Israelƒuɔ Bɔlɛ 1:22 - Katɔti Ɔku Kedee

²² Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Israelƒuɔ Bɔlɛ 1:22 ပူးပေါင်းရင်းမြစ်များ

Ala Kalɔ Buse 41:1

Uwi ɔni na akwa anyɔ sɔɔn ávi ni, Ƒarao úgye kɔna kɔdi. Ɔ́nu na kɔna kemmo ka ni, anwu Ƒarao unye ketu bonwu kani baalɔ Nil kɔtu.

Kɔgya 105:25

Ɔ́ya Egyipteƒuɔ beekisi nwuna kadi bekyuli. Na bákya kɔkwɛ kukpidi bana lɛlɔ.

Israelƒuɔ Bɔlɛ 1:16

“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.”

Israelƒuɔ Bɔlɛ 2:6

Ka Ƒarao ubidi úbimi kagyigyɛ kamɛni ni, ɔ́nu ka ubiwɔ ɔdi ɔ́kya-nwu kemmo. Ubiwɔ ɔmɛni úse kalɔ uuwulo na nwuna lɛlɔ lɛ́kywi-nwu kaƒɔ. Mmɔ na ɔ́su ɔnini, “Ubiwɔ ɔmɛni ɔdi Hebriƒuɔ bebi akɔ ɔdi.”

Agba 1:16

Baababla ku usi taatábla ekpidi. Na baababla teewi ubugya kalɔ.

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Agba 4:16

Ɔsika bekyuli bekpidi balátuna bɔtɛ talɛɛ útédu ka bábla likpidi. Likyulikpi bɔbla liiyú-ma lɛlɛlɛ wetédu ka bebile ukyuli ɔdi ngba.

Batalane Kabla 7:19

Ƒarao ɔmɛni ɔ́bla bula kadi bekyuli bamɛni kalala na únye-ma lɛlɔ na beeti bana bebiwɔ teetévaakun na beekpi.

Hebriƒuɔ 11:23

Ɔkɛnku bɔƒɔtaadi lɛlɔ ɔsu na Mose bawɔne béti-nwu bábɛla abuli atɛ ɔni na báwɔ-nwu. Ɔsika bánu-nwu báti ka ɔɔɔdi ubi keeke na ɔdi na báwɔ. Na bátayia ɔda ɔni na kalɔ kammɔ ɔga úbo bawɔne ƒui lɛnɔ.