Israelƒuɔ Bɔlɛ 17:2 - Katɔti Ɔku Kedee

² Amu na bekyuli bammɔ bakya baadɔnku Mose banini, “Te-bu ntu na bɔni.” Mmɔ na Mose údie kenye ɔnini, “Bi ɔsu na bɛɛdɔnku-mi? Na bi ɔsu na bɛɛkɔ́ku Unwoti taanu?”

Israelƒuɔ Bɔlɛ 17:2 ပူးပေါင်းရင်းမြစ်များ

Kɔgya 106:13

Nsu útaƒɔ uwi ɔdi asa na báyiƒala ala ani na Unwoti ɔ́bla. Na bétenye bátanu-nwu anumi na banu lɛla lɛni na ɔdubo-ma bɔsu.

Kɔgya 106:14

Mmomu ala ani mɔɔda-ma ɔkwɛ kama kani na basia na kalɔ kakwiidi kemmo mmɔ. Na mmɔ kani na bákɔku Katɔti bánu.

Kɔgya 78:18

Békpoku Katɔti lilu pii lɛlɔ na béye-nwu banii ute-ma adila ani na ama baayɔ́.

Kɔgya 78:41

Bákɔku-nwu bánu kɔlɛ kɔlɛ na bákya anwu Israel Katɔti ɔni nse kedee ƒui kɔnyi.

Kɔgya 78:56

Nsu ɔmɛni ƒui kama ni, bákɔku Ɔyikune Ƒui bánu na báta bénye-nwu lɛlɔ na bátadi nwuna litemi lɛlɔ.

Kɔgya 95:8

bitabla atuɔkplu aani kalɛ na badi bábla na Meriba ku Masa kalɔ kakwiidi kammɔ lɛlɔ limeyi lɛmmɔ.

Kɔgya 95:9

Mmɔ na bina bati kuuku bákɔku-mi bánu banii baanu ɔyikun ɔni na mbo na ala ebendi ani na lɛ́bla na bánu kama.

Israelƒuɔ Bɔlɛ 15:24

Amu na bekyuli básu Mose kalɛ na ntu bɔmmɔ buse. Na béwulo bákya-nwu banii, “Bi ntu bɔdubo bɔni ɔƒɛni?”

Israelƒuɔ Bɔlɛ 16:8

Amu na Mose ɔ́sɔ ɔ́su-ma ɔnini, “Bɛdubɔti ka anwu ndi Unwoti si uwi ɔni na úte-mii lɛna na bɛ́kun useyi, na úte-mii bodobodo ɔni ƒui na bɛɛwia na bɛ́di ɔtanta, ɔsika únu kalɛ na bíti kɔnyi kemmo bɛɛsu etemila teewi-nwu. Bi na abu bɔdi? Ɔɔɔdi abu na bɛɛdɔnku, mmomu Unwoti.”

Israelƒuɔ Bɔlɛ 17:7

Anwuɔsu básia kesii kani na ntu bɔmmɔ bɔ́lɛ lɛnyi banii Masa, ɔni kalɔ ndi bɔkɔku taanu ku Meriba ɔni lɛnɔ kalɔ ndi Bɔdɔ, ɔsika mmɔ na Israelƒuɔ bammɔ bádɔ na bákɔku Unwoti bánu na béye banini, “Unwoti ɔkya-bu akɔ ɔƒɛni?”

Israelƒuɔ Bɔlɛ 5:21

Mmɔ na batɔnkune bammɔ básu-ma banini, “Unwoti ɔdubɔtɛku-mii litemi! Amii néti-bu bínwini bekyuli bani muuƒí Ƒarao ku nwuna benengu livo yayaaya, na utulo ka bɛ́kya-ma kewii kɔnu ka badu-bu muedi.”

Yesaia 7:12

Nsu Ahas úbulo na ɔ́su ɔnini, “Oowo, lɛɛɛdubo mina Unwoti bɔkɔku bɔnu.”

Malakai 3:15

Bɛnu kalɛ na lɛlɔ lɛɛyɔ́ bekyuli bani náta bénye-nwu lɛlɔ. Na ala aatɛku ukyuli biala na unye ɔɔbla likpidi na ina békpoku Katɔti bánu muedi na lɛla lɛdi lilábla-ma.’ ”

Bumomo Bɔka 14:2

Na ɔkɛnku ɔmmɔ ɔsu bekyuli bammɔ bákya baadɔnku Mose ku Aaron kalɔ kalɔ. Na baasu banini, “Si bukpi na búkpi bɔ́kya Egyipte iye ketele kalɔ kakwiidi kemmo mmɔ muedi nka ɔdia utulo!

Bumomo Bɔka 14:22

bekyuli bani nánu mina bukeye na bánu mina akɔla búdie taatina lidu lidu lɛni lɛ́bla na Egyipte kalɔ lɛlɔ ku ketele kalɔ kakwiidi kemmo, nsu báta benye mina litemi lɛlɔ na bákɔku-mi bánu leevu sɔɔn ni,

Bumomo Bɔka 21:5

Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Mateo 4:7

Yesu údie kenye ɔnini, “Nsu Bunweni Kedee Ɔku ɔmmɔ ɔɔsu ɔnii, ‘Takɔku ƒula Unwoti Katɔti tanu.’ ”

Luka 15:12

Amu na ɔnamudi ɔ́su ɔti ɔnini, ‘Ati, ti mina kadikɔ kani na adubo-mi bute te-mi gyɔnkɔ.’ Ɔmɛni ɔsu ɔnana ɔmmɔ úti ala ammɔ úle akpa anyɔ úte nwuna bebi inyɔ bammɔ.

Luka 4:12

Nsu Yesu ɔ́su-nwu ɔnini, “Bunweni Kedee Ɔku ɔmmɔ ɔɔsu ka ni, ‘Takɔku Unwoti Katɔti tanu.’ ”

Batalane Kabla 15:10

Na ɔƒaani ni, bi ɔsu na bɛɛkɔ́ku Blɔti lɛni? Abu ku bula bati kuuku bútakana etila amɛni udu buti! Bi ɔsu na biiti-nya taasia baƒɔtaadine bamɛni lɛlɔ?

Batalane Kabla 5:9

Petro ɔ́su-nwu ɔnini, “Bi ɔsu na awɔ ku ƒ'ɔgyani bɛ́kana bɛ́sa kenye bɛnii bɛɛsɔ Blɔti Kɔyu bɛnu? Aanu bakloƒu bani néti ƒ'ɔgyani bátáva. Ama kani ndubo-ɔ bɔgyu bɔlɛku.”

Korintoƒuɔ 1 10:9

Na ɔɔɔdi ka bɔkɔku Blɔti bɔnu. Lɛni na bana badi bábla, na balakpi bádu-ma na békpi.

Lɛkpa Ulu 6:16

Na ɔdi utakɔku bina Unwoti Katɔti utanu aani kalɛ na bɛ́kɔku-nwu bɛnu na kesii kani baalɔ banii Masa mmɔ.

Lɛkpa Ulu 9:22

Na uwi ɔni na bílie kesii kani baalɔ Tabera ku Masa ku Kibrot-Hataawa ni, lɛni kani na bɛ́kya bina Unwoti Katɔti kɔnyi.

Hebriƒuɔ 3:9

Mmɔ na bina bati kuuku bákɔku-mi bánu banii baanu lɛla lɛni mabla ina ka bánu ala ani na lɛ́bla na akwa aavlene kemmo.

Samuel 1 8:6

Nsu ka básu banini, “Te-bu ɔga ɔni matɔnku-bu” ni, lɛla lɛmɛni lítayɔ Samuel kaƒɔ. Anwuɔsu ɔ́kpali Unwoti na úti litemi lɛmmɔ ɔ́kya-nwu lɛkɔkɔ.