Israelƒuɔ Bɔlɛ 13:5 - Katɔti Ɔku Kedee

⁵ Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Israelƒuɔ Bɔlɛ 13:5 ပူးပေါင်းရင်းမြစ်များ

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 50:24

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Ala Alɛdi 1 1:15

ku Hiwiƒuɔ ku Arkiƒuɔ ku Siniƒuɔ

Israelƒuɔ Bɔlɛ 12:24

“Na bɛnu ka amii ku bina bebi bɛ́di ɔda bubo bɔmɛni lɛlɔ uwi ƒui.

Israelƒuɔ Bɔlɛ 13:10

Na bɛnu ka bɛɛdi limeyi lɛmɛni na nina uwi lɛlɔ lɛkwa biala kemmo.

Israelƒuɔ Bɔlɛ 13:11

“Si Unwoti úti-mii úduoku Kanaanƒuɔ kalɔ kani na úse kenye úte amii ku bina bati kuuku ka weti wete-mii kemmo ni,

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 32:13

Na enyimo ƒula linyese lɛni na éte ƒula kabla bablane Abraham ku Isak ku Yakob ka adubɔya na bana kaba bekyuli bemomo aani katɔ ayabi. Na adubute-ma kalɔ kani na ése kenye ka badubuti-ka babla bana kadikɔ.”

Israelƒuɔ Bɔlɛ 33:1

Amu na Unwoti ɔ́su Mose ɔnini, “Awɔ ku bekyuli bani na ákpanku álɛku Egyipte mmɔ bɛta kesii kani bilie mɛni. Na biteesie kalɔ kani líse kenye ka mete Abraham ku Isak ku Yakob ku bana bawɔ mmɔ lɛlɔ.

Israelƒuɔ Bɔlɛ 34:11

Di ɔda ɔni muubó-ɔ ɔmwi mɛni lɛlɔ. Na ndubo Amoriƒuɔ ku Kanaanƒuɔ ku Hitiƒuɔ ku Perisiƒuɔ ku Hewiƒuɔ ku Yebusiƒuɔ bɔbɔku na ƒula anumi.

Israelƒuɔ Bɔlɛ 6:4

Na bunyimi bɔni na línyimiku-ma ka meti Kanaan kalɔ kesii kani na bélie dii aani baƒɔ mete-ma ni, lɛ́lɛ-mu ugyii.

Israelƒuɔ Bɔlɛ 6:8

Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”

Yeremia 11:5

Ami lɛ́di mina lɛsuse lɛlɔ, anwuɔsu na líti kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na bilie-ka lɛlɔ mɛni líte-ma.” Amu na lídie kenye nnini, “Sɔsɔ na ɔdi Unwoti.”

Yeremia 32:22

Na éti kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mɛni éte bula bati kuuku aani kalɛ kani na ése-ma kenye ése.

Esekiel 20:6

Na líse kenye ka ndubudie-ma lɛlɛku Egyipte kalɔ lɛlɔ na lɛtɔnku-ma lisienku ɔmii ɔni na lɛ́ɛƒuna líse lɛlɔ. Na kalɔ kammɔ kadi kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii teetulo kɔlɔ kɔkladi ƒui.

Lewiƒuɔ Ɔda Bubo 20:24

Nsu lɛ́su-mii nnini, “Bɛdubuti bekyuli bammɔ kalɔ, na ami ndubo-ka buti bute-mii na kenwini bina kadikɔ. Kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii.” Ami ndi Unwoti bina Katɔti ɔni nédie-mii úse sɛsɛɛ úte lɛlɔ ɔ́siku kadi bamba bekyuli kudɔ.

Bumomo Bɔka 11:12

Ami náda bekyuli bamɛni ƒui kaƒɔ, munuu ami náwɔ-ma? Na bi ɔsu na aayɔ́ ka ntaagyu-ma taada enu kemmo aani kalɛ na ukyuli ɔni mɔɔda ubi ɔɔbla, asa na lɛkpanku-ma lisienku kalɔ kani na ése bana bati kuuku kenye ka adubute-ma kemmo?

Bumomo Bɔka 13:27

Amu na básu Mose banini, “Kalɔ kani lɛlɔ na átala-bu mmɔ ni, sɔsɔ búsie bútéduo-ka kemmo na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na aanu kana egyiibi ammɔ adi muedi.

Bumomo Bɔka 14:16

‘Unwoti útakana nwuna linyese lɛlɔ bɔdi na ɔkpanku bekyuli bamɛni usienku kalɔ kani kenye na ɔ́su-ma use mmɔ lɛlɔ. Ɔmmɔ ɔsu na ɔ́du-ma ɔ́kya ketele kalɔ kakwiidi kemmo mmɔ.’

Bumomo Bɔka 32:11

‘Ka bekyuli bammɔ béteti bana kayi ƒui bátasiaku-mi ɔsu ni, banana bani ƒui nákɛ akwa aavlanyɔ ku kama na báta bási Egyipte kalɔ lɛlɔ ɔdi biala ulanu kalɔ kani líse kenye ka meti mete Abraham ku Isak ku Yakob mmɔ.

Lɛkpa Ulu 12:29

Bina Unwoti Katɔti ɔdubo bekyuli bani nlie lɛma lɛni bísela mmɔ udu bɔyila. Na si ɔ́yila-ma udu ɔ́wɔlɔ ni, na mmɔ unwini bina keliekɔ. Na ɔdi utasiaku bana lɛƒiɔkpa kama iye utawia utenu kalɛ na baakpá bana baƒiɔ taavinku kalɛ amii lɛnɔ bitaakpa bina Katɔti na ulu ɔmmɔ lɛlɔ. Na si bɛ́bla lɛni ni, ɔgbankpi ɔdubɔsiaku-mii.

Lɛkpa Ulu 19:1

Si uwi ɔni na bina Unwoti Katɔti ɔ́yila bekyuli bani nli kɔlɔ kɔni bɛdubo bulie mmɔ udu ɔ́wɔlɔ na bɛ́bɔku-ma na bɛ́ƒɔ-ma lɛma ku kɔduli bilie ni,

Lɛkpa Ulu 26:1

Si bísie bítéduo kalɔ kani na bina Unwoti Katɔti ɔ́su úse ka wete-mii mmɔ lɛlɔ ni, na bɛ́bla bina keliekɔ bɛ́wɔlɔ ni,

Lɛkpa Ulu 7:1

Amii Israelƒuɔ, si uwi ɔni na bina Unwoti Katɔti ɔ́kpanku-mii úboku kalɔ kani na bɛdubuti binwini bina ɔdi kemmo ni, ɔdubɔbɔku Hitiƒuɔ ku Girgasiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛnɔ ute-mii. Kadi maatɛ bamɛni bekyuli bemomo betulo-mii na bebo ɔkplu lɛnɔ betulo-mii.

Yosua 24:11

“Ɔmmɔ kama ka bɛ́via Yordan Ketu bísie Yeriko ni, Yerikoƒuɔ báta na bébekpoku-mii. Lɛni kani na Amoriƒuɔ ku Perisiƒuɔ ku Kanaanƒuɔ ku Hetiƒuɔ ku Girgasiƒuɔ ku Hewiƒuɔ ku Yebusiƒuɔ lɛnɔ bébekpoku-mii. Nsu líti bana ƒui lɛ́kya-mii enu kemmo.