Israelƒuɔ Bɔlɛ 2:23 - Katɔti Ɔku Kedee

²³ Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo.

Israelƒuɔ Bɔlɛ 2:23 ပူးပေါင်းရင်းမြစ်များ

Ala Kalɔ Buse 16:11

Na ɔ́sɔ ɔ́su-nwu lɛnɔ ɔnini, “Ada kaƒɔ ɔƒaani, na adubo ɔnanabi bɔwɔ. Na adubo-nwu lɛnyi bɔsia anii Ismael. Ɔsika Unwoti únu ƒula kɔnyana kɔni na eewulo.

Ala Kalɔ Buse 4:10

Amu na Unwoti úye Kain ɔnini, “Bi ɔsu na ábla likpidi bonwu lɛmɛni udu? Nu! Mɔɔnu ƒ'ɔwani ubugya ɔni nwi kalɔ. Use aani ukyuli mɔɔkpali ɔnii nkpo nte-nwu.

Nehemia 9:9

“Na ánu bula bati kuuku lɛbibo na énu bana kɔvanu na Ɛpugyie kɔtu.

Hiob 35:9

“Ulikplu ala ani na bekyuli baabla bekyuli ni, anya mɔɔyá na bekyuli beewulo teevele ka Katɔti unu-ma bɔkpali, na udie-ma na bana lɛbibo kemmo ku balalane bammɔ lɛlɔ bɔdi kalɔ.

Kɔgya 102:1

Nu-mi bɔkpali, O Unwoti, na aya na mina kɔvanu kudu-ɔ kudɔ na ebebunku-mi.

Kɔgya 102:2

Tabɛla-mi ƒula anumi si líduo ɔgbankpi kemmo. Mmomu se atu na enu-mi bɔkpali. Na ababla na ebo ebebunku-mi.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 18:6

Na mina lɛbibo lɛmɛni kemmo ni, lɛ́kpali mina Unwoti Katɔti na líwulo lɛ́kya-nwu nnii ubunku-mi. Na únu-mi lɛdi ɔ́siku nwuna kakpakɔ na úbunku-mi.

Israelƒuɔ Bɔlɛ 1:14

Baanwu lɛti na beekúlo atimbɔ ku katuma lidu bamba lɛnɔ na kemo ɔni na bana ngba keliela káyu-ma ɔdu geen.

Israelƒuɔ Bɔlɛ 4:19

Uwi ɔni na Mose ɔ́mu ɔkya Midian kalɔ lɛlɔ ni, Unwoti ɔ́su Mose ɔnini, “Nwini teesie Egyipte kalɔ lɛlɔ, ɔsika bekyuli bani ƒui nkya mmɔ na baawia-a badu béekpi.”

Israelƒuɔ Bɔlɛ 6:5

Na ɔƒɛni ni, línu Israelƒuɔ budumo na kalɛ na Egyipteƒuɔ baabla-ma kalala ɔsu. Na ɔmɛni ɔ́ya na línyimo mina bunyimi bɔni línyimi ku bina bati kuuku.

Israelƒuɔ Bɔlɛ 6:9

Na ka Mose úsie útásu Israelƒuɔ etemila amɛni ni, bátakpete-nwu. Ɔsika enu áƒɛ-ma na abi ani na beebó mmɔ ɔsu.

Israelƒuɔ Bɔlɛ 7:7

Na uwi ɔni na Mose ku Aaron bétemi béte Ƒarao ni, na Mose ɔ́ɔƒɔ akwa liti ku avlaatɛ. Na Aaron lɛnɔ ɔ́ɔƒɔ akwa liti ku avlaatɛ-ɛtɛ.

Yesaia 19:20

Likposela lɛmɛni muudie kenye ka Unwoti Katɔti ɔdubo butaanu na Egyipte kalɔ kammɔ lɛlɔ na si báva bákpali-nwu na bekisine bukpoku ɔsu ni, na Katɔti uti ɔƒɔne ɔdi umene-ma na ubebunku-ma na bakɛ bɔƒɔ.

Yesaia 5:7

Unwoti Ɔyikune Ƒui adingyii kemo ndi nwuna bekyuli Israelƒuɔ, na Yudaƒuɔ badi nwuna kevomadɔ kemo kani mɔɔyɔ́-nwu kaƒɔ. Ɔsia anu ka batɛ bekyuli etemila ulu lɛlɔ siin Nsu ubugya kani na beewi kalɔ. Na ɔɔwia ka bekyuli babla ala siin. Nsu bekyuli keku kani na uunú ka ala étulo-ma na baanya-ma taakya ɔsu.

Bumomo Bɔka 20:16

Nsu ka búwulo bɔ́kpali Unwoti ni, únu bula buwulo. Na ɔ́tala nwuna ɔtu ɔdi ɔkya-bu, na úbada-bu údie Egyipteƒuɔ enu kemmo. “ ‘Na ɔƒɛni búusie lɛgba laa búbedu Kedes ɔma ɔni nkya ƒula ɔmii lɛlɔ.

Batalane Kabla 7:30

“Akwa aavlene kama ni, Katɔti ɔtu ɔdi údie lɛlɔ ɔ́tina-nwu na ogya ɔni mɔɔda na liyu kugyii blii kɔdi lɛlɔ na Sinai Kɔbi ketele kemmo.

Lɛkpa Ulu 24:15

Nu ka áƒɔ-nwu nwuna limeyi kabla kenye kayu asa na ɔƒɛ ɔ́nu. Ɔsika bɔwia na ɔwabane ɔmmɔ ɔɔwia egulabi ammɔ ɔbla lɛla lɛdi. Na si átaƒɔ-nwu kayu kammɔ na úwulo ɔ́kpali Unwoti na lɛla lɛni na ábla-nwu mmɔ ɔsu ni, Katɔti ɔdubɔdu awɔ unwoti ɔmmɔ likpidi kɔtɔ.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Litemi Batɛne 4:3

Yabin ubo bapɔnkɔ kɛɛkɛ eti leevu-maane (900) lɛni ndi abuala sɔɔn. Na ɔ́kɛ ɔyikun na ɔ́bla Israelƒuɔ likyulikpi ala akwa aavlanyɔ sɔɔn. Ɔkɛnku ɔmmɔ ɔsu ni, Israelƒuɔ béwulo bákpali Unwoti ka ubebunku-ma.

Samuel 1 12:8

“Uwi ɔni na Yakob ku nwuna kaba bekyuli bátɔlɔ bésie Egyipte kalɔ lɛlɔ kama ƒui ni, bákpali Unwoti bévele-nwu ku keku ka ubunku-ma. Amu na Unwoti ɔ́ya Mose ku Aaron bákpanku-ma bálɛku Egyipteƒuɔ kalɔ lɛlɔ béboku kalɔ kani lɛlɔ na bilie mɛni kemmo.

Samuel 1 9:16

Na ɔ́su-nwu ɔnini, “Kɔnaadi aani uwi ɔni kemmo na mɔɔtɛmiku-ɔ mɛni ni, ndubɔya na ɔnana ɔdi ubo-ɔ kudɔ. Na ɔnana ɔmmɔ ɔ́si Benyamin kalɔ kemmo. Wi-nwu lili nnɔmii na ese-nwu likpo na unwini ɔtɔnkune ute mina kadi bekyuli Israelƒuɔ. Anwu ndubo-ma bɔtɔnku na lɛƒɔ-ma na Ƒilistiƒuɔ enu kemmo. Ɔsika lɛla lɛni na bévele-mi ni, línu-ma bɔkpali.”