Israelƒuɔ Bɔlɛ 19:9 - Katɔti Ɔku Kedee

⁹ Amu na Unwoti ɔ́su Mose ɔnini, “Ndubo bɔda bɔlɛ bekyuli bammɔ kudɔ na liƒlukutu bonwu kemmo na benu ka mɔɔtɛmiku-ɔ. Na ɔ́si ɔmmɔ kama ni, badubɔƒɔ-ɔ badi.” Mose ɔ́sɔ únwini ku kenye kammɔ útásu bekyuli bammɔ.

Israelƒuɔ Bɔlɛ 19:9 ပူးပေါင်းရင်းမြစ်များ

Baga 1 8:12

Mmɔ na Ɔga Salomo ɔ́kpali Katɔti ɔ́su ɔnini, “Awɔ Unwoti násu ka adubɔkya liƒlukutu lɛni nse suu kemmo.

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Ala Alɛdi 2 6:1

Salomo ɔ́su ɔnini, “Bula Unwoti, awɔ násu ka adubɔkya liƒlukutu suu kemmo.

Kɔgya 97:2

Ulɔyɔ litigbli suu lɛdi lɛ́ka lɛ́mana-nwu. Na nwuna lɛga kadikɔ kenye kete ka ɔbla ala siin, na ɔtɛ litemi ulu lɛlɔ.

Kɔgya 99:7

Unwoti ɔ́tɛmiku-ma ɔ́siku liƒlukutu bonwu aani lɛkpa lɛdi kemmo. Na ama bénu na bádi nwuna ɔda bubo lɛlɔ.

Israelƒuɔ Bɔlɛ 14:31

Amu ka bánu kalɛ na Unwoti údie nwuna ɔyikun keyi na Egyipteƒuɔ bamɛni lɛlɔ ni, báyia Unwoti na báƒɔ anwu ku Mose nwuna kabla ɔblane bádi na béti bana anu básia-ma lɛlɔ.

Israelƒuɔ Bɔlɛ 19:16

Na limeyi lɛtɛdi lɛmmɔ lɛlɔ ni, kayaa kése kalɔ keedu na kaabwɛ ogya na liƒlukutu bonwu líbaƒɔ kɔbi kɔmmɔ lili. Na kɔnakunwi bénu kakpɛɛ kɔku bonwu kɔdi. Na bani ƒui nkya keliekɔ mmɔ ƒui liƒu bonwu lɛ́da-ma.

Israelƒuɔ Bɔlɛ 20:21

Nsu ɔmmɔ ƒui kama bekyuli bammɔ bámu benye ɔgyu baanu, na Mose lɛti kani nésie úsela kɔbi suu kɔni kemmo na Unwoti ɔ́kya mmɔ kudɔ.

Israelƒuɔ Bɔlɛ 34:5

Amu na Unwoti ɔ́yu úbo Mose kudɔ na kɔbi kɔmmɔ lili na liƒlukutu kemmo. Na ɔ́kpali nwuna lɛnyi kedee na ɔ́su ɔnini, “Ami Unwoti mmɔ.”

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Israelƒuɔ Bɔlɛ 4:5

Amu na Unwoti ɔ́su Mose ɔnini, “Bla ɔmɛni tina-ma, na ɔdubɔya na baƒɔ badi ka ami bana bati kuuku Abraham Katɔti ku Isak Katɔti ku Yakob Katɔti nédie lɛlɔ lɛ́tina-a.”

Yesaia 19:1

Linyesia lɛmɛni lɛdanku Egyipte kalɔ lɛlɔ. Bɛnu! Unwoti uli liƒlukutu bonwu lɛdi lɛlɔ, na ɔkɛ ku usi momoomo úsela Egyipte kalɔ lɛlɔ, na lɛlɔ lɛɛtɔ́ Egyipteƒuɔ baƒiɔ ku liƒu bonwu. Na Egyipteƒuɔ bammɔ alati báyɛyɛ, na enu áƒɛ-ma na bɔyia ɔsu.

Yesaia 7:9

Israel ɔma unengudi ƒui ndi Samaria. Na ɔma ɔmmɔ lɛlɔ ɔdine kani ndi Ramalia ubidi Peka. Na si eeenye mina bɔƒɔtaadi kemmo kpakplaa ni, agyi anii eeebo kenyekɔ kadi.’ ”

Bumomo Bɔka 12:5

Amu na Unwoti ɔ́yu úbo kalɔ na liƒlukutu bonwu kemmo, na úbenye Unwoti Adi Kevo kammɔ anumi na ɔ́lɔ Aaron ku Miriam. Ka bálɛ bébo ni,

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Marko 9:7

Amu na ɔdi úbewi bana ƒui lɛlɔ, na lɛdi lɛdi lɛ́su lɛnini, “Ɔmɛni ndi mina ubi ɔyɔne. Bise atu na binu-nwu litemi!”

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Lɛkpa Ulu 4:10

Na binyimo limeyi lɛni na bíbasiaku bina Unwoti Katɔti na Sinai kɔbi kaƒɔna. Mmɔ na Katɔti ɔ́su-mi ɔnini, “Sala-ma lisu. Ɔsika mɔɔyɔ́ ka binu lɛla lɛni na mbo nte-mii kalɛ na bitaayia-mi na bitaabu-mi lɛnɔ uwi ɔni na bilie ngba mɛni. Na biti etemila ani bínu mmɔ bɛtina bina bebi na babla basiaku-nya lɛlɔ lɛni kani.”

Lɛkpa Ulu 4:36

Na ɔ́ya na bínu nwuna lɛdi bɛ́siku katɔ kalɛ na ɔda-mii kpakplaa na ulu ɔni lɛlɔ na ɔdi ka bɛsia lɛlɔ. Na kalɔ kamɛni lɛlɔ lɛnɔ ni, ɔ́ya na bɛ́nu nwuna ogya ɔni mɔɔda bonwu na ɔ́tɛmi ɔ́siku ogya ɔmmɔ kemmo úte-mii.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.