Israelƒuɔ Bɔlɛ 18:8 - Katɔti Ɔku Kedee

⁸ Na Mose ɔ́su nwuna aasi ala ani ƒui na Unwoti ɔ́bla Ƒarao ku Egyipteƒuɔ na Israelƒuɔ ɔsu. Na ɔ́sɔ ɔ́su-nwu abi ani bébo na ulu lɛlɔ ku kalɛ na Unwoti ɔ́da-ma údie.

Israelƒuɔ Bɔlɛ 18:8 ပူးပေါင်းရင်းမြစ်များ

Ala Kalɔ Buse 44:34

Dɛ na ndubɔkana na lɛsɔ linwini lisie mina ɔti kudɔ si ɔnamu ɔmɛni ɔɔɔsiaku-mi? Ulatɛ! Tadu-mi ku kɔnyana! Naaakana mina ɔti lɛƒɛda lɛni mebo-nwu lɛlɔ bunye bɔnu kunyɔ.”

Nehemia 9:32

“Ɔƒɛni, o bula Katɔti ɔni na edu na ebomo, na eeti bɔyɔ taadi bunyimi lɛlɔ ni, buvele bɔda-a bɔnii tabu lɛbibo lɛni mɔɔlɛ́ mɛni aani lɛla lɛni nse bliisuɛ na ƒula anumi. Na tabu lɛbibo lɛni mɔɔlɛ́ abu ku bula baga ku bula batɔnkune ku bula bakpane ku kenye bediene ku bula bati ku ƒula bekyuli ƒui lɛlɔ úti ɔ́si Asiriaƒuɔ baga uwi úbedu ɔmwi kadi aani lɛla blii.

Kɔgya 106:10

Na údie-ma ɔ́lɛku bana bekisine enu kemmo. Na bekisine bammɔ bátadi-ma lɛlɔ.

Kɔgya 106:8

Nsu na ƒula lɛnyi ɔsu ni, áƒɔ-ma ngba kalɛ na bekyuli banu ƒula ɔyikun bati.

Kɔgya 107:2

Na amii bani ƒui na ɔ́ƒɔ-mii ngba na údie-mii ɔ́lɛku bina bekisine enu kemmo ni, biti bumwi bite-nwu.

Kɔgya 66:16

Bibo na bibenu, amii bani mɔɔyia Katɔti, na ndubɔsu-mii ala ani na ɔ́bla úte-mi.

Kɔgya 81:7

Ka biibó abi na bɛ́kpali-mi ni, línu líte-mii na lɛ́si kesii kani nábɛ-mii na liƒlukutu ku katɔ budu kemmo na líbo ḿbedie-mii. Na lɛ́kɔku-mii lɛ́nu na Meriba kesii kani na ntu bɔ́lɛ.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Israelƒuɔ Bɔlɛ 15:6

“Unwoti, ƒula kɔdianu kɔnu kɔɔtina lɛgadi ɔyikun. Unwoti, ƒula kɔdianu kɔnu nákɔ ukisine ɔmmɔ ɔ́bwɛ kpɛtɛ kpɛtɛ.

Israelƒuɔ Bɔlɛ 16:3

“Si nka bɔdu mmomu na Unwoti ɔ́du-bu na Egyipte nka ɔdia-bu utulo ɔni na búbo bɔkya mɛni. Ɔsika na mmɔ ni, nka bɔɔnwá adila ani bɔɔyɔ́ na bɔɔdi kaduɛ. Nsu bíti-bu bíboku ketele kamɛni kemmo ka bise-bu kɔka bɛdu.”

Israelƒuɔ Bɔlɛ 18:1

Uwi ɔmmɔ ni, Yetro ɔni ndi Midianƒuɔ ɔkpane na ɔdi Mose aasi únu ala ani ƒui na Katɔti ɔ́bla úte Mose ku Israelƒuɔ, ku kalɛ na Unwoti ɔ́kpanku Israelƒuɔ ɔ́lɛku Egyipte kalɔ lɛlɔ.

Israelƒuɔ Bɔlɛ 2:25

Anwuɔsu Katɔti ɔ́nu kalɛ na Israelƒuɔ beebó abi, na litemi lɛmmɔ líkpoku-nwu.

Israelƒuɔ Bɔlɛ 23:23

Na mina ɔtu ɔdubo bɔgyu bɔtɔ-mii, na ɔtɔnku-mii utéduoku Amoriƒuɔ ku Hetiƒuɔ ku Perisiƒuɔ ku Kanaanƒuɔ ku Hewiƒuɔ ku Yebusiƒuɔ kalɔ kemmo. Na ndubo-ma bɔbɔku budie mmɔ.

Israelƒuɔ Bɔlɛ 4:23

na lɛ́su-ɔ nnini, “Ya na mina ubi ɔtɔlɔ, kalɛ na usie utábla-mi kabla na ɔkya-mi lili kalɔ.” Nsu éni na étedie-nwu ulu na ɔtɔlɔ, anwuɔsu ndubo ƒula ubi ɔnanabi udeedi bɔdu.’ ”

Israelƒuɔ Bɔlɛ 7:4

ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Israelƒuɔ Bɔlɛ 7:5

Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Bumomo Bɔka 20:14

Uwi ɔmmɔ kemmo Mose ɔ́tala bekyuli badi ɔ́kya Edomƒuɔ ɔga na bátásu-nwu banini, “Ƒ'ɔnwani Israel ɔnini, ‘Agyi lɛbibo lɛni néebo-bu lɛlɔ.