Israelƒuɔ Bɔlɛ 11:5 - Katɔti Ɔku Kedee

⁵ Na ndubɔya na ukyuli biala ubi udeedi ɔni na ɔ́wɔ ukpi, ɔ́si Ƒarao ubidi udeedi ɔni nlie-nwu lɛgaboku lɛlɔ, úti útédu ulekubi kabla ɔblane ɔni nƒa lɛtabi kukɔ lɛlɔ, ku bebi bedeedi bani na bina bebuo báwɔ lɛnɔ ƒui lɛlɔ.

Israelƒuɔ Bɔlɛ 11:5 ပူးပေါင်းရင်းမြစ်များ

Kɔgya 105:36

Na ɔ́ya na Egyipteƒuɔ bebi bananabi bedeedi bani ƒui nkya kalɔ kammɔ lɛlɔ ƒui békpi.

Kɔgya 135:8

Anwu naya na Egyipte bebi bedeedi bani na bekyuli ku bebuo ƒui báwɔ ƒui békpi.

Kɔgya 136:10

Bɛgya anwu ɔni náya na bebi bedeedi bani na Egyipteƒuɔ báwɔ ku bana bebuo bebi bedeedi ƒui békpi enu. Ɔsika ɔɔyɔ́-bu uwi ndi uwi.

Kɔgya 78:51

Ɔ́ya bana kaƒɔ bebi bananabi bedeedi ƒui békpi na kaduli biala kemmo na Egyipte kalɔ lɛlɔ mmɔ.

Israelƒuɔ Bɔlɛ 12:12

“Ɔsika usien ɔmmɔ ami Unwoti ndubo bɔvi Egyipte kalɔ ƒui lɛlɔ na lɛdu ubi udeedi biala na bekyuli ku bebuo ƒui báwɔ. Na ndubɔni Egyipteƒuɔ baƒiɔ ƒui kɔtu. Ami Unwoti mɔɔsu.

Israelƒuɔ Bɔlɛ 12:29

Usien ɔmmɔ lɛdibantɛ kani na Unwoti ɔ́du Egyipteƒuɔ bebi bananabi bedeedi ƒui. Ɔ́du-ma ɔ́siku Ƒarao ubidi udeedi ɔni muulie-nwu kelekɔ úti útédu ukyuli ɔni ntɛ aban ɔtɔ ubidi lɛlɔ. Na ɔ́du bebuo bebi bedeedi bani na báwɔ ƒui lɛnɔ.

Israelƒuɔ Bɔlɛ 13:15

Na bɛsu-ma bɛnii, ‘Uwi ɔni na Ɔga Ƒarao ɔ́yu kayi ɔkplu na ɔnii ulatuna na Israelƒuɔ batɔlɔ ni, Unwoti ɔ́du ɔnanabi udeedi ku ebuo ubi ɔgyani udeedi biala na báwɔ na Egyipte kalɔ lɛlɔ. Ɔmɛni ɔsu na buuti bula bebuo bebi bagyani bedeedi taakpa teete Unwoti. Na buuti baƒonu bagyani bakɔdi taaƒɔ́ bula bebi bananabi bedeedi lili kayu teedie-ma ngba.’

Israelƒuɔ Bɔlɛ 4:23

na lɛ́su-ɔ nnini, “Ya na mina ubi ɔtɔlɔ, kalɛ na usie utábla-mi kabla na ɔkya-mi lili kalɔ.” Nsu éni na étedie-nwu ulu na ɔtɔlɔ, anwuɔsu ndubo ƒula ubi ɔnanabi udeedi bɔdu.’ ”

Yesaia 47:2

Teesie na atálɛ akɔnkɔ na kukɔ lɛlɔ na ataakɔ ɔlaaƒɔ. Na ada ƒula lɛdiku lɛni na eetile anumi ebimi. Na ani ƒula awu gyɔlɔɔ ɔmmɔ akɔliku katɔ na edie ƒula lɛgba ku ebuli ewi na akya ntu lɛgba avia ketu kammɔ.

Kɔnyana Buwulo 5:13

Na bénye bakloƒu lɛlɔ na baabla-ma kabla. Na bananabi bammɔ beeti egyuku bonwu bonwu.

Mateo 24:41

Na beleku inyɔ badubɔkya ɔlaaƒɔ kakɔkɔ, na Katɔti ɔdubɔƒɔ unwi na ɔda unwi use.

Hebriƒuɔ 11:28

Ɔkɛnku bɔƒɔtaadi lɛlɔ na ɔ́bla Kukpi Lili Bɔvia ɔdi ku ubugya ɔni na ɔ́kuna úwi kayakun biala. Na ɔkɛnku ɔmmɔ lɛlɔ ni, Katɔti ɔtu ɔni nébo úbadu ubi ɔnanabi udeedi biala na Egyipte mmɔ ni, útetuku Israel bebi ama.

Litemi Batɛne 16:21

Mmɔ na Ƒilistiƒuɔ bébo báda-nwu na bákpa-nwu anumi, na béti abuala egyiedi bábla kabuli na bényimi-nwu, na béti-nwu bésienku Gasa. Na bátákya-nwu ɔtɔ na mmɔ. Na báya na anwu mɔɔkɔ́ kukɔ na ɔtɔ katɛnkɔ mmɔ.