Etemila 3:3 - Katɔti Ɔku Kedee

³ Uwi ɔni baadú lɛla lɛdi ɔkya, na uwi ɔni na baabwi lɛnɔ ɔkya. Na uwi ɔni na baabwɛ lɛnɔ ɔkya, na uwi ɔni na baatú lɛnɔ ɔkya.

Etemila 3:3 ပူးပေါင်းရင်းမြစ်များ

Ala Kalɔ Buse 9:6

“Ukyuli biala ɔni mewi nwuna ɔkpana ubugya kalɔ ni, anwu lɛnɔ ukyuli ndubo-nwu ubugya kalɔ buwi. Ɔsika Katɔti udu kenye na Katɔti údie ukyuli.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Yeremia 1:10

Nu, líti ɔyikun muute-ɔ ɔmwi na kadi bekyuli ku lɛgakɔdikɔ ƒui lɛlɔ. Na ekpeli-ma ebo na ebile-ma ɔyikun. Na ayila-ma udu na adi-ma lɛlɔ. Na asɔku kɔbamba atu enyene.”

Yeremia 31:28

Uwi ɔni návi kemmo ni, lɛ́sia ulu biala lɛlɔ nnii mɔɔgyú-ma lidie ku ligyiitu na lɛbwɛ-ma na lɛyila-ma udu ƒui. Nsu si uwi ɔmmɔ úbedu ni, ndubo anu bɔsia na lɛlɛ-ma aani kugyii na balɛ lili.

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Yeremia 45:4

Nsu na kayawi kamɛni kemmo ni, ndaku bɔbuɛ lɛtɔ lɛni ƒui na lɛ́tu, na mɔɔgyú ala ani ƒui na lɛ́lɛ.

Esekiel 13:14

Ɔkɔ kenye bediene bammɔ baakya ɔkplu ka beti ala bebi ekpidi ani nkya Yerusalem, nsu ndubo ɔma ɔmmɔ bubo bɔbwɛ butálɛ ɔka ɔni a bákya ɔma ɔmmɔ kalɔ muedi. Na si uwi ɔni na ɔma ɔmmɔ ɔ́bwɛ ɔ́wɔlɔ ni, kenye bediene bammɔ bekyuli ƒui badubɔti ka ami nábla ala ammɔ.

Hagai 1:2

Unwoti Ɔyikune Ƒui ɔnii, “Bekyuli bamɛni baasu banini, ‘Ɔɔɔdi uwi ɔbuni ɔni lɛlɔ na batu kakpakɔ bete Unwoti na ɔdi mɛni.’ ”

Hagai 1:4

“Ɔ́manku ka amii bɛtu agbanya bonwu bonwu ani náƒɔ kuye mɛni bite lɛlɔ uwi ɔni na mina kakpakɔ aka kese aani kebu?

Sakaria 1:12

Ka únu kenye kammɔ ni, ɔtu ɔmmɔ údie kenye ɔnini, “Unwoti Ɔyikune Ƒui, akwa liti ku aavlanyɔ mɛni ka éti kɔnyi ákya Yerusalem ku Yuda lɛma lɛmmɔ ƒui. Na uwi ɔmani geen na adubo-ma kɔnyana bɔnu?”

Lɛkpa Ulu 32:39

“Bɛnu! Ami lɛti ndi Katɔti, na ɔdi ɔsɔ uuubo. Ami mbo ngba ku kukpi lɛlɔ ɔyikun. Na muudie lɛlɛ teeboku na mɔɔbwi-ni lɛnɔ. Na lɛla biala liiibo na linye litile lɛla lɛni mɔɔbla kenye.

Samuel 1 2:25

Si ukyuli ɔdi ɔ́bla nwuna ɔkpana lɛla lɛdi ni, Katɔti ɔɔkana na ɔɔklibi bana ntɛ litemi na unwi bɔbla bubo. Nsu si Unwoti ɔmmɔ ɔlati na áƒiɔ bɔƒiɔ bonwu bɔdi udu ni, ɔma ndubɔkana awɔ ku Unwoti ntɛ buduo na uvele ute-ɔ?” Nsu ɔmɛni ƒui ni, bebi bammɔ bétenu bana ɔti bɔdɔnku ku bɔlɛ. Ɔsika Unwoti ɔ́ɔlɛ ugyii ka ɔyila-ma udu.

Samuel 1 2:6

Unwoti mɔɔyá na ukyuli uukpi na anwu kani mɔɔyá na ukyuli uulie ngba. Anwu mɔɔyá bekyuli beeduo kekpine. Na anwu kani mɔɔgyila-ma taasiku kekpine.