Israelƒuɔ Bɔlɛ 15:8 - Katɔti Ɔku Kedee

⁸ Ƒula kɔnyi ɔƒɛƒɛɛ ɔni nálɛ-ɔ enwu kemmo ɔ́ya na ntu bɔmmɔ bɔ́sala lɛlɔ. Na ntu bɔni avlɔvɔ mɔɔkɔ́ mmɔ búnye kpakplaa aani awodu. Na ɛpu ntɛ ntu bɔmmɔ bɔ́kwii bɔ́bla kpakplaa.

Israelƒuɔ Bɔlɛ 15:8 ပူးပေါင်းရင်းမြစ်များ

Samuel 2 22:16

Ɔ́bɔku ɛpu na ɔƒɛƒɛɛ ɔni mɔɔlɛ́-nwu enwu ɔ́ya na ɛpu ɔmmɔ kalɔ kátina nwaa na kalɔ kemmo atabi ɔka údie lɛlɔ.

Hiob 4:9

Unwoti kɔnyi kuubo-ma lɛlɔ aani kalɛ na ɔƒɛƒɛɛ kpakplaa uukpó taayila lɛla lɛdi udu.

Kɔgya 33:7

Ɔ́sala ɛpu ntu bɔmmɔ ƒui úse liku linwi. Na ɔ́ya na buwi ubu bonwu ɔdi kemmo aani kalɛ na baasála ala teewi ala kesekɔ.

Kɔgya 78:13

Úle ɛpu ɔmmɔ kemmo na ɔ́ya nwuna bekyuli básia bálɛ uwi ɔni na ntu bɔmmɔ bunye aani kɔbi na ɔvi ɔni ku ɔni.

Israelƒuɔ Bɔlɛ 14:29

Nsu Israelƒuɔ bésie bávi ɛpu ɔmmɔ kemmo kalɔ kakwiidi lɛlɔ, na ntu bɔmmɔ bunye aani awodu na bana kɔmii ku kɔdianu kakɛ ƒui.

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Yesaia 37:7

Unwoti ɔdubɔya Asiriaƒuɔ ɔga ɔmmɔ unu etemila adi ɔsiku nwuna ɔma na ɔmmɔ ɔdubɔya na unwini usie nwuna ɔma. Na si útéduo ni, Unwoti ɔdubɔya na badu-nwu na mmɔ.’ ”

Habakuk 3:10

Uwi ɔni na áda álɛ ni, abi ammɔ aatɔ́ kpakpaakpa, na ɔnantu ɔɔna taasi liƒlukutu kemmo, na ɛpu uubó avlɔvɔ taakɔ taayu na ɔɔkwanyi ku kɔku bonwu.

Habakuk 3:15

Na ƒula kɛɛkɛ úbwiile ɛpu ntu bɔmmɔ ƒui kalɔ ɔ́vi.

Tesalonikaƒuɔ 2 2:8

Na ɔmɛni kama ni, Katɔti ɔdubudie ukyuli ukpidi ɔmmɔ keyi ɔtina. Na si uwi ɔni na Blɔti Yesu Kristo úbo ni, ɔdubuti nwuna kenye ɔƒɛƒɛɛ ku bukeye ɔkyula-nwu na ɔyila-nwu udu ƒui.

Yosua 3:13

Na uwi ɔni kani na bakpane bani nti Unwoti Bunyimi Adaka badubɔnya ntu bɔmmɔ kemmo ni, Yordan Ketu kammɔ kadubɔda bɔgba bɔya kɔnakunwi. Na ntu bɔni mɔɔgbá taasi katɔ kakɛ bɔdubo ni, bɔdubudi bunye liku linwi.”

Yosua 3:16

ntu bɔni nási katɔ kakɛ bɔ́da bɔgba bɔ́ya. Na bɔ́sala lisu liku linwi. Na kesii kani na ntu bɔmmɔ búdi búnye mmɔ baalɔ Adam na ude Sareta na ɔgyunku kesii kani bávia mmɔ. Na ntu bɔni nágba bɔ́yu búsela Mma Ɛpu búkulo kɔnakunwi. Anwuɔsu bekyuli bammɔ bávia Yordan Ketu na kesii kani nde Yeriko.