Israelƒuɔ Bɔlɛ 2:21 - Katɔti Ɔku Kedee

²¹ Mose únu kalɔ ka ɔsɔ ɔkya ɔnana ɔmɛni kudɔ, na ɔnana ɔmmɔ úti ubidi ulekubi Sipora úte-nwu ɔnii uti.

Israelƒuɔ Bɔlɛ 2:21 ပူးပေါင်းရင်းမြစ်များ

Israelƒuɔ Bɔlɛ 2:10

Amu ka ubiwɔ ɔmɛni ɔ́lɛ lili blii ni, uleku ɔmmɔ úti ɔnamu ɔmmɔ úsienku ɔga ubidi ɔmmɔ, na úti-nwu ɔ́bla ubidi na ɔ́sia-nwu lɛnyi ɔnii Mose lɛni kalɔ ndi “Lídie ubi ɔmɛni lɛ́lɛku ketu kemmo.”

Israelƒuɔ Bɔlɛ 2:20

Amu na úye nwuna bebi bammɔ ɔnini, “Wɛ na ɔnana ɔmmɔ ɔkya? Bi ɔsu na bɛ́ya na ɔtɔlɔ? Bitáwia-nwu biboku na bute-nwu lɛla lɛdi na ɔdi.”

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Israelƒuɔ Bɔlɛ 4:18

Ɔmmɔ kama Mose únwini úsie ulekudi ɔti ɔni ndi Yetro kudɔ na ɔ́su-nwu ɔnini, “Te-mi kuƒi na linwini lisie mina kadi bekyuli kudɔ na Egyipte na ntánu si ɔdi ɔmu ulie ngba.” Amu na Yetro ɔ́su-nwu ɔnini, “Kusɛ kusɛ ɔsiaku-ɔ.”

Bumomo Bɔka 10:29

Amu na Mose ɔ́su ulekudi ɔti Hobab ɔni ndi Midiani ɔni baalɔ Reuel ubidi ɔnini, “Uwi údu ka buteesie kalɔ kani na Unwoti ɔ́su úse ɔnini, ‘Ndubuti-ka lite-mii,’ mmɔ lɛlɔ. Bo na abasiaku-bu, na bɔdubɔda-a kaduɛ, ɔsika Unwoti úse ala abuni kenye úte Israelƒuɔ.”

Bumomo Bɔka 12:1

Amu na Miriam ku Aaron bése kalɔ beetemi teewi Mose. Ɔsika Mose úsie útéti Etiopiani uleku ɔdi.

Batalane Kabla 7:29

Ka Mose únu litemi lɛmɛni ni, liƒu lɛ́da-nwu geen. Anwuɔsu úkeli útábɛ na Midian kalɔ lɛlɔ. Na mmɔ na ɔ́wɔ nwuna bebi bananabi inyɔ.

Timoteo 1 6:6

Nsu ni, si anumi eegyie ukyuli na Katɔti kama bɔsiaku kemmo na ala ani na ubo aaƒɔ́-nwu anu ni, uunwíni ɔlakɛne.

Hebriƒuɔ 11:25

Únu kalɔ ka babla anwu lɛnɔ kalala aani nwuna badi bani ndi Katɔti bekyuli utulo ɔni na wasiaku ala ekpidi bablane kama na ɔkɛ ebiti uwi klukui ɔdi kemmo.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yakobo 1:10

Lɛni kani na si Katɔti úboku ɔƒɔtaadine ɔni ndi ɔlakɛne kalɔ ni, anwu lɛnɔ ɔya na lɛlɔ litaayɔ-nwu. Ɔsika ɔlakɛne biala uwi ɔdububo ubavi aani kalɛ na lɛku kemmo kugyii kuuwiile kuna anwula teewi kalɔ.