Israelƒuɔ Bɔlɛ 13:8 - Katɔti Ɔku Kedee

⁸ “Na limeyi bɔdi bɔmmɔ lɛlɔ ni, su ƒ'ubidi anini, ‘Ɔkɛnku lɛla lɛni na mina Unwoti ɔ́bla úte-mi ɔni na lɛ́lɛ Egyipte kalɔ lɛlɔ ɔsu na mɔɔbla ɔmɛni.’

Israelƒuɔ Bɔlɛ 13:8 ပူးပေါင်းရင်းမြစ်များ

Kɔgya 44:1

O Katɔti, bula bati básu-bu na búnu ku bula atu ala ani udu na ábla na bana kuuku uwi.

Israelƒuɔ Bɔlɛ 10:2

Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Yesaia 38:19

Bayawine kani ndubɔkana-a bumwi aani kalɛ na ndaku bɔbla ɔƒɛni. Na bebi bati mɔɔsu bana bebi kalɛ na aadi ƒula litemi lɛlɔ teete bekyuli.

Eƒesoƒuɔ 6:4

Na amii bawɔne lɛnɔ ni, bitabla ala ani makya bina bebi kɔnyi. Mmomu bɛtumini-ma na bɛlɛ-ma bɛsiaku bɔƒɔtaadi ulu lɛlɔ.

Lɛkpa Ulu 6:20

Na uwi ɔdi ɔdubo ɔni na bina bebi badubo-mii buye banii, “Bi ɔsu na bula Unwoti Katɔti úbo-bu ɔda ka bɔdi nwuna ɔda bubo bɔmɛni ƒui lɛlɔ?”