Etemila 2:8 - Katɔti Ɔku Kedee

⁸ Na lɛ́ƒɔ sika ugyiedi ku ɔƒualadi pii lɛ́siku baga ku bana kɔlɛkɛ egulabi kɔvumi kemmo. Na lɛ́ƒɔ banana ku beleku lɛnu bediene babuni ɔkpa. Na mbo basɔnɔ pii bani mɔɔdia bɔnu geen. Na lɛla biala na lɛkana lɛda ɔnana ɔkwɛ ni, líse-mi.

Etemila 2:8 ပူးပေါင်းရင်းမြစ်များ

Samuel 2 19:35

Lɛ́ɛƒɔ akwa liti ku avlaatɛ na nsɔ lɛɛɛgyi kayawi kammɔ emini iye kana ɔdu. Adila muedi nsɔ lɛɛɛdubo-nya emini adi bɔti. Atu lɛnɔ asɔ elenu-mi na menu lɛnu mini mini lɛni begblebi ku bakloƒu beedie. Na bi ɔsu na ami ƒula kabla ɔblane lɛsɔ mbenwini etila ku bɔnɔ lɛsia mina ati ku ɔga lɛlɔ?

Baga 1 10:10

Amu na úte Ɔga Salomo sika ugyiedi aani antabi aƒo liti ku ala ani muunwenyi ƒɛƒɛɛ lidu lidu pii ku sika asɛɛ. Na ala ƒɛƒɛɛ lidu lidu ani na Seeba Beleku Ɔga úte Salomo mmɔ ni, emomo ɔni na ukyuli biala útete-nwu ammɔ udu kudii.

Baga 1 10:14

Lɛkwa ndi lɛkwa ni, beeti sika ugyiedi aani antabi aƒo eti alɔ (250) teeboku Ɔga Salomo.

Baga 1 10:21

Na Ɔga Salomo lɛɛƒɛɛ lɛni kemmo ƒui na ɔɔní ntu ni, sika ugyiedi na béti bábla-ni. Na akyami ani nlɛ kesii kani baalɔ banii Lebanon Lɛku Baga Ɔtɔ kemmo lɛnɔ sika ugyiedi ɔni muukeye sɔɔn ala na adi. Na béteti sika ɔƒualadi bátabla lɛla lɛdi, ɔsika Salomo uwi ni, balábu sika ɔƒualadi aani lɛla lɛni na lɛ́ƒɔ kuye.

Baga 1 11:3

Na Salomo úti beleku eti leevu-ine (700) ɔ́siku bagadine liku. Na nwuna basɔnɔ badi eti aku (300). Na beleku bamɛni báya na ɔ́yii ulu geen ɔmmɔ.

Baga 1 14:27

Na Ɔga Rehabeam úti abuala egyiedi ɔ́bla agyumanala bamba na úti-nya ɔ́kya bagyumanane bani nnye kaduli kayakun enu kemmo.

Baga 1 9:14

Na sika ugyiedi bumomo bɔni na Hiram úte Ɔga Salomo ɔdi antabi aƒo aavlene unu.

Baga 1 9:28

Na báka lɛkɔlɔ lɛmmɔ bésienku Oƒir na bákɛ sika ugyiedi antabi aƒo eti atɛ ku leevu (160) unu béboku Ɔga Salomo.

Ala Alɛdi 1 25:1

Ɔmmɔ kama ni, Dawid ku kakpakɔ benengu bammɔ báƒuna Asaƒ ku Heman ku Yedutum kaba kemmo bebi ka benye lɛnu ku agyala ala kenye. Na ama ndubo Unwoti buteemwi ku bana agyala ani ndi enukpɛ agyala ku lɛbentaa lidu ƒui. Na lɛnu bɔtu ku bagyane bammɔ anyi ndubo mɛni ku bana kabla lidu.

Ala Alɛdi 1 25:6

Anwu lɛnɔ nwuna bebi bákya-nwu kalɔ na baagyá lɛbentaa ku enukpɛ agyala ku lɛbentaa lidu bamba na kakpakɔ si uwi ɔni na baabla lɛkpa. Anwuɔsu Asaƒ ku Yedutun ku Heman ƒui ni, bákya ɔga ɔmmɔ kalɔ na anwu muudie lɛdi teete-ma.

Esra 2:65

Na bana banana ku beleku kabla bablane bumomo bɔdi 7,337 bebunku bekyuli bumomo budeedi kemmo. Na bebo lɛnu batune banana ku beleku 200.

Etemila 1:2

Ala ɔtinane ɔmɛni ɔɔsu ɔnini, “Lɛla biala liiibo kalɔ budie geen bɔdi, mmomu ala ƒui ese-bu suu geen!”

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 3:5

Kɔkpɛɛ ku atoloyii ku lɛbentaa lidu lɛdubo kalɔ buse ku bɔku uwi klukwii kemmo. Na si uwi ɔni na ala amɛni ése kalɔ ni, ɔlɛka ɔdi biala ɔkya lili kalɔ na umwi sika ugyiedi baƒiɔ lɛtabi lɛni na bula Ɔga Nebukadnesar ɔ́ya na bátu bényene mmɔ.

Daniel 3:7

Anwuɔsu uwi ɔni kani na bekyuli bamɛni bénu lɛnu ku agyala ammɔ kani na bana ƒui bákya lili kalɔ na beemwi lɛtabi lɛmmɔ.

Amos 6:5

Na bɛ́nwi kɔdɔlɔ lɛnu na bɛɛgyá teedie teete lɛlɔ na bina lɛbentaa lɛlɔ. Na bɛɛvumana lɛnu lɛmmɔ adi aani kalɛ na Ɔga Dawid útaabla.