Israelƒuɔ Bɔlɛ 13:9 - Katɔti Ɔku Kedee

⁹ Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 13:9 ပူးပေါင်းရင်းမြစ်များ

Nehemia 1:10

“Anwuɔsu muuvele-ɔ ka ƒula bekyuli ku kabla bablane na badi na awɔ néti ƒula ɔyikun bonwu ékpo áƒɔ-ma.

Kɔgya 136:11

Ɔ́ya na Israel kadi bekyuli ƒui bávi bálɛ Egyipte kalɔ kammɔ kemmo. Ɔsika ɔɔyɔ́-bu uwi ndi uwi.

Kɔgya 136:12

Údie nwuna kɔnu na ɔ́bla ɔyikun ala úte-bu. Ɔsika ɔɔyɔ́-bu uwi ndi uwi.

Kɔgya 89:13

Ebo ɔyikun geen na ƒula ɔyikun use kpakplaa etulo lɛla biala.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Israelƒuɔ Bɔlɛ 12:41

Na lɛkwa eti maane ku avlaatɛdi lɛlɔ pɛpɛɛpɛ ni, Unwoti ɔ́ya na Israel kaba bekyuli bammɔ ƒui bálɛ Egyipte kalɔ lɛlɔ.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Israelƒuɔ Bɔlɛ 7:4

ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Agba 1:9

Lɛla lɛni na átɛya bana kudɔ ɔdubunwini kagabwa kebi-ɔ lili. Na unwini asɛɛ abuni akya-a limɔ.

Agba 3:21

Mina ubi, sia ala bɔnu taati anu ku etemila kemmo bɔƒuna kaduɛ na tada ɔdi tava.

Agba 7:23

na unye ɔgya ka lɛtula lɛƒuala-nwu kayi. Na útavumanaku aasɛ ɔni muuveyi taatánu kamia na ɔɔɔgyi ɔnii ɔgbankpi kemmo na úsela.

Lɛnu Ƒui Ɔnu 8:6

Mɔɔwia ka ami kani mina lɛlɔ litemi lɛkya-a kayi kemmo uwi ndi uwi, na akya kakwɛnimi kamɛni kɔnu na eti eteenyimo-mi. Bɔyɔ kogyulo bukpo kɔni mɔɔda ogya kubo ɔkplu kutulo kukpi na kutulo kaƒiɔtɔ.

Yesaia 27:1

Na kɔnyi limeyi lɛmmɔ lɛlɔ ni, Unwoti ɔdubo ku nwuna kewii bonwu kani mbo ɔkplu na kebo ɔbi yayaaya, na ɔni bayikune bani ntulo ƒui mmɔ kɔtu. Ada bonwu ɔni muukeli, na ɔɔkono lɛlɔ taatu teetéwi, ku liƒu kebweyi bonwu kani na ɛpu kemmo, na badi bayikune mmɔ na ɔdubo bɔdu ƒui.

Yesaia 40:10

Bɛnu, Unwoti Ɔyikune Ƒui ɔ́si ɔdubo ubadi bekyuli lɛlɔ ku nwuna ɔyikun bonwu. Bɛnu, ɔdanku lɛyuƒɔla ku kɔnu bɔsia etela úboku bekyuli.

Yesaia 44:5

Na badubɔkun lɛmɛnɛ na ɔdi ɔsu ɔnii, ‘Unwoti ɔdi na ndi.’ Na ɔbambadi ɔsu ka ‘Yakob kaba ubi na ndi.’ Na ɔbambadi unweni ɔsia nwuna kɔnu lɛlɔ ɔnii, ‘Unwoti mbo-mi.’ Na bana ƒui badubɔsu ka Israelƒuɔ na badi na Unwoti mbo-ma na ɔɔɔdi baƒiɔ.

Yesaia 49:16

Lɛ́ta-mii lɛ́sia mina lɛkɔkɔ na bina ala akya-mi kasusu kemmo uwi ndi uwi.

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Yesaia 59:21

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Yeremia 22:24

“Ɔga Yekonia, Yudaƒuɔ Ɔga Yehoiakim ubidi, ina awɔ ndi kakwɛnimi kani nkya-mi kɔnu aani likposela úte mina lɛgadi ɔyikun muedi ni, ndubɔni-ka lidie mina kɔnu.

Daniel 9:15

“Unwoti bula Katɔti, awɔ ɔlati ƒula kɔnu kɔni na eeti taabla ɔyikun ala na éti édie-bu ásiku Egyipteƒuɔ enu kemmo, na áya na ƒula lɛnyi lísie ɔgyu úti úbedu ɔmwi limeyi lɛmɛni lɛlɔ, nsu alaekpidi bonwu bonwu bɔbla lɛlɔ kani na bɔmu bunye.

Yoel 2:11

Unwoti Katɔti mɔɔtɔnku bekpone lisu bonwu bamɛni na beenú-nwu lɛdi. Katɔti litemi bɔtɛ limeyi lɛdi liƒu limeyi bonwu geen na ukyuli biala ulakana-ni kenye bunye.

Bumomo Bɔka 15:39

Na adi linwo lɛmmɔ lɛdubɔbla enyimola ute-mii na uwi biala bɛ́nu adi ammɔ ni, bɛdubo buteenyimo mina ɔda bubo na bitaadi-nwu lɛlɔ kalɛ na bilálɛ-mi kama na bitásiaku amii alati ɔbladu kama.

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Romaƒuɔ 10:8

Mmomu lɛla lɛni na ɔɔtina ndi ka, “Katɔti litemi lɛmmɔ lɛ́ɛni líde-ɔ, na lɛkya-a kenye ku ƒula kayi kemmo.” Na ani ndi bɔƒɔtaadi litemi lɛni lɛsa na bɔɔkɔ́.

Lɛkpa Ulu 30:14

Oowo! Uuuse lɛni. Mmomu ɔda bubo bɔmmɔ bude-mii. Na bɛgyi-mu ku kesii kani na ɔkya. Anwuɔsu bɛkana bɛdi-mu lɛlɔ.

Lɛkpa Ulu 5:15

Na ɔlɛka binyimo ka uwi ɔni návi kemmo ni, bɛdi bekyuli bani na bénye-mii lɛlɔ ka bitaabla kabla teete-ma. Na ami ɔni ndi bina Unwoti Katɔti néti mina ɔyikun bonwu ku ɔlɔkplu kpakplaa na lídie-mii lɛ́lɛku mmɔ. Ɔmɛni ɔsu na muubó-mii ɔda ka bitabla kabla kadi lɛnwunameyi lɛlɔ.

Lɛkpa Ulu 6:21

Na bɛsu-ma bɛnini, “Uwi ɔdi nábavi ni, nka bɔdi bekyuli bani na Egyipteƒuɔ bénye-bu lɛlɔ na bɔɔbla-ma kabla. Na Unwoti néti nwuna ɔyikun unengudi úkpo ɔ́ƒɔ-bu ɔ́lɛku nwuna enu kemmo.

Lɛkpa Ulu 6:6

Na bɛda ɔda bubo bɔni líti muute-mii ɔmwi kadi kamɛni lɛlɔ kaduɛ na bina kayi kemmo.

Lɛkpa Ulu 6:8

Binweni-mu bɛsia lɛla lɛdi lɛlɔ na binyimi-mu bɛda bina enu ku atɛntɛ lɛlɔ aani linyimola.

Budie Taatina 18:8

Anwuɔsu ɔgbankpi ɔdubuƒie-nwu ɔva limeyi linwi. Na ɔdubuduo ɔlɛ ku kɔnyana buwulo ku kɔka lɛnɔ kemmo. Na ogya ɔdubo-nwu bɔkyula, ɔsika Katɔti úbomo na anwu ndubɔtɛku-nwu litemi.

Litemi Batɛne 2:12

Na béni bana Unwoti ɔni ndi bana bati kuuku Katɔti ɔni nédie-ma ɔ́lɛku Egyipte kalɔ lɛlɔ, na bénwini bésie baakpá kadi bamba baƒiɔ lidu lidu lɛni nkya bana amadɔ mmɔ. Na báya na Unwoti ɔ́kɛ kɔnyi geen,