Etemila 6:2 - Katɔti Ɔku Kedee

² Katɔti uute ukyuli egulabi ku lɛlakɛ bonwu na ɔɔyá na ukyuli ɔmmɔ ɔƒɔ lɛnyi ɔni na ɔsɔ uláyaki lɛla lɛdi mmomu kayi kaayɔ́-nwu buɛɛ. Nsu Katɔti ulaya na uulie taadi ala ammɔ mmomu ɔƒɔ muubo taabadi-nya. Na ɔdi kɔnyana litemi lɛni ndi ɔgbankpi na uuubo kalɔ bunu.

Etemila 6:2 ပူးပေါင်းရင်းမြစ်များ

Baga 1 3:13

Lɛnɔ ni, ndubute-ɔ akɛla ku ɔbu ɔni na éteye muedi kalɛ na ƒula ngba emeyi ƒui beleti ɔga biala balákɔku-ɔ.

Ala Alɛdi 1 29:25

Na Unwoti ɔ́bla Salomo na únwini ɔga ɔyikune geen na ɔ́bla kalɔ kammɔ lɛlɔ bekyuli ƒui kalɛ kadi na kalɛ na ɔ́ƒɔ lɛnyi lɛni ɔsu. Na geen ni, ɔga ɔdi ɔ́sɔ útaƒɔ lɛnyi na ɔkɛ ɔyikun ɔmmɔ udu na Israel ƒui kudii lɛnɔ.

Ala Alɛdi 1 29:28

Dawid únwini ɔlakɛne ɔni na bekyuli baabu-nwu geen na úlie ɔ́bi lɛlɔ geen asa na úkpi. Na ɔmmɔ kama béti ubidi Salomo bése lɛga na nwuna kenye.

Ala Alɛdi 2 1:11

Amu na Katɔti ɔ́su-nwu ɔnini, “Salomo, akana na nka eye-mi anii nte-ɔ lɛkɛ iye aƒɔ lɛnyi iye elie ngba gyɔlɔɔ iye ƒula bekisine bayii udu. Nsu na ala amɛni ƒui kenye ni, lɛnunda ku lɛlati na éye-mi kalɛ na eti atɔnku mina kadi bekyuli.

Kɔgya 17:14

O Unwoti, ƒɔ-mi na bekyuli bekpidi bani kasusu ndi ka basala kayawi ala bese bete lɛlɔ mɛni enu kemmo. Awɔ muute bekyuli bani na aayɔ́ adila na baadi. Na bana bebi baakɛ́ taadi teemo. Bana bawɔ baakɛ́ ala teetulo kalɛ na baawia.

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.

Kɔgya 73:7

Anumi élie-ma lɛmwi na alaekpidi kabla ku kasusu káƒɔ-ma kayi kemmo. Na likpidi kɔkwɛ sɔɔn na baakya.

Etemila 4:4

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Etemila 4:8

Ukyuli ɔdi ɔ́kya ɔni na uuubo ubi ɔnanabi iye ɔnwani ɔdi, nsu ulada lɛlɔ butu taaya, na nwuna akɛla ani na ubo lɛnɔ elemo-nwu. Amu na úye lɛlɔ ɔnini, “Ɔma geen ɔsu na muubó abi, na líni lɛla lɛbuni biala líte lɛlɔ ku kalɛ na lɛkya lɛlɔ ebiti muedi?” Bi keyi udu na kadi mɛni na ukyuli ulenu lɛla lɛdi kalɔ?

Etemila 5:13

Lɛ́ɛnu likyulikpi ala enengudi geen na kalɔ kamɛni lɛlɔ ɔni na akɛla ani na ɔlakɛne ɔ́tɛ úse lɛlɔ énwini-nwu ɔgbankpi.

Etemila 5:16

Ɔmɛni ɔdi kɔnyana litemi lɛni naaadia bɔnu na ɔdi ɔƒɛƒɛɛ bɔbi taasiaku.

Etemila 5:18

Lɛla lɛni kani na mɔɔnu ka ukyuli ɔlɛka ɔbla ndi ka bɔdi adila na bɔni lɛnɔ na ebiti ataada-bu na bula kabla lɛlɔ. Ɔmmɔ kani ndi lɛla lɛni na Katɔti ɔɔwia ka butaabla.

Etemila 5:19

Ɔƒɛni si ukyuli ɔdi ubo lɛlakɛ na limomo-nwu, na ɔɔdi na ɔɔní taakɛ lɛlɔyɔ ni, unye nwuna kabla lɛlɔ ku ebiti, ɔsika Katɔti néte-nwu-ni.

Yesaia 55:2

Bi ɔsu na biibile egulabi na lɛla lɛni naaadi adila geen lɛlɔ na binye biitú lɛlɔ na lɛla lɛni neeemo ukyuli lɛlɔ? Bise atu na binu-mi litemi kaduɛ, na bɛdubɔdi emini biala na bɛɛyɔ́, na bɛkɛ adila abuni ƒui bɛdi bimo.

Kɔnyana Buwulo 5:2

Baƒɔ bébeti-bu kɔlɔ ku bula kɔduli bénwini bana ɔdi.

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Hosea 7:9

Bányonu lɛlɔ béte baƒɔ na bana ɔyikun ƒui ɔ́yii udu na balanu taati. Na bana lili linwini lɛ́ta lɛɛƒuala, nsu balanu ɔmmɔ lɛnɔ taati.

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.

Lɛkpa Ulu 28:43

Na bekyuli bani naaadi Israelƒuɔ na bakya-mii akɔ badubo katɔ butaakɔ, nsu amii bɛdubo kalɔ butaayu.

Litemi Batɛne 18:10

Na si bísie bítéduo mmɔ ni, bɛdubɔnu ka bekyuli bammɔ baaadaku lɛla lɛdi. Na ɔma ubendi lɛnɔ na ɔdi. Na bebo lɛla biala na ukyuli ɔɔwia. Na bɔɔsu-mii bɔnii Katɔti úuti bekyuli bammɔ ɔ́kya-mii enu kemmo kukuuku.”