Etemila 7:9 - Katɔti Ɔku Kedee

⁹ Tataababla ku kɔnyi buti na ƒula lɛlɔ kemmo. Ɔsika badɔlɔdi lɛgba akɔ na kúti-ɔ kúsela kutálɛlɛ.

Etemila 7:9 ပူးပေါင်းရင်းမြစ်များ

Ala Kalɔ Buse 4:8

Amu na Kain ɔ́su ɔnwani Abel ɔnini, “Ya na busie lɛku kemmo.” Na ka bésela ni, Kain úbo ɔnwani ɔ́du.

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Samuel 2 13:32

Nsu Dawid ɔnwani Simea ubidi Yonadab úbo na úbasu ɔnini, “Mina Ati, takali anii badu-ɔ bebi bammɔ ƒui. Mmomu Amnon kani nékpi. Na kasusu kamɛni nákya Absalom lili kemmo ɔ́si uwi ɔni na Amnon úbile Tamar na ɔ́kya útaatu-nwu uwi biala.

Samuel 2 19:43

Amu na Israelƒuɔ bédie Yudaƒuɔ bammɔ kenye banini, “Bubo kadikɔ akpa leevu na lɛgadi lɛmmɔ kemmo. Na si banii buti-nwu ulu ɔmmɔ lɛlɔ ni, bubo kuƒi na Dawid lɛlɔ butulo-mii, ɔsika abu náka kasusu buboku ka bɔsɔku bula ɔga buboku. Anwuɔsu ulu ɔmani lɛlɔ ɔsu na bɛɛnu-bu anumi?” Nsu Yudaƒuɔ bétete Israelƒuɔ lɛla lɛdi bɔsu.

Agba 14:17

Bekyuli bani muuti kɔnyi pla pla ni, baabla adɔlɔla. Na bekyuli bani mɔɔbɛ́ taabla ala kalɔ kalɔ ni, bekyuli beekisi-ma.

Agba 14:29

Bekyuli bani mɔɔkana bana kɔnyi bɔbala ni, bebo lɛlati. Na bani muuti kɔnyi pla pla ni, badubo bɔƒiɔ.

Agba 16:32

Kayi buɛɛ kadia ketulo kenyekɔ ɔyikun. Si aakana ƒula lɛlɔ lɛlɔ bɔdi ni, ɔdia utulo si ékpo ádi ɔma unengudi ɔdi lɛlɔ.

Agba 25:8

na eti litemi lɛmmɔ esienku litemi katɛkɔ, ɔsika kɔƒa kɔdubo-ɔ bukpo si útádi-ɔ ubo.

Etemila 7:10

Teye anii bi ɔsu kuuku uwi ɔdia utulo uwi ɔni kemmo na bɔkya mɛni. Ɔsika kɔdɔlɔ litemi na lɛdi.

Yona 4:3

Ɔƒɛni ni, Unwoti, ya-mi likpi. Si líkpi ɔdia-mi utulo ka lilie ngba.”

Yona 4:8

Ka kadi kammɔ kaata ni, Katɔti ɔ́ya na ɔƒɛƒɛɛ ɔni náƒɔ ogya úkpo ɔ́si ɔƒɛ katukɔ úbewi Yona lɛlɔ, na ɔ́ya na ɔƒɛ ɔmmɔ kenye lɛnɔ káyu ɔkplu. Anwuɔsu anumi ánwu-nwu kɔnakunwi, na ɔɔyɔ́ ka ukpi muedi. Ɔmmɔ ɔsu Yona ɔkya ɔɔdɔ na ɔɔká ala ɔnini, “Si líkpi muedi ni, nka ɔdia-mi utulo ɔni na nli ngba mɛni.”

Yona 4:9

Amu na Katɔti úye-nwu ɔnini, “Bi ɔyikun na ebo ɔsu na eeti kɔnyi akya kabuli kammɔ?” Yona údie kenye ɔnini, “Mbo kuƒi ka liti kɔnyi kɔni nédu ka líkpi muedi.”

Marko 6:19

Anwuɔsu Yohane lɛlɔ litemi líteekpoku Herodia, na uukisi-nwu. Na ɔ́wia ka ɔdu-nwu.

Marko 6:24

Anwuɔsu ugblebi ɔmɛni ɔ́ta ɔ́lɛ na útéye uni ɔnini, “Bi na liye?” Amu na uni ɔ́su-nwu ɔnini, “Ye-nwu Ntu Ɔkpilane Yohane kuli.”

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.