Israelƒuɔ Bɔlɛ 15:6 - Katɔti Ɔku Kedee

⁶ “Unwoti, ƒula kɔdianu kɔnu kɔɔtina lɛgadi ɔyikun. Unwoti, ƒula kɔdianu kɔnu nákɔ ukisine ɔmmɔ ɔ́bwɛ kpɛtɛ kpɛtɛ.

Israelƒuɔ Bɔlɛ 15:6 ပူးပေါင်းရင်းမြစ်များ

Kɔgya 17:7

Bla-mi ƒula lɛƒɔndia lɛni neeebo lɛkala. Awɔ muudie bekyuli bani nékeli bábatamiku-ɔ na bana bekisine enu kemmo ɔkɛnku ƒula ɔyikun bonwu lɛlɔ.

Kɔgya 2:9

Na adubuti lɛbuala ɔgagyii adi-ma lɛlɔ ku ɔyikun kpakplaa na abwɛ-ma ewi kalɔ kpɛtɛ kpɛtɛ aani ebwi kalɛ.’ ”

Kɔgya 24:8

Na ɔma ndi Ɔga Unengudi ɔni muukeye mmɔ? Anwu ndi Unwoti ɔyikune ɔni mɔɔdi nwuna bekisine ƒui lɛlɔ na kekpokɔ.

Kɔgya 44:3

Na ɔɔɔdi bula bati bamɛni nékpo ku bana kuwii asa báƒɔ kalɔ kamɛni bése iye bana enu kabla kadi na béti badi-ma lɛlɔ. Mmomu awɔ nnye mmɔ na ábla ala ebendi ku ƒula ɔyikun na átina ka aayɔ́-ma.

Kɔgya 44:4

Awɔ ndi mina Katɔti ku mina ɔga ɔni mɔɔyá na ƒula bekyuli baadi lɛlɔ.

Kɔgya 60:5

Unwoti awɔ ɔlati ti ƒula kɔdianu kɔnu na ekpo ete-bu ku ƒula ɔyikun kalɛ na ƒula bekyuli bani na aayɔ́ mmɔ bakɛ bɔƒɔ.

Kɔgya 74:11

Bi ɔsu na éni anii alani-ma kɔtu na éti enu ákya lɛgba akɔ.

Kɔgya 77:10

Lɛla lɛni muuduo-mi ƒui ndi ka Katɔti ɔsɔ uuunye uuute-bu.”

Kɔgya 89:14

Ƒula bɔyɔ bɔni na aayɔ́-bu uwi ndi uwi ku kalɛ na asia ƒula litemi kama ntɔ-ɔ anumi na uudie-ɔ keyi ka ƒula lɛgadi lɛmmɔ ƒui linye kpakplaa lite ala bɔbla siin ku litemi bɔtɛ na ulu lɛlɔ.

Kɔgya 98:1

Bidie ɔnu ɔwɔdi bite Unwoti ɔsika ɔ́bla akɔla ala budie taatina. Na anwu ɔni nse kedee údie nwuna kɔnu na ɔ́bla ɔyikun ala na ɔ́di nwuna bekisine lɛlɔ.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Israelƒuɔ Bɔlɛ 15:12

Énene ƒula kɔdianu na kalɔ kébweli-ma ƒui.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Israelƒuɔ Bɔlɛ 18:8

Na Mose ɔ́su nwuna aasi ala ani ƒui na Unwoti ɔ́bla Ƒarao ku Egyipteƒuɔ na Israelƒuɔ ɔsu. Na ɔ́sɔ ɔ́su-nwu abi ani bébo na ulu lɛlɔ ku kalɛ na Unwoti ɔ́da-ma údie.

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Yesaia 30:14

Anwuɔsu na bɛdubo bɔbwɛ aani ebui kɔkɛ kpɛtɛ kpɛtɛ ɔni na kakɛ kadi muedi kaladia ina ogya buti butédie bɔsiku asi bamba kemmo.”

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Yesaia 52:10

Unwoti údie nwuna ɔyikun bonwu keyi ɔ́tina kadi bekyuli ƒui. Na ɔƒaani ni, ukyuli biala ɔdubɔnu ɔti bula Unwoti Katɔti ɔni mɔɔƒɔ́ ukyuli ngba.

Yesaia 63:12

Ɔma muudie kɔnu taabla ɔyikun ala ani muukeye si Mose ɔ́talaku kɔnu katɔ, na úle ɛpu kemmo inyɔ na bana anumi, na nwuna lɛnyi lise lísela uwi ƒui?

Yeremia 13:14

Na ndubo-ma buti bubonku lɛlɔ aani ebui ammɔ kalɛ. Na lɛɛɛdubo bakloƒu ku begblebi ku benengu bammɔ ƒui kɔnyana bɔnu, mmomu ndubo bana ƒui udu bɔyila. Ami Unwoti násu.’ ”

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Samuel 1 2:10

Na bani muukpóku Unwoti ni, ɔdubɔkɔ-ma lɛlɔ ɔvi na babwɛ kpɛtɛ kpɛtɛ. Na kayaa kadubɔbwɛ ogya kebewi-ma lɛlɔ. Unwoti ɔdubɔtɛku bayawine ƒui litemi utédu kalɔ kammɔ ƒui kawɔkɔ. Ɔga ɔni na úse ni, ɔdubɔkya-nwu ɔyikun na ɔya na nwuna lili lɛlɛ aani ebuo lise. Ɔsika anwu na úwi nnɔmii lili úse likpo.”