Israelƒuɔ Bɔlɛ 14:4 - Katɔti Ɔku Kedee

⁴ Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 14:4 ပူးပေါင်းရင်းမြစ်များ

Nehemia 9:10

Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Israelƒuɔ Bɔlɛ 10:2

Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Israelƒuɔ Bɔlɛ 10:27

Nsu ɔmɛni kama Unwoti ɔ́ya na Ƒarao kayi kásɔ káyu ɔkplu na útete kuƒi na Israelƒuɔ batɔlɔ.

Israelƒuɔ Bɔlɛ 12:28

Amu na bátɔlɔ bésie bana kɔduli na bátábla lɛla lɛni na Mose ku Aaron básu-ma aani kalɛ na Unwoti úbo-ma ɔda.

Israelƒuɔ Bɔlɛ 14:23

Na Egyipteƒuɔ ku bana bapɔnkɔ ku bana bapɔnkɔ kɛɛkɛ ku bana bakane bábi básiaku-ma na béduo Ɛpugyie ɔmmɔ kemmo.

Israelƒuɔ Bɔlɛ 14:25

Na ɔ́ya na bana bapɔnkɔ kɛɛkɛ lɛmmɔ lɛgba lɛ́ƒɛ na lɛsɔ liládia bɔni. Amu na Egyipteƒuɔ básu lɛlɔ banii, “Unwoti ɔkya uukpóku-bu teete Israelƒuɔ, anwuɔsu bɛya na bɔda-ma bɔnyonu na bɔtɔlɔ-ma kudɔ.”

Israelƒuɔ Bɔlɛ 14:3

Mmɔ ni, Ƒarao ɔdubuti kasusu ɔnini, ‘Ngyi ka Israelƒuɔ bétéƒu bakya ketele kammɔ kemmo baaví susuusu na balati bana kasiakɔ.’

Israelƒuɔ Bɔlɛ 14:5

Amu ka básu Ƒarao ka Israelƒuɔ békeli bátɔlɔ ni, anwu ku nwuna benengu bávumana kasusu na béye lɛlɔ banini, “Bi adɔlɔla adi na bɔ́bla mɛni? Bɔ́ya na Israelƒuɔ békeli bátɔlɔ. Na ɔma bene nsɔ ndubɔbla kabla bete-bu?”

Israelƒuɔ Bɔlɛ 14:8

Na Unwoti ɔ́ya na Ƒarao kayi káyu ɔkplu na báta banii batábi basiaku Israelƒuɔ bani náta báyu ulu bésela ku kayi buse.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 6:7

Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.

Israelƒuɔ Bɔlɛ 7:17

Anwuɔsu Unwoti ɔnini, “Ɔkɛnku ɔmɛni lɛlɔ ɔsu ni, adubo bɔnu bɔti ka Ami ndi Unwoti sɔsɔ.” Na ugyii ɔni nkya-mii kɔnu mɛni, ndubuti bɔƒiɛmi Nil Ketu ntu bɔmɛni anumi na ketu kammɔ kenwini ubugya.

Israelƒuɔ Bɔlɛ 7:3

Nsu ndubɔya na Ƒarao kayi kayu ɔkplu, na ina bi akɔla ala budie taatina ku ala ebendi na lídie lɛ́tina-nwu kɔlɛ kɔlɛ na Egyipte kalɔ lɛlɔ ni,

Israelƒuɔ Bɔlɛ 7:5

Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Israelƒuɔ Bɔlɛ 9:16

Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Esekiel 28:22

na asu-ma anini, ‘Ami Unwoti Katɔti línwini bina ukisine! Na bekyuli badubo-mi bumwi si lɛ́ni-mii kɔtu na banu-mi bati kalɛ na nse kedee.

Esekiel 32:15

“ ‘Egyipte kalɔ kadubo bubie na kasɔ katɛ ukpludi ɔni na lɛla lɛdi lɛsɔ lilakya ngba na kana kemmo. Na awɔ ku ƒula bekyuli ƒui bɛdubɔnu bɛti ka ami ndi Unwoti.’

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Esekiel 38:23

Ndubo ɔmɛni bɔbla liti lɛtina kayawi ƒui ka ami Unwoti nse kedee.’ ”

Esekiel 39:13

Na kalɔ kammɔ ukyuli biala ɔdubo bubunku na bekyuli bammɔ bɔva kemmo. Na limeyi lɛni na badubɔnu mina bukeye ni, ɔdubɔbla limeyi lɛni na ɔdi biala ɔdubɔkɛ ɔbu.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Romaƒuɔ 11:8

Lɛni na Bunweni Kedee Ɔku ɔ́su ɔnini, “Katɔti ɔ́nyonu-ma na kɔdɔlɔ kɔ́ƒɔ-ma kayi ku kasusu ƒui. Na úti úbalɛ ku ɔmwi kadi ni, belenu na balánu lɛla lɛdi taati.”

Romaƒuɔ 9:17

Na Bunweni Kedee Ɔku kemmo ni, Katɔti ɔ́su Ɔga Ƒarao ɔnini, “Kasusu kamɛni geen ɔsu na líse-ɔ lɛga kalɛ na lidie mina ɔyikun lɛtina bekyuli ɔkɛnku ƒula lɛlɔ, na bebo-mi lɛnyi kudu bete kayawi bekyuli ƒui.”

Romaƒuɔ 9:18

Anwuɔsu ni, Katɔti ɔɔnu ukyuli ɔni na ɔɔyɔ́ kɔnyana. Na uudie ɔbambadi lɛnɔ atu na ɔɔbla atuɔkplu.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

Litemi Batɛne 4:7

Mmɔ na ndubɔya na Sisera ɔni ndi Yabin bekpone ɔtɔnkune ubekpoku-mii na Kison Ketu kenye. Ɔdubuti nwuna bapɔnkɔ kɛɛkɛ ku nwuna bekpone uboku, na ndubɔya na adi-ma lɛlɔ.’ ”