Israelƒuɔ Bɔlɛ 2:16 - Katɔti Ɔku Kedee

¹⁶ Na ka úsie útélie mmɔ ni, Midian ɔkpane ɔdi bebi begblebi maatɛ bébo libiɔ lɛmmɔ kudɔ banii bebedu ntu na beti betéte bana ɔti baƒonu ku bese.

Israelƒuɔ Bɔlɛ 2:16 ပူးပေါင်းရင်းမြစ်များ

Ala Kalɔ Buse 14:18

Amu na Katɔti ɔni Ntulo Ƒui ɔkpane ɔni baalɔ Melkisedek na ɔ́si Salem ɔma kemmo ni, údie bodobodo ku ntɛ bɔdi úte Abram.

Ala Kalɔ Buse 24:11

Ka bédu libiɔ lɛdi kɔtu na ɔma ɔmmɔ kabanye ni, ala lɛlɔ ɔnune ɔmɛni ɔ́ya na bebuo bammɔ báyu bébi libiɔ lɛmmɔ kɔtu. Na uwi ɔmmɔ ɔ́ɔbla useyi uwi buɛɛ uwi ɔni na beleku beesié ketu.

Ala Kalɔ Buse 24:13

Aanu ka nnye libiɔ lɛmɛni kɔtu, na ɔma ɔmɛni belekubi báasi badubo bebeteedu ntu.

Ala Kalɔ Buse 29:2

Ka údu mmɔ ni, ɔ́nu ka baƒonu badi básala benye libiɔ lɛdi kɔtu na mmɔ, ɔsika mmɔ na beete-ma ntu na baaní. Na lɛtabi lɛni mbi libiɔ lɛmmɔ kenye ni, líbomo.

Ala Kalɔ Buse 41:45

Ɔƒɛni lɛnyi lɛni na Ƒarao ɔ́sia Yoseƒ ndi Saƒnat Panea. Na nwuna kama úte-nwu uleku ɔni baalɔ Asnat na ɔti ndi Potiƒera ɔni nádi bana kadi ɔkpane na ɔma ɔni baalɔ On kemmo. Ɔmmɔ ɔsu ni, Egyipte kalɔ ƒui kénwini Yoseƒ kadi na ɔɔka taamana kesii biala.

Israelƒuɔ Bɔlɛ 18:1

Uwi ɔmmɔ ni, Yetro ɔni ndi Midianƒuɔ ɔkpane na ɔdi Mose aasi únu ala ani ƒui na Katɔti ɔ́bla úte Mose ku Israelƒuɔ, ku kalɛ na Unwoti ɔ́kpanku Israelƒuɔ ɔ́lɛku Egyipte kalɔ lɛlɔ.

Israelƒuɔ Bɔlɛ 18:12

Amu na Mose aasi ɔmɛni úte bebuo ku akpala bamba na béti bákpa béte Katɔti. Na Aaron ku Israelƒuɔ batɔnkune bésie na bátádiku-ma bodobodo na Unwoti anumi.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Samuel 1 9:11

Uwi ɔni na bákɔ abi ammɔ bésela ɔma ɔmmɔ ni, básiaku belekubi badi ka badubo bebedu ntu na abiɔ kemmo. Amu na béye-ma banini, “Ukyuli ɔni mɔɔnu ala taasu mmɔ ɔkya?”