Etemila 4:1 - Katɔti Ɔku Kedee

¹ Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Etemila 4:1 ပူးပေါင်းရင်းမြစ်များ

Hiob 16:4

Si banii bɔ́vumana kunyekɔ na bise aani kalɛ na nse mɛni ni, nka ndubɔsu litulo-mii na lɛkunku lili lɛkya-mii.

Hiob 35:9

“Ulikplu ala ani na bekyuli baabla bekyuli ni, anya mɔɔyá na bekyuli beewulo teevele ka Katɔti unu-ma bɔkpali, na udie-ma na bana lɛbibo kemmo ku balalane bammɔ lɛlɔ bɔdi kalɔ.

Hiob 6:29

Bɛda-mi kalala kɔtɔ bɔdu bɛya, ɔsika mina kenyekɔ ku lɛnyi lɛni na lɛ́ƒɔ ƒui mɔɔyii udu mɛni.

Hiob 9:24

Na Unwoti ɔmmɔ kani mɔɔyá na litemi batɛne baatɛ litemi likpidi. Na ɔɔyá na belikplune mmomu baaƒɔ́ lɛla biala teebo kayi na baadi lɛlɔ. Na si ɔɔɔdi anwu ni, na ɔma nábla ɔmɛni?

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 142:4

Si lɛ́nu lɛ́mana ni, mɔɔnu ka ukyuli ɔdi uuubo na ute-mi kebunku kadi. Ɔmmɔ ɔsu ńtakɛ katamikukɔ kadi. Na ukyuli ɔdi lɛnɔ ɔɔɔdaku mina ngba lɛda.

Kɔgya 142:5

Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

Kɔgya 42:3

Keku kani nénwini aani adila úte-mi usien ku ɔƒɛ. Na mina bekisine benye beeye-mi uwi ndi uwi banini, “Wɛ na nwuna Katɔti ɔmmɔ ɔkya?”

Kɔgya 42:9

Ndubɔkpali mina Unwoti Katɔti ɔni nse aani lɛtakpɛ lɛni mɔɔgyumana-mi. Na ndubuye-nwu nnini, “Bi ɔsu na áyiƒala-mi na áya na nkɛ muuwulo kɔnyana, na mina bekisine benye beekpóku-mi lɛni?”

Kɔgya 69:20

Edumi émo-mi na kayi kaakpulu-mi, na nsɔ liiibo lɛnunsia lɛdi. Lɛ́nu ulu ka ukyuli ɔdi wabanu-mi kɔnyana, nsu keeke. Na lɛ́nu ulu ka ukyuli ɔdi ubasia-mi kɔnu, nsu anwu lɛnɔ keeke.

Kɔgya 69:21

Béti likpila béte-mi banii adila. Na béti ntɛ bɔnani béte-mi banii ndu utukwɛ.

Kɔgya 80:5

Keku ndi adila ani na éte-bu. Na mmii ndi ntu bɔni na éte-bu na bɔ́ni na údu-bu ɔkwɛ.

Israelƒuɔ Bɔlɛ 1:16

“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.”

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Agba 19:7

Si ɔwabane lɛlɔ bekyuli beení-nwu ni, bi ɔsu na nwuna bakpana beléni-nwu? Ɔwabane ɔmmɔ ɔdubo bɔkpali-ma, nsu bana ƒui badubukeli-nwu.

Agba 28:3

Lɛlɔ ɔdine ɔni mɔɔnya bawabane taakya ni, use aani ɔnantu ɔni mɔɔna taavili na uubile edula.

Agba 29:2

Si ala aatɛku bekyuli babuni ni, bekyuli baakɛ́ lɛlɔyɔ. Nsu si bekyuli bekpidi mɔɔdi bekyuli lɛlɔ ni, bekyuli beedumo.

Etemila 3:16

Na lɛ́nu lɛla bamba lɛnɔ ka na kesi kesii. Kekpo ku ala tabla ulu lɛlɔ siin kani nkya na lɛbuni kenye mmomu.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Etemila 7:7

Ala buƒu taakya ɔɔyá na ɔnundane uunwíni ɔdɔlɔdi. Na ala bɔbɛ taaƒɔ taadi ulaya na ukyuli kayi keeti-nwu taasiaku ala bɔbla ulu lɛlɔ siin.

Etemila 8:9

Lɛ́nu ɔmɛni ƒui lɛ́ti na líti-nwu kasusu kpakplaa na ala ani mɔɔlɛ́ kayawi kamɛni kemmo lɛlɔ. Dɛ na ɔ́bla na ukyuli ɔdi anwu ɔɔkɛ́ ɔyikun ɔdi utulo bakladi na anu ka ɔɔbla kalala?

Yesaia 5:7

Unwoti Ɔyikune Ƒui adingyii kemo ndi nwuna bekyuli Israelƒuɔ, na Yudaƒuɔ badi nwuna kevomadɔ kemo kani mɔɔyɔ́-nwu kaƒɔ. Ɔsia anu ka batɛ bekyuli etemila ulu lɛlɔ siin Nsu ubugya kani na beewi kalɔ. Na ɔɔwia ka bekyuli babla ala siin. Nsu bekyuli keku kani na uunú ka ala étulo-ma na baanya-ma taakya ɔsu.

Yesaia 51:23

Mmomu ɔdubunwini usie bina bekisine bani nésusu-mii bákya bana lɛgba kalɔ aani ɔtumu kudɔ.”

Yesaia 59:7

Bɛkɛ usi uwi biala ka bitábla likpidi, na bɛdu bekyuli bani na bátabla-mii lɛla lɛdi, ku ekpidi bamba lidu lɛnɔ. Likpidi kasusu kani na biilie taabla uwi biala na ala bubile kani na baanu na bina kasiakɔ ƒui.

Yeremia 16:7

Ukyuli ɔdi uleti adila iye ntɛ bɔdi uleboku ulabasia kekwa bablane badi kɔnu na bana ɔti iye uni ɔdi kukpi kemmo.

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”

Kɔnyana Buwulo 1:17

Sion údie enu na ɔɔwia ubunkune nsu útakɛ kɔnu ɔsiane. Unwoti ɔ́ya na kadi bekyuli bani náka bámana Sion báta bénye Yakob bebi ku bawɔ ƒui lɛlɔ. Yerusalem únwini aani lɛla lɛni muusé lɛlɔ na nwuna liku bekyuli ƒui anumi.

Kɔnyana Buwulo 1:2

Keku kani nda usien umodi. Na imii bɔɔgbá-nwu anumi ƒui. Na útakɛ ukyuli ɔni na ɔsia-nwu kɔnu na nwuna bayɔne ƒui akɔ. Mmomu bénwini-nwu bekisine ɔƒaamu.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Malakai 2:13

Na lɛla bamba lɛni na bɛsɔ bɛɛbla ndi keku kani na biiwulo teewi nwuna lɛkpabi ka Unwoti úni ɔnii uláƒɔ bina akpala ka átaƒɔ-nwu anu ɔsu.

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Mateo 26:56

Nsu ala amɛni ƒui álɛ lɛni kalɛ na ala ani na básu bése na Bunweni Kedee Ɔku kemmo ébo éte lɛni.” Amu na nwuna batɛyane ƒui békeli bátɔlɔ-nwu kudɔ.

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.

Lɛkpa Ulu 28:48

Anwuɔsu kɔka ku utukwɛ ku kɔwaba bonwu kɔdubɔda-mii na bɛkɛ ku kasɔngya bitaabla kabla teete bina bekisine bani enu kemmo na Unwoti ɔdubuti-mii ɔ́kya. Na Unwoti ɔdubɔya na bibo abi laa wetédu ka bina ƒui bíkpi bɛ́yii udu.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Litemi Batɛne 4:3

Yabin ubo bapɔnkɔ kɛɛkɛ eti leevu-maane (900) lɛni ndi abuala sɔɔn. Na ɔ́kɛ ɔyikun na ɔ́bla Israelƒuɔ likyulikpi ala akwa aavlanyɔ sɔɔn. Ɔkɛnku ɔmmɔ ɔsu ni, Israelƒuɔ béwulo bákpali Unwoti ka ubebunku-ma.