1:17

Amu na Unwoti údie lɛdi na kabɛ kebendi kadi kébweli Yona. Na Yona úlie kabɛ kammɔ kaƒɔ kemmo usien ku ɔƒɛ, emeyi atɛ.

Yona 2:10

Amu na Unwoti údie lɛdi ka kabɛ kammɔ kadala Yona úbewi ketudɔ. Na úbo lɛni.

Batalane Kabla 7:21

Na uwi ɔni na basɔ balákana-nwu bɔbala ni, ɔlɛka bada-nwu bedie bana kudɔ. Amu na Ƒarao ubidi ulekubi útákɛ-nwu na úti-nwu ɔ́bla aani nwuna kaƒɔ ubi.