Israelƒuɔ Bɔlɛ 15:7 - Katɔti Ɔku Kedee

⁷ Na ƒula lɛgadi bubomo kenye na éti ébo bani mɔɔta teenye-ɔ lɛlɔ áƒiɛmi kalɔ. Na ka édie ƒula kɔnyi keyi ni, ɔ́kyula-ma aani kalɛ na alakpi aakywí.

Israelƒuɔ Bɔlɛ 15:7 ပူးပေါင်းရင်းမြစ်များ

Hiob 9:4

Nwuna lɛnunda kemmo kágyu, na nwuna ɔyikun uuubo bɔka. Ɔma náta únye Unwoti lɛlɔ dii na úse-nwu buɛɛ?

Kɔgya 148:13

Bina ƒui bɛya na bemwi Blɔti, ɔsika anwu lɛti kani nse kede kede ƒui. Na nwuna bukeye bɔ́ƒɔ kayawi ƒui, na bɔ́kɔ búbo bɔ́vi kalɔ ƒui.

Kɔgya 59:13

Ya na ƒula kɔnyi kɔkyula-ma aani ogya na bayii udu kede kede. Na ɔmmɔ adubɔya na kayawi bekyuli bati ka awɔ Katɔti mɔɔdi lɛlɔ na Israel kalɔ lɛlɔ ku kayawi kesi kesii. Na ƒula lɛlɔ bɔdi bɔmɛni bɔ́ƒɔ kalɔ lɛlɔ ƒui.

Kɔgya 68:33

Anwu nli kayaa liƒlukutu lɛlɔ ɔɔví na katɔ ɔ́si kukuuku. Mmɔ na uudie nwuna lɛdi lɛni mbo ogya taasiku.

Kɔgya 83:13

O Katɔti, bla-ma aani ɔtumu ku aƒaaƒa ani na ɔƒɛƒɛɛ uubó taavinku.

Israelƒuɔ Bɔlɛ 14:27

Anwuɔsu Mose únene nwuna kɔnu ɔ́tina ɛpu ɔmmɔ, na asa kadi keteegye ni, ntu bɔmmɔ bɔ́sɔ bɔ́sala lɛlɔ na bɔ́gbala Egyipteƒuɔ bammɔ ɔ́sɔku úwi ɛpu ɔmmɔ kemmo ina ka báyɔ ka nka bekeli.

Israelƒuɔ Bɔlɛ 5:12

Anwuɔsu Israelƒuɔ bákɛ Egyipte kalɔ kesi biala baawia alakpi lidu lidu lɛni beti bekulo atimbɔ ammɔ.

Israelƒuɔ Bɔlɛ 9:16

Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Yesaia 37:17

O Unwoti, se atu na enu, na ebimi anumi na anu. Nu etemila ani na Sanaherib ɔku ɔni na úti úmene, na uudumi awɔ Katɔti ɔni nli ngba ɔdanku.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 37:29

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu, na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yesaia 37:38

Limeyi lɛdi ni, ka Asiriaƒuɔ ɔga ɔkya ɔɔkpá nwuna baƒiɔ Nisrok na nwuna kakpakɔ ni, ɔga ɔmmɔ bebi inyɔ bani ndi Adramelek ku Sareser béti bana kuwii na bétébeyi-nwu bádu na békeli bésie Ararat kalɔ lɛlɔ. Na ubidi bamba ɔni baalɔ bani Esarhadon úti-nwu keliekɔ aani ɔga kalɛ.

Yesaia 47:14

Bekyuli bani néti bana anu básia bekyuli bani mɔɔnu ayabi taasu-ma ala lɛlɔ ni, bana lɛlɔ libo kɔnyana geen utulo lɛtɔ lɛni na bákya ogya kemmo na lɛɛkywí. Na ukyuli biala ɔni mɔɔwa-a ogya ɔmmɔ udu muedi lɛlɔ lilábla gugungu.

Yesaia 5:16

Na Katɔti lɛnyi likeye na lɛkɔ katɔ ka ɔɔtɛ litemi siin ɔsu. Na banu kalɛ na Unwoti use kedee, na kalɛ na ɔɔbla ala siin ɔsu.

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Yeremia 10:6

Bula Unwoti ɔni nébomo na ebo ɔyikun geen, awɔ lɛti kani ndi Katɔti.

Mika 4:11

“Sion, ƒula ekpidi ɔsu na kadi bekyuli pii báka bámana-a na banini, ‘Ɔmɛni anwu buletu uwi bɛya na bɔnu ka bana anumi éwi kalɔ.’

Sakaria 14:3

Na Unwoti ɔdubo kadi kammɔ bukpoku aani kalɛ na ukpone uukpó na kekpokɔ.

Sakaria 14:8

Na liwulu uwi ku kɔyɔ uwi ƒui ni, ntukpa bɔni mbo ntu buni bɔdubo butaagba taasi Yerusalem, na kakɛ kenwi kadubusie ketéduo Ɛpugyie kemmo na ɔƒɛ katukɔ na kakɛ kenwi ketéduo Mediterenia Ɛpu kemmo na ɔƒɛ kanukɔ.

Sakaria 2:8

Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Batalane Kabla 9:4

Na ɔ́lɛ úbo kalɔ na únu ka lɛdi lɛdi lɛɛsu-nwu lɛnini, “Saulo, Saulo, bi ɔsu na eekpóku-mi lɛni?”

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.

Lɛkpa Ulu 4:24

Ɔsika si bɛ́bla lɛni ni, bina Unwoti Katɔti ɔdubuti kɔnyi. Ɔsika uukpó kogyulo na use aani Ogya na ɔkana na ɔkyula-mii.

Hebriƒuɔ 12:29

Ɔsika bula Katɔti use aani ogya ɔni mɔɔkyula ala.