Israelƒuɔ Bɔlɛ 17:12 - Katɔti Ɔku Kedee

¹² Uwi ɔni na Mose enu aƒa katɔ laa na ɔ́ɔnɔ ni, Aaron ku Hur báwia lɛtabi lɛdi béte Mose na ɔ́sɔ úlie-ni lɛlɔ. Na unwi unye ɔƒɛnyi ɔmɛni na unwi lɛnɔ unye ɔƒɛnyi ɔngye. Na béƒie-nwu enu bada benye na aƒa katɔ laa úti útédu ka ɔƒɛ ɔ́nu.

Israelƒuɔ Bɔlɛ 17:12 ပူးပေါင်းရင်းမြစ်များ

Kɔgya 35:3

Na edie ƒula atula gyɔlɔɔ keyi na enye etile bani ƒui nékeli badubo-mi lɛlɔ. Na ese-mi kayi ka adubɔƒɔ-mi na ekpo ete-mi.

Israelƒuɔ Bɔlɛ 17:11

Na uwi ɔni ƒui na Mose enu aƒa katɔ mmɔ ni, Israelƒuɔ baadi kekpo kammɔ lɛlɔ. Nsu si ɔ́nya ɔ́yula enu kalɔ pɛ na Amalekƒuɔ bénwini baadi Israelƒuɔ lɛlɔ.

Israelƒuɔ Bɔlɛ 17:13

Na ulu ɔmmɔ lɛlɔ na Yosua ɔ́sia na úti kewii ɔ́yila Amalekƒuɔ bekpone bammɔ ƒui.

Israelƒuɔ Bɔlɛ 24:14

Asa na Mose watɔlɔ ni, ɔ́su benengu bammɔ ɔnini, “Bɛsɔ bilie mɛni útédu ka búnwini búbo. Na si ɔdi ku ɔdi bakɛ litemi lɛdi ni, Aaron ku Hur bakya-mii kudɔ mɛni. Bebo kuƒi ka batɛ-ni bete-mii.”

Yesaia 35:3

Bɛkya bekyuli bani na enu áƒɛ-ma na bábla kpɛtɛ kpɛtɛ ogya, na bani na bana akɔnkɔ áyɔ na aatɔ́ ayu ɔkplu.

Korintoƒuɔ 2 1:11

Ɔlɛka amii lɛnɔ bibunku-bu na bɛkpali katɔ bite-bu. Ɔsika si bekyuli pii bákpali katɔ na Katɔti úbunku-bu ni, bekyuli pii badubɔgya Katɔti enu na kalɛ na úbunku-bu ɔsu.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Ƒilipiƒuɔ 1:19

Ɔsika ngyi ka ɔkɛnku bina katɔ bɔkpali na mina lili ku Katɔti Kɔyu kebunku kani nási Yesu Kristo kudɔ ɔsu ni, ndubɔkɛ bɔnwuna.

Koloseƒuɔ 4:2

Bitada Katɔti bɔkpali bitaya. Na binye kagyumana, na biteeti linugya teete-nwu.

Tesalonikaƒuɔ 1 5:25

Banwa, bitaakpali katɔ na bula lili.

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Yakobo 1:6

Nsu si biivele-nwu lɛla lɛdi ni, ɔlɛka bɛƒɔ bɛdi ka ɔdi-nwu bɔyɔ ka ute-mii. Na bina kasusu ketenwini. Ɔsika ukyuli ɔni na nwuna kasusu keenwíni ni, use aani kalɛ na ɔƒɛƒɛɛ uuƒwi ɔnantu ntu taavinku.