Israelƒuɔ Bɔlɛ 1:7 - Katɔti Ɔku Kedee

⁷ Nsu Israel kadi bekyuli bammɔ báwɔ pii geen béyile Egyipte kalɔ lɛlɔ, na bébo ɔlɔkplu lɛnɔ geen.

Israelƒuɔ Bɔlɛ 1:7 ပူးပေါင်းရင်းမြစ်များ

Ala Kalɔ Buse 1:20

Amu na Katɔti údie lɛdi ɔnini, “Kɔbɛ ku kɔkpaku ku ketu kemmo bebuo benengudi lidu lidu bɛƒɔ ntu bɔmmɔ kemmo ƒui. Na lɛla biala lɛni mbo avwi lɛnɔ liteeveyi taavi kayaa.”

Ala Kalɔ Buse 1:28

Na Katɔti úte-ma kusɛ kusɛ, na ɔ́su-ma ɔnini, “Bɛwɔ biyile kalɔ kamɛni ƒui lɛlɔ. Na bɛdi-ka lɛlɔ ku bebweyi bani ƒui nkya-ka kemmo.”

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Ala Kalɔ Buse 13:16

Na ndubɔya na ƒula bawɔ bemomo aani kɔnwinimi. Na si ukyuli ɔdi ɔ́kana na ɔka kɔnwinimi kɔmmɔ ni, ɔdubɔkana na ɔka ƒula bawɔ lɛnɔ.

Ala Kalɔ Buse 15:5

Mmɔ na ɔ́kpanku-nwu úsienku keyi na ɔ́su-nwu ɔnini, “Kɔliku anumi katɔ na anu kayaa na aka ayabi ani na aanu si adubɔkana-nya bɔka.” Amu na Katɔti ɔ́sɔ ɔ́su-nwu ɔnini, “Ƒula bawɔ lɛnɔ badubo bumomo lɛni kani.”

Ala Kalɔ Buse 17:16

Ndubute-nwu kusɛ kusɛ. Na ɔdi litemi geen ka anwu ɔlati ɔdubɔwɔ ɔnanabi ute-ɔ. Ndubute-nwu kusɛ kusɛ ɔni na ɔdubɔya na unwini kaba bekyuli pii uni. Na baga bani madi bekyuli lɛlɔ badubɔlɛ basiku-nwu lɛlɔ kemmo.”

Ala Kalɔ Buse 22:17

ndubute-ɔ kusɛ kusɛ na lɛya na ƒula kaba bebi bemomo betulo ayabi. Na badubo bumomo aani ɛpu kɔnwinimi. Na ƒula bawɔ badubo bukpo na baƒɔ bana bekisine lɛma linengudi ƒui.

Ala Kalɔ Buse 26:22

Ɔmmɔ kama ni, ɔ́sɔ ɔ́tɔlɔ mmɔ lɛnɔ úsie útéku libiɔ bamba. Na ɔdi ɔ́sɔ útakya-nwu kadɔ kadi. Na ɔ́sia-ni lɛnyi ɔnii Rehobot iye Kuƒi Kɔtɛ. Na údie-nwu kalɔ ɔnini, “Ɔƒɛni amu Unwoti Katɔti úte-bu keliekɔ, na bɔdubɔlɛ lili na kalɔ kamɛni kemmo.”

Ala Kalɔ Buse 26:4

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Ala Kalɔ Buse 28:14

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Ala Kalɔ Buse 35:11

Amu na Katɔti ɔ́su-nwu ɔnini, “Ami ndi Unwoti Ɔyikune Ƒui. Wɔ na bimomo! Kadi kadi bekyuli badubɔlɛ basi ƒula kadi bekyuli akɔ. Na baga baga badubɔlɛ basi-ɔ lɛlɔ kemmo.

Ala Kalɔ Buse 46:3

Mmɔ ni, Unwoti Katɔti ɔ́su-nwu ɔnini, “Ami ndi ƒula Unwoti Katɔti, na ndi ƒ'ɔti lɛnɔ Unwoti Katɔti. Tayia ka esie Egyipte, ɔsika ndubɔya na bimomo na bɛbla kadi bekyuli bani mbo ɔyikun geen na mmɔ.

Ala Kalɔ Buse 47:27

Na uwi ɔmmɔ kemmo ni, Israel kadi bekyuli béelie kalɔ na Gosen kalɛkɛ lɛlɔ. Na báakɛ lɛkɛ na báawɔ geen lɛnɔ na bemomo.

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Ala Kalɔ Buse 48:4

Na ɔ́su-mi ɔnini, ‘Ndubɔya na awɔ bebi na bimomo geen na binwini kadi bekyuli pii, na ndubuti kalɔ kamɛni lite-ɔ na kenwini awɔ ku ƒula kaba kemmo bebi kadi uwi ƒui.’

Ala Kalɔ Buse 9:1

Amu na Katɔti úte Noa ku nwuna bebi kusɛ kusɛ na ɔ́su-ma ɔnini, “Bɛwɔ na bimomo na bɛƒɔ kalɔ lɛlɔ ƒui.

Nehemia 9:23

Na áya bana bebi bananabi bemomo aani katɔ ayabi. Na ákpanku-ma éboku kalɔ kani na ásu bana bati ése ka adubuti ka ete-ma.

Kɔgya 105:24

Na mmɔ ni, Unwoti ɔ́ya na Israelƒuɔ báwɔ na bémomo geen na bákɛ ɔyikun kaduɛ bétulo bana bekisine.

Kɔgya 107:38

Na uute nwuna badi kusɛ kusɛ na baawɔ taasia kama. Na bana bebuo lɛnɔ baláƒana kudii.

Israelƒuɔ Bɔlɛ 1:12

Nsu kalɛ kani na baanya Israelƒuɔ bamɛni taamana ni, lɛni kani na beemomo teebu na Egyipte kalɔ lɛlɔ. Anwuɔsu Egyipteƒuɔ bébo baayia Israelƒuɔ bamɛni,

Israelƒuɔ Bɔlɛ 12:37

Israelƒuɔ bésie lɛgba ulu bási Rameses bétédu Sukot. Na banana bani nkɛ ulu ɔmmɔ bésela babla mpim eti leevu-inyɔ (600,000). Ɔni na beleku ku banamu bɔka buuubunku.

Israelƒuɔ Bɔlɛ 5:5

Na ɔ́su-ma ɔnini, “Amii ɔlati bɛɛnu ka bimomo bitulo Egyipteƒuɔ, bi ɔsu na ɔƒɛni na bɛɛsu-ma na bada kabla bɔbla baya?”

Esekiel 16:7

Lɛ́nu-ɔ lɛlɔ aani kalɛ na baanu kugyii blii kɔdi lɛlɔ na kɔɔlɛ́ lili. Na ébenwini ugblebi ɔkɔdi ɔni nákɔ anyii na ubo lili linwini gyɔlɔɔ, nsu kasɔngya kani na amu akɛ aaví.

Batalane Kabla 13:17

Katɔti ɔni na Israelƒuɔ baabu ni, ɔ́ƒuna bula bati kuuku na úte-ma kusɛ kusɛ. Na anwu ɔlati ɔ́tɔnku-ma ɔ́lɛku bekyuli kalɔ bɔkya kemmo na Egyipte ku nwuna ɔyikun.

Lɛkpa Ulu 10:22

Uwi ɔni na bina bati kuuku báta bésie Egyipte kalɔ lɛlɔ ni, na bana bumomo bɔbla liti ku aavlanyɔ kani. Nsu ɔƒɛni ni, bina Unwoti Katɔti ɔ́ya na bímomo aani katɔ ayabi.

Lɛkpa Ulu 26:5

Na ɔmmɔ kama bɛdubɔsu etemila amɛni na Unwoti anumi bɛnini, “Kuuku ni, mina ɔti ndi Aramni ɔni neeebo keliekɔ kadi. Bulie kani na uulie taata. Na útélie Egyipte kalɔ lɛlɔ. Na asa na ɔdubusie utélie mmɔ ni, nwuna badi beeemomo. Nsu ɔƒɛni búmomo na búnwini bekyuli bani mbo ɔyikun.