Israelƒuɔ Bɔlɛ 12:6 - Katɔti Ɔku Kedee

⁶ “Na bitaanu-ma lɛlɔ kaduɛ útédu kɔbuli limeyi leevu-linedi lɛlɔ useyi uwi asa na ɔdi biala ɔdu nwuna ebuo.

Israelƒuɔ Bɔlɛ 12:6 ပူးပေါင်းရင်းမြစ်များ

Ala Alɛdi 2 35:1

Na uwi ɔmmɔ ni, Yosia úbo ɔda ka badi Kukpi Lili Bɔvia Limeyi na Yerusalem na beti babu Unwoti. Anwuɔsu na kɔbuli kudeedi limeyi leevu-linedi lɛlɔ ni, bádu baƒonu bakɔdi béte limeyi lɛmmɔ bɔdi.

Esra 6:19

Na Yudaƒuɔ kɔbuli kudeedi limeyi leevu-linedi lɛlɔ ni, bekyuli bani na béƒie bátɔlɔku mmɔ bádi Kukpi Lili Bɔvia Limeyi.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Israelƒuɔ Bɔlɛ 12:17

“Bɛdi Bodobodo Ɔni Néteƒu Limeyi lɛmmɔ, ɔsika limeyi lɛmmɔ lɛlɔ geen na lídie-mii lɛ́lɛku Egyipte kalɔ lɛlɔ na bina adua adua ammɔ kenye. Bɛlɛ limeyi lɛmɛni ugyii na bitaadi-ni amii ku bina kaba kaba bekyuli úsela uwi ƒui.

Israelƒuɔ Bɔlɛ 12:18

Bɛdi limeyi lɛmɛni úti ɔ́si kɔbuli kudeedi limeyi leevu-linedi useyi lɛlɔ úti útédu limeyi aavlanyɔ-unwi useyi. Na ɔdi utadi bodobodo ɔni kemmo na bɔnyii bɔkya na emeyi ammɔ kemmo.

Israelƒuɔ Bɔlɛ 12:47

Anwuɔsu ɔlɛka Israelƒuɔ ƒui bitaadi limeyi lɛmɛni.

Israelƒuɔ Bɔlɛ 16:1

Amu na Israelƒuɔ bammɔ ƒui báta bási Elim na bétédu Sin ketele kemmo, na ketele kani nkya Elim ku Sinai ntɛ. Na ka bálɛ Egyipte kalɔ lɛlɔ ni, na ɔdi kɔbuli kunyɔdi limeyi leevu-lɛlɔndi lɛlɔ.

Israelƒuɔ Bɔlɛ 16:12

“Su Israelƒuɔ bammɔ anini, línu bana etemila ani bakya baasu teewi-mi. Ɔmmɔ ɔsu si úsela useyi uwi ni, badubɔkun lɛna. Na ɔtanta lɛnɔ badubɔkɛ bodobodo ɔni baawia badi. Mmɔ na badubɔnu bɔti ka ami Unwoti ndi bana Katɔti.”

Israelƒuɔ Bɔlɛ 19:1

Kɔbuli kɔtɛdi lɛlɔ na Israelƒuɔ bésie bétédu Sinai ketele kemmo na limeyi lɛmmɔ lɛlɔ pɛpɛɛpɛ ka báta Egyipte kalɔ lɛlɔ.

Israelƒuɔ Bɔlɛ 29:39

Na adu unwi ɔtanta na adu unwi useyi uwi.

Israelƒuɔ Bɔlɛ 29:41

Na adu kunyɔdi useyi uwi na ebunku ɔlaaƒɔ ku ntɛ aani ɔtanta ɔdi kalɛ kani na ɔbla ɔnyi ƒɛƒɛɛ akpala bɔkyula ute ami Unwoti.

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Esekiel 45:21

“Na ɔ́si kɔbuli kudeedi kɔmɛni limeyi leevu-linedi lɛlɔ ni, ɔlɛka ukyuli biala use kalɔ ku Kukpi Lili Bɔvia limeyi bɔdi utálɛ limeyi maatɛdi lɛlɔ. Na bodobodo ɔni kemmo na bátakya bɔnyii na ukyuli biala ɔdubɔdi.

Lewiƒuɔ Ɔda Bubo 23:5

Kɔbuli kudeedi kɔni ndi Abib limeyi leevu-linedi lɛlɔ useyi uwi si ɔƒɛ úsela kanukɔ ni, na bise kalɔ bitaadi Unwoti Kukpi Lili Bɔvia Limeyi.

Bumomo Bɔka 28:16

“ ‘Na limeyi leevu-linedi biala na kɔbuli kudeedi lɛlɔ ni, ɔlɛka badi Unwoti Kukpi Lili Bɔvia Limeyi.

Bumomo Bɔka 28:18

Na limeyi lideedi lɛlɔ ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi.

Bumomo Bɔka 9:11

Na ɔlɛka badi limeyi lɛmmɔ na kɔbuli kunyɔdi limeyi leevu-linedi lɛlɔ useyi uwi. Na ɔlɛka bakun koƒonu ubi kɔmmɔ ku bodobodo ɔni na bɔnyii buuubo-nwu kemmo ku evete ani mbo ɔdu.

Mateo 27:20

Na bakpane benengu ku ɔma benengu bammɔ bébile bekyuli lisu lɛmmɔ atu ka beye Pilato na ɔnyonu Baraba na badu Yesu.

Mateo 27:25

Amu na bekyuli lisu lɛmmɔ ƒui bédie kenye banii, “Nwuna kukpi kɔsia abu ku bula bebi lili!”

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Marko 15:11

Nsu bakpane benengu bammɔ bénwini bekyuli lisu lɛmɛni kasusu kalɛ na Pilato ɔnyonu Baraba mmomu uti ute-ma.

Marko 15:25

Bákana-nwu bámana ugyii lɛlɔ ɔtanta lɛdɔ yaalenwi.

Marko 15:8

Amu na uwi ɔni na bekyuli pii bamɛni bábasa ni, béye Pilato banii ɔkali nwuna ɔtɔ batɛne kɔnyana bɔnu aani kalɛ na ɔɔbla uwi ndi uwi mmɔ.

Luka 23:1

Amu na bana ƒui báta na bétiku Yesu bésienku Pilato kudɔ.

Luka 23:18

Amu na bana ƒui báva momoomo banii, “Du-nwu! Na anyonu Baraba ete-bu!”

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Batalane Kabla 3:14

Bíni ukyuli ɔbuni mmomu, na bɛ́tuna bɛnii ɔnyonu bekyuli ɔdune na ukyuli ɔbuni ɔmmɔ kenye.

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Yosua 5:10

Uwi ɔni na Israelƒuɔ bamu bakya Gilgal na kalɔ kani nwi ƒiaa na Yeriko kudɔ ni, bádi Kukpi Lili Bɔvia limeyi useyi ɔmmɔ na kɔbuli kɔmmɔ limeyi leevu-inedi lɛlɔ.