Israelƒuɔ Bɔlɛ 11:8 - Katɔti Ɔku Kedee

⁸ Ƒula benengu ƒui badubɔlɛ akɔnkɔ na mina anumi na beteevele-mi banii, ‘Awɔ ku bani ƒui nsiaku-ɔ kama biteesie.’ Na ɔmmɔ kama ni, ndubɔtɔlɔ.” Amu na Mose ɔ́tɔlɔ Ƒarao anumi ku kɔnyi.

Israelƒuɔ Bɔlɛ 11:8 ပူးပေါင်းရင်းမြစ်များ

Baga 1 20:10

Ɔmmɔ kama Ben-Hadad úti kenye kabambadi úmene Ahab ɔnini, “Bula baƒiɔ badu-mi si ńtabla lɛla lɛni mɔɔsu mɛni. Samaria ɔma ni, lɛla lɛdi lɛsɔ lilébu uletulo ɔtumu, na uyi lɛkɔkɔ muedi!”

Baga 2 3:9

Ɔmmɔ ɔsu Ɔga Yehoram ku Yudaƒuɔ ɔga ku Edomƒuɔ ɔga báyu ulu. Na ka bésie bávi laa emeyi maatɛ ni, bana ntu bɔnidi búbasa. Na ntu biala buuubo na ama iye bana bebuo bani.

Nehemia 5:6

Uwi ɔni ami Nehemia línu bana kɔvanu ku bana etemila ani báasu ni, líti kɔnyi geen.

Kɔgya 6:1

Unwoti Katɔti, teti kɔnyi na adɔnku-mi! Na tani-mi kɔtu si livo liiƒí-ɔ!

Israelƒuɔ Bɔlɛ 10:29

Amu na Mose ɔ́su Ƒarao ɔnini, “Línu, ɔdubuse kalɛ kani na ásu, nsɔ lɛɛɛdubo-ɔ bɔnu kudii.”

Yesaia 49:23

Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”

Yesaia 49:26

Na ɔdubɔya na bekyuli bekpidi bammɔ bakun ama alati bana ɔlɔna aani lɛna na bani bana ubugya bekpi aani kalɛ na baaní ntɛ teekpi. “Na ukyuli biala ɔdubɔnu ɔti ka ami ndi Unwoti Israel Katɔti Ɔyikune Ƒui ɔni mɔɔƒɔ́-mii ngba na ɔɔyá na bɛɛkɛ́ bɔnwuna.”

Esekiel 3:14

Ɔmmɔ kama Kɔyu kɔmmɔ kúti-mi kɔ́tɔlɔku. Na Unwoti ɔyikun ɔ́ƒɔ-mi lɛlɔ kemmo ƒui na líti kɔnyi na livo lɛnɔ liiƒí-mi geen.

Daniel 3:19

Amu ka básu lɛni ni, Nebukadnesar ɔ́nyina anumi geen ku kɔnyi ɔ́kya nkyuli ɛtɛ bamɛni. Na ɔ́su nwuna kabla bablane ɔnii basɔ babla lɛgyavonku lɛmmɔ na lɛƒɔ ogya libu akpa maatɛ.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Lɛkpa Ulu 29:24

Na mmɔ na kayawi ƒui bekyuli badubuye banini, “Bi mɔɔlɛ́ ɔsu na Unwoti úbile kalɔ kammɔ lɛni? Na bi bɛ́bla ɔsu na úti kɔnyi kati kati ɔ́kya-mii lɛni?”

Lɛkpa Ulu 32:24

Na kɔka ku lɛlɔ bɔbi ɔdubo-ma bɔdu. Na lɛlɛ lidu lidu lɛdubo-ma bɔdu. Na ndubɔya na beƒiebuo bebekpoku-ma na balakpi bani mbo ugyulo ukpidi ɔdu-ma.

Hebriƒuɔ 11:27

Na ɔkɛnku bɔƒɔtaadi bɔmmɔ ɔsu na ɔ́tɔlɔ Egyipte ɔni na útayia kɔnyi kɔni na ɔga ɔmmɔ wakɛ. Na únye kpakplaa aani si bɔnu na ɔ́ɔnu Katɔti ɔni na bula anumi alákana bɔnu tɔ.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.

Litemi Batɛne 4:10

Na Barak ɔ́ya na Sebulon ku Naƒtali adua bekyuli bálɛ bébo. Na bekpone mpim leevu básiaku-nwu. Na Debora lɛnɔ ɔ́siaku-ma.

Litemi Batɛne 8:5

Na ka bébedu Sukot ni, ɔ́su Sukot bekyuli ɔnini, “Bite mina bekpone bamɛni bodobodo ɔdi na badi, ɔsika lɛlɔ lítu-ma, nsu lɛ́mu nsiaku Seeba ku Salmuna bani ndi Midian baga kama mɔɔbɔku-ma.”