Israelƒuɔ Bɔlɛ 10:13 - Katɔti Ɔku Kedee

¹³ Anwuɔsu Mose únene kɔnu na úti nwuna ugyii ɔdadi ɔmmɔ ɔ́tina Egyipte kalɔ kammɔ lɛlɔ, na Unwoti ɔ́ya na ɔƒɛƒɛɛ ɔdi úkpo ɔ́si ɔƒɛ katukɔ ɔ́vi kalɔ kammɔ lɛlɔ limeyi lɛmmɔ ku usien umodi. Na kadi buteegye ni, baalɔlɔ bani muubile ala mmɔ báyu bébewi geen.

Israelƒuɔ Bɔlɛ 10:13 ပူးပေါင်းရင်းမြစ်များ

Ala Kalɔ Buse 41:6

Na ebi abuni ammɔ kama ni, kamu liteli bamba lɛnɔ lɛ́kwɛ na kábwɛ eli maatɛ. Nsu anya ásiaku ɔƒɛ na áyɛyɛ, ɔsu ákya ebi ƒaƒaa.

Kɔgya 105:34

Na Unwoti údie lɛdi na ɔ́ya na baalɔlɔ báyu esu esu na bébile bana edula.

Kɔgya 148:8

Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó na biinú-nwu lɛdi ƒui bimwi-nwu.

Kɔgya 78:26

Ɔkɛnku nwuna ɔyikun lɛlɔ ni, ɔ́ya na ɔƒɛƒɛɛ ɔ́si katɔ na úkpo ɔ́si ɔƒɛ katukɔ ku kada kakɛ.

Kɔgya 78:46

Na úte kuƒi na baalɔlɔ ku kubweyi kɔni muubile edula bébebile bana edula ƒui.

Israelƒuɔ Bɔlɛ 14:21

Amu na Mose únene nwuna ugyii ɔdadi ɔmmɔ ɔ́tina Ɛpugyie ɔmmɔ, na Unwoti ɔ́ya na ɔƒɛƒɛɛ bonwu ɔdi úkpo ɔ́si ɔƒɛ katukɔ kakɛ na ɔƒɛƒɛɛ ɔmɛni údi ɛpu ntu bɔmɛni úsienku kama na ɔ́ya na kalɔ kakwiidi kálɛ. Ntu bɔmmɔ búle lɛlɔ kemmo inyɔ,

Agba 30:27

Baalɔlɔ beeebo ɔga, nsu baakɛ otogyi buni kemmo atɔ asia.

Yona 1:4

Amu na Unwoti ɔ́ya na ɔƒɛƒɛɛ ubendi ɔdi úkpo na ɛpu lɛlɔ. Na ɔƒɛƒɛɛ ɔmmɔ ɔ́yu ɔkplu geen ɔni na ɔkɔlɔ ɔmmɔ ɔ́ya bɔbwɛ muedi.

Yona 4:8

Ka kadi kammɔ kaata ni, Katɔti ɔ́ya na ɔƒɛƒɛɛ ɔni náƒɔ ogya úkpo ɔ́si ɔƒɛ katukɔ úbewi Yona lɛlɔ, na ɔ́ya na ɔƒɛ ɔmmɔ kenye lɛnɔ káyu ɔkplu. Anwuɔsu anumi ánwu-nwu kɔnakunwi, na ɔɔyɔ́ ka ukpi muedi. Ɔmmɔ ɔsu Yona ɔkya ɔɔdɔ na ɔɔká ala ɔnini, “Si líkpi muedi ni, nka ɔdia-mi utulo ɔni na nli ngba mɛni.”

Mateo 8:27

Amu na ɔ́bla ukyuli biala kalɛ kadi. Na béye lɛlɔ banini, “Bi? Bútanu ukyuli ɔmɛni udu kudii! Ɔƒɛƒɛɛ ku ntu bɔni mɔɔnwanɛ lɛlɔ muedi buunú-nwu litemi!”