Etemila 4:4 - Katɔti Ɔku Kedee

⁴ Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Etemila 4:4 ပူးပေါင်းရင်းမြစ်များ

Ala Kalɔ Buse 26:14

Ubo baƒonu ku ɔmantɛ bakɔ pii. Na ubo kabla bablane ɔni na ɔ́ya na Ƒilistiƒuɔ anumi égyie na Isak lɛlɔ.

Ala Kalɔ Buse 31:1

Uwi ɔmmɔ ka Laban bebi bananabi bammɔ bakya baatɛmi ni, Yakob únu. Na básu banini, “Yakob ɔ́ƒɔ bula ɔti ala ani nse-nwu ƒui únwini anwu ɔdi. Na akɛla pii ani ƒui na ubo mɛni ni, bula ɔti ala ani na nka ubo na adi.”

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Etemila 1:14

Lɛla biala na lɛkya ɔƒɛ ɔmɛni kalɔ liiibo ukyuli kalɔ budie geen bɔdi. Buse na use aani kalɛ na ukyuli ɔɔbi taasiaku ɔƒɛƒɛɛ.

Etemila 1:17

Ɔmmɔ ɔsu líkpoku lɛlɔ nnii muudie kavumana kani nkya lɛnunda ku kɔdɔlɔ ntɛ keyi. Nsu ɔƒɛni mɔɔnu taati ka ɔmmɔ lɛnɔ úlieku ka ɔƒɛƒɛɛ kani na lɛ́bi nsiaku.”

Etemila 2:21

Bi ɔsu na nka ukyuli uti nwuna lɛlati ku lɛnunda ku ɔyikun ɔbla kabla na ɔnyonu nwuna lɛlakɛ lɛmmɔ use ukyuli bamba ɔni na útetu lɛlɔ lɛdi? Alánu ka uuubo kalɔ kadi?

Etemila 2:26

Ukyuli ɔni mɔɔbla Katɔti lɛƒɔyɔ ni, anwu na Katɔti ɔɔyá na ɔɔdá anu na uunú ala kalɔ na ɔɔyá na lɛlɔ lɛɛyɔ́ ukyuli ɔmmɔ. Nsu si bɔɔbla likpidi ni, bɔdubo lɛlɔ bususu geen bute bula lɛdila, nsu Katɔti ɔdubɔƒɔ bula akɛla ute ukyuli ɔni mɔɔbla-nwu lɛƒɔyɔ. Na nwuna kalɔ budie bɔbambadi bɔdi buuubo buuutulo ka ɔƒɛƒɛɛ kama bɔbi taasiaku kani na ɔdi.

Etemila 4:16

Na ɔdi ulakana nwuna basiakune bɔka. Nsu na uwi ɛlɛɛ kama ni, bekyuli bani na bébebo kama ɔdi ulayɔ-nwu litemi. Na ɔmɛni ƒui úlieku ɔƒɛƒɛɛ kama bukeli taasia.

Etemila 6:11

Si bɔnii butaatɛmi pii ni, lɛni kani na bɔdubo kɔdɔlɔ keyi buteedie. Anwuɔsu kɔsia kɔdi kuuubo-nwu kemmo ka bunye butaaka ala.

Etemila 6:9

Si bɔ́di lɛla lɛni nse-bu ku kubiti ni, ɔdia utulo ka butaasia lɛla bamba anu. Ɔsika uuubo kalɔ bunu bɔdi na buse kani na use aani kalɛ na baabi taasiaku ɔƒɛƒɛɛ.

Mateo 27:18

Ɔ́bla lɛni ɔsika ɔgyi ka lɛnungyie ɔsu na Yudaƒuɔ benengu bammɔ bédie-nwu béte.

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.