Etemila 2:3 - Katɔti Ɔku Kedee

³ Lɛ́bla kasusu laa na lɛ́kali ka muuti ntɛ lɛkya lɛlɔ ebiti blii. Nsu na mina lɛnunda lɛni na ndanku ƒui ni, kɔdɔlɔ lɛlɔ na ńtálɛ. Na lɛ́kali ka mɔɔsia ulu ɔmɛni lɛlɔ na lɛti lɛbuni lɛni geen nse nte ukyuli, na uwi klukui ɔni na úbo kalɔ kamɛni kemmo bulie na nwuna ngba kemmo.

Etemila 2:3 ပူးပေါင်းရင်းမြစ်များ

Ala Kalɔ Buse 47:9

Amu na Yakob údie kenye ɔnini, “Akwa eti anyɔ ku avlaatɛ mɛni ka nkɛ muusié mina ngba ulu. Akwa alɛɛ kani na lɛ́ɛƒɔ na adanku lɛbibo geen. Na mina akwa étedu ngba ulu ɔni na mina bati bésie.”

Hiob 14:14

Bulie na bekyuli badubɔsɔ benwini bebelie ngba sɔsɔ? Ndubunye nteebo abi na linye kabla kamɛni lɛlɔ ƒaa wetédu uwi ɔni na adubɔvumana-mi.

Kɔgya 104:15

Ɔɔkɛ́ ntɛ bɔni mɔɔkya-nwu kayi ebiti ku nnɔmii bɔni mɔɔyá nwuna anumi ekeye ku adila ani muute-nwu ɔlɔkplu.

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Etemila 1:17

Ɔmmɔ ɔsu líkpoku lɛlɔ nnii muudie kavumana kani nkya lɛnunda ku kɔdɔlɔ ntɛ keyi. Nsu ɔƒɛni mɔɔnu taati ka ɔmmɔ lɛnɔ úlieku ka ɔƒɛƒɛɛ kani na lɛ́bi nsiaku.”

Etemila 10:19

Bɔdi ku bɔni bɔɔyá na lɛlɔ lɛɛyɔ́ ukyuli geen nsu egulabi mɔɔbla lɛla biala.

Etemila 12:13

Ala ani ƒui na bátina-a ni, akana na asala-nya akya etemila klo klo amɛni kemmo anini, “Di Katɔti litemi lɛlɔ na abu-nwu. Lɛla lɛni ƒui na ngba bumodi bɔmmɔ bɔdanku kani na lɛdi mmɔ.”

Etemila 2:24

Lɛla lɛni mɔɔnu ka ukyuli ɔkana bɔbla ndi ka unye nwuna kabla lɛlɔ, na ɔdi adila na ɔni na ɔkya lɛlɔ kubiti aani lɛla lɛni na Katɔti úte-bu.

Etemila 5:18

Lɛla lɛni kani na mɔɔnu ka ukyuli ɔlɛka ɔbla ndi ka bɔdi adila na bɔni lɛnɔ na ebiti ataada-bu na bula kabla lɛlɔ. Ɔmmɔ kani ndi lɛla lɛni na Katɔti ɔɔwia ka butaabla.

Etemila 6:12

Ngba buse klukui geen na buuubo kalɔ bunu bɔdi. Na bɔɔyii taakya aani ɔƒɛ kɔyu. Ɔma ndubɔti lɛla lɛni ndia lite-bu utulo ƒui? Na ɔma ndubɔti lɛla lɛni ndubo bɔlɛ uwi ɔni na abu bɔsɔ buuubo?

Etemila 7:18

Nu ka akɛ ulu ntɛntɛ na étedeyi étésie kakɛ kadi átavili. Na ɔmɛni bɔbla ulayu-ɔ ɔkplu ulavili si aabu Katɔti.

Etemila 7:25

Anwuɔsu na lɛ́bla kasusu nnii mɔɔtɛya lɛla biala na makana kalɛ na lɛda anu na lɛti lɛla lɛni na ngba bumodi bɔmmɔ bɔdanku. Na lɛti kɔdɔlɔ ku libuokpi lɛni udu nkya likyulikpi bulie taabla lɛnɔ kemmo.

Etemila 8:15

Anwuɔsu na mɔɔtí nwaa ka lɛla bamba lɛdi liiibo liiite ukyuli na ɔbla utulo ka ɔdi adila na ɔni na ebiti ada-nwu asa na ɔkana kayawi kemmo bɔsia bɔlɛ aani lɛla lɛni na Katɔti úte-bu.

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Litemi Batɛne 9:13

“Nsu ntɛ kubo kúdie kenye ɔnini, ‘Nda mina ntɛ bɔni bubo emini mɛni bute benwoti ku bekyuli lɛya na liti-nwu nteete egyii?’

Samuel 1 25:36

Uwi ɔni na Abigail ɔ́sɔ únwini útéduo kaduli ni, Nabal ku anwu badi belie baadi taani aani ɔga mɔɔdi limeyi. Na ɔ́ɔni-mu sɔsɔ na aatí ka bɔsia-nwu anumi. Anwuɔsu Abigail útasu-nwu lɛla lɛdi useyi uwi ɔmmɔ útédu ka kadi kégye.