Israelƒuɔ Bɔlɛ 17:6 - Katɔti Ɔku Kedee

⁶ Na ami Unwoti ndubunye-ɔ kudɔ na lɛtakpɛ lɛni nlɛ Horeb kɔbi lili mmɔ lɛlɔ. Na eti ugyii ɔmmɔ aƒiɛmi lɛtakpɛ lɛmmɔ, na ntu bɔdubɔlɛ bɔsiku-ni kemmo na bekyuli bammɔ bani.” Na Mose ɔ́bla kalɛ kani na Unwoti ɔ́tina-nwu na batɔnkune bammɔ anumi.

Israelƒuɔ Bɔlɛ 17:6 ပူးပေါင်းရင်းမြစ်များ

Nehemia 9:15

Na ka kɔka kɔɔda-ma ni, éte-ma adila ásiku katɔ. Na ka ntukwɛ ɔɔda-ma ni, áya na ntu bɔ́bwɛ bɔlɛ lɛtakpɛ bonwu kemmo. Na ásu-ma ka béteesie bététi kalɔ kani átalaku kɔnu katɔ na ése kenye ka eeti-ka eete-ma.

Kɔgya 105:41

Ɔ́ya na atakpɛ ébimi na ntu bɔ́lɛ-nwu kemmo na báni. Na ntu bɔmmɔ bɔɔgbá aani ketu na káƒɔ kalɔ kakwiidi kammɔ kemmo.

Kɔgya 114:8

Anwu mɔɔyá na ntu bɔɔbwɛ taalɛ atakpɛ kemmo. Na agyasu eenwíni abiɔ ani mɔɔyu.

Kɔgya 46:4

Ketu kadi katɛ Katɔti ɔma. Na lɛlɔ lɛɛyɔ́ Katɔti Ɔga ɔma bekyuli bani nlieku-nwu na mmɔ.

Kɔgya 74:15

Áya na abiɔ ku ntukpa ƒui bɔ́ƒɔ ntu na bɔɔgbá. Na ntukpa bonwu bɔ́kwii.

Kɔgya 78:18

Békpoku Katɔti lilu pii lɛlɔ na béye-nwu banii ute-ma adila ani na ama baayɔ́.

Kɔgya 78:20

Nsu sɔsɔ ni, ɔ́ya na báƒiɛmi lɛtakpɛ ugyii na ntu bɔɔtu taalɛ na bɔɔgbá aani ketu. Ɔmɛni ƒui kama ni, básɔ béye banini, “Na adila nɔɔ? Ɔdubɔkana-bu adi bute ku lɛna?”

Kɔgya 81:7

Ka biibó abi na bɛ́kpali-mi ni, línu líte-mii na lɛ́si kesii kani nábɛ-mii na liƒlukutu ku katɔ budu kemmo na líbo ḿbedie-mii. Na lɛ́kɔku-mii lɛ́nu na Meriba kesii kani na ntu bɔ́lɛ.

Israelƒuɔ Bɔlɛ 14:16

Talaku ƒula ugyii ɔdadi ɔmmɔ katɔ na enene kɔnu atina Ɛpugyie ɔmmɔ na ntu bɔmmɔ bɔbwɛ kemmo inyɔ na Israelƒuɔ basia ɛpu ɔmmɔ kemmo balɛ kalɔ kakwiidi lɛlɔ.

Israelƒuɔ Bɔlɛ 16:10

Uwi ɔni na Aaron ɔkya ɔɔtɛmi teete bekyuli bammɔ ni, bénwini anumi bátina ketele kammɔ. Mmɔ na Unwoti bukeye bonwu bɔ́bwɛ bɔ́lɛ kɔnakunwi na liƒlukutu kemmo.

Yesaia 48:21

Ɔ́kpanku-bu ɔ́sia kalɔ kakwiidi kemmo na ɔ́ya na ntu bɔ́bwɛ bɔ́lɛ lɛtakpɛ kemmo na bɔ́ni na bɔ́du bula utukwɛ.

Bumomo Bɔka 20:8

“Ti ugyii ɔdadi ɔmmɔ na awɔ ku Aaron bɛsala bekyuli bammɔ ƒui. Na etemi ete lɛtakpɛ lɛmmɔ na bekyuli bammɔ ƒui anumi. Na ntu bɔdubo bɔlɛ lɛtakpɛ lɛmmɔ kemmo na bekyuli bammɔ ku bana bebuo bani.”

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Korintoƒuɔ 1 10:4

Na báni Kɔyu kemmo ntu bunwi pɛ bɔmmɔ. Báni ntu básiku Kɔyu kemmo lɛtakpɛ lɛni nkɛ nsiaku-ma mmɔ kemmo. Na lɛtakpɛ lɛmmɔ lɛdi Kristo ɔmmɔ ɔlati.

Lɛkpa Ulu 1:2

Ɔ́si Sinai kɔbi úti útédu Kades-Barnea ɔdi emeyi leevu-unwi ulu busie si ásia Edom abi kalɔ ulu lɛlɔ.

Lɛkpa Ulu 8:15

Na binyimo kalɛ na ɔ́tɔnku-mii na kalɔ kakwiidi bonwu kamɛni kemmo, kesii kani na balakpi bekpidi ku batamlukpa bakya. Ntu bútakya mmɔ, nsu Unwoti Katɔti ɔ́ya na ntu bɔ́bwɛ bɔ́lɛ lɛtakpɛ kemmo na bɛ́ni.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.