Israelƒuɔ Bɔlɛ 13:18 - Katɔti Ɔku Kedee

¹⁸ Anwuɔsu Katɔti ɔ́tɔnku-ma na bénwini bátásia ketele ulu ɔni ntɛ úsie Ɛpugyie mmɔ lɛlɔ. Na Israelƒuɔ báda lɛlɔ aani bekpone kalɛ asa na bálɛ Egyipte kalɔ lɛlɔ.

Israelƒuɔ Bɔlɛ 13:18 ပူးပေါင်းရင်းမြစ်များ

Ala Kalɔ Buse 50:25

Na Yoseƒ ɔ́ya na Israel bebi bákpali Katɔti bése kenye, na ɔ́su-ma ɔnini, “Ngyi geen ka Unwoti Katɔti ɔdubo ubebunku-mii. Na ɔdi ka biti mina ekubi bɛtɔlɔku mɛni.”

Kɔgya 107:7

Unwoti ɔ́tɔnku-ma ɔ́siaku ulu ligeen lɛlɔ útéduoku ɔma ɔni kemmo na bákɛ keliekɔ.

Kɔgya 136:16

Bɛgya anwu ɔni nátɔnku nwuna kadi bekyuli ɔ́siaku kalɔ kakwiidi kemmo enu. Ɔsika ɔɔyɔ́-bu uwi ndi uwi.

Kɔgya 68:8

Uwi ɔmmɔ kemmo ni, kalɔ kákunku na kayaa kálɛmi na ɔnantu ɔ́na, ɔsika Sinai kɔbi Katɔti ɔdubo. Na anwu ndi Israel Katɔti.

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 14:2

“Kɔ lɛsa, na asu Israelƒuɔ na benwini kama beteesie batáwia keliekɔ na Pi-Hahirot, na Migdol ku Ɛpu ntɛ. Na basɔ bakya Ɛpu ɔmmɔ kudɔ, na Baal-Seƒon ɔƒɛnyi kakɛ.

Israelƒuɔ Bɔlɛ 14:9

Na Egyipte bekpone ƒui ku bana bapɔnkɔ ku bana bapɔnkɔ kɛɛkɛ ƒui ku bana bakane báta na bábi básiaku Israelƒuɔ bamɛni. Na sɔsɔ ni, bátánu-ma na Ɛpugyie kudɔ na Pi-Hahirot, na Baal-Seƒon ɔƒɛnyi, ka bewi mmɔ.

Lɛkpa Ulu 17:16

Na ɔga ɔni na bɛdubuse ni, utalɛka ɔwia bapɔnkɔ pii ute lɛlɔ. Na utalɛka ukyuli ɔdi use Egyipte kalɔ lɛlɔ utéye bapɔnkɔ badi ɔ́siku mmɔ uboku-nwu. Ɔsika Unwoti ɔ́su-mii ka ukyuli ɔdi ɔsɔ utesie Egyipte kalɔ lɛlɔ mmɔ lɛnɔ.

Lɛkpa Ulu 32:10

Na bese-nwu aani bekyuli bakɛdi na kalɔ kakwiidi kani kemmo na ɔƒɛƒɛɛ ɔni mɔɔkula ala uukpó uwi ƒui ku kudu. Na Katɔti nébenwini bana kabɛkɔ. Na ɔkya ɔɔgyumana-ma aani nwuna lɛnumi kebi.

Yosua 1:14

Na si bídu mmɔ ni, bina beleku ku bina bebi ku bebuo basɔ bakya mmɔ. Nsu bina bekpone bani na bátu-ma akpagya ni, ɔlɛka bagyu batɔ bana banwa bakladi kalɛ na bebunku-ma

Yosua 4:12

Asa na bávia Yordan Ketu ni, Ruben ku Gad ku Manase kaba kakɛ banana baklibi lɛlɔ bese bete kekpo na ama bagyu batɔ bakladi aani kalɛ na Mose ɔ́su-ma use.

Yosua 4:13

Na bekpone bani mabla aani nkyuli mpim aavlene batɔ Unwoti anumi na bávia bésie kalɔ ƒiaa kani nde Yeriko ka betékpo.