Etemila 6:3 - Katɔti Ɔku Kedee

³ Ukyuli ɔkana na ulie ngba ɔƒɔ akwa pii na ɔwɔ bebi ina eti anyɔ muedi. Nsu si lɛlɔ lítayɔ-nwu na nwuna ngba kemmo na uwi ɔmmɔ lɛnɔ ukpi na bátava-nwu kaduɛ ni, ubi ɔni nékpi na ntu kemmo muedi ɔ́ƒɔ kuye utulo-nwu.

Etemila 6:3 ပူးပေါင်းရင်းမြစ်များ

Ala Kalɔ Buse 33:5

Na ka Esau ɔ́talaku anumi katɔ ni, ɔ́nu beleku bammɔ ku banamu bammɔ na úye Yakob ɔnini, “Ɔma bene nsiaku-ɔ mɛni?” Amu na údie kenye ɔnini, “Bebi bani na Unwoti Katɔti úte ami ƒula kabla ɔblane na lɛ́wɔ na nwuna lɛƒɔndia ɔsu na badi.”

Ala Kalɔ Buse 47:9

Amu na Yakob údie kenye ɔnini, “Akwa eti anyɔ ku avlaatɛ mɛni ka nkɛ muusié mina ngba ulu. Akwa alɛɛ kani na lɛ́ɛƒɔ na adanku lɛbibo geen. Na mina akwa étedu ngba ulu ɔni na mina bati bésie.”

Baga 2 10:1

Na Ahab kaba bekyuli bani beli Samaria badubɔbla aani liti ku aavlanyɔ. Ɔmmɔ ɔsu Yehu únweni kakunkɛ na úti úmene Samaria benengu ku Ahab bebi lɛlɔ banune ɔnini,

Baga 2 9:35

Nsu ka bakloƒu bani néti-nwu bátáva mmɔ bésie ni, bátanu nwuna ɔlɔna ekpo adi amu ntu nwuna opokuo ku enu ku lɛgba ekubi.

Ala Alɛdi 1 28:5

Unwoti kusɛ kusɛ ɔ́siaku-mi na lɛ́wɔ bebi pii. Nsu Salomo na ɔ́ƒuna ka ɔdi lɛga na Israel na mina kama.

Ala Alɛdi 2 11:21

Beleku bani na Rehoboam úti bebo leevu-maane ku basɔnɔ bani lili na úvele, nsu útabla-ma tɔ elila liti ku leevu. Na ubo bebi bananabi aavlanyɔ-maane ku bebi belekubi liti ku leevu. Ɔƒɛni Rehoboam ɔɔyɔ́ ulekudi Mahalat teetulo beleku bani ƒui na úti.

Ester 5:11

na úse kalɔ ɔɔkun lɛmɛnɛ na nwuna lɛkɛ pii lɛni na ubo lɛlɔ ku bebi bananabi lɛlɔ. Na ɔ́su-ma kesii kani na ɔga úti-nwu útése, na nwuna kenyekɔ kenye ku kalɛ na bakladi baakya-nwu lili kalɔ, na baalɛ akɔnkɔ kalɔ taabu-nwu.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Hiob 3:11

“Si bukpi na líkpi na kawɔkɔ mmɔ, iye kaƒɔ kemmo mmɔ muedi nka ɔdia utulo. Na lɛɛɛgyi lɛla lɛni ɔsu na bemonku-mi bɔwɔ bɔkya ngba bɔmɛni kemmo.

Hiob 3:16

Bi ɔsu na ńtekpi na ntu kemmo mmɔ uwi ɔni na báwɔ-mi, na nsɔ muumónku ngba bulie na lɛnu ɔƒɛ kadi bukeye?

Kɔgya 58:8

Ya na babla aani ɔkɔɔkɔ evuo ani kemmo na lɛna liiibo. Na babla aani kaƒɔ kani nébie na kelenwini ubi ɔni muulie ngba taanu ɔƒɛ.

Agba 17:6

Bawɔ bani na ukyuli ɔ́bi lɛlɔ ɔ́ƒɔ ni, ama ndi-nwu kagabwa kani muukeye. Na bebi bani mbo bawɔne babune ni, kɔƒa kulekpo-ma na bekyuli akɔ.

Etemila 4:3

Na bani na bétemonku-ma bɔwɔ ni, bana ɔdi ɔsɔ ɔdia utulo ƒui, ɔsika ama bátanu likyulikpi ala ani mɔɔlɛ́ na kayawi mɛni kudii.”

Etemila 6:4

Ukyuli ɔdi ɔɔɔgyi ubi ɔmmɔ udu bɔwɔ kalɔ. Mmomu ɔɔsɔ teenwini aani kalɛ na lɛdisa lɛɛyila lɛla lɛdi taakya. Na útebo na ɔdia lɛnyi lɛdi muedi bɔsia.

Yeremia 22:19

Bɔva kani na badubo-ɔ aani kalɛ na ɔ́manku ebuo ala utine ɔni nékpi. Ɔsika bɔkpɛ na badubo ƒula ɔlɔna basiku ɔma kemmo balɛku ɔma ɔban kenye bebo batáva alakpi akɔ na kebu. Ami Unwoti násu.”

Yeremia 36:30

Anwuɔsu ami Unwoti muusé kenye ka badubo-ɔ bɔdu na bebo-ɔ ɔlɔna batáva kalɔ. Na ɔƒɛ ɔdubuƒi-nwu ɔƒiiwi na amii ayu wi-nwu lɛlɔ usien. Na ƒula ɔtɔ kemmo ku bawɔ ɔdi biala ɔsɔ uladi lɛga na Yuda kudii.

Yeremia 8:2

Na badubugyingya bana ekubi ammɔ bewi kalɔ mmɔ bamana na kesii kani na ɔƒɛ ku kɔbuli ku ayabi ammɔ ataalɛ teewi-nya, ɔsika anya na bátaakpa.

Mateo 26:24

Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”