Ester 9:1 - Katɔti Ɔku Kedee

¹ Kɔbuli kɔtɛdi limeyi leevu-lɛtɛdi lɛni lɛlɔ na ɔlɛka ala amɛni alɛ lídu. Na nka Yudaƒuɔ bekisine bákali ka nka bekpo na badi Yudaƒuɔ bamɛni lɛlɔ na bakya-ma kalɔ. Nsu ala ammɔ ƒui ébo énwini na Yudaƒuɔ mmomu nádi bana bekisine lɛlɔ.

Ester 9:1 ပူးပေါင်းရင်းမြစ်များ

Samuel 2 22:41

Na áya na lɛ́bɔku mina bekisine na békeli bátɔlɔ. Na bekyuli bani muukisi-mi ƒui áya na lɛ́yila-ma udu.

Ester 3:13

Batu na bátala ku kɔnu kɔnu na bele lɛku lɛmmɔ bávi. Na ala ani nkya lɛku lɛmmɔ kemmo aatina ka ɔlɛka badu Yudaƒuɔ ƒui, banana ku beleku ku bana bebi ƒui banamu ku benengu, na bayila-ma udu na limeyi linwi pɛ lɛlɔ lɛni ndi kɔbuli leevu-kunyɔdi limeyi leevu-lɛtɛdi lɛlɔ, na beti-ma ala ƒui.

Ester 3:7

Na uwi ɔmɛni kemmo ni, Ahasweros úuduo nwuna lɛkwa aavlanyɔdi kemmo ka ɔɔdi lɛga. Na bana kɔbuli kudeedi kɔni baalɔ Nisan kemmo ni, Benengu badi bábatu egulabi banu na Haman anumi na bati uwi ɔni na ɔ́manku ka badu Yudaƒuɔ bammɔ. Na egulabi ammɔ átina ka kɔbuli leevu-kunyɔdi kɔni baalɔ Ada na ɔlɛka babla lɛla lɛmmɔ.

Ester 8:12

Na limeyi lɛni na bálɛ ugyii bése ka babla lɛla lɛmɛni ndi kɔbuli kɔtɛdi limeyi leevu-lɛtɛdi lɛlɔ.

Ester 8:6

Ɔsika lɛɛɛdubo bɔkana bulie bɔnu na ɔgbankpi bonwu ɔmɛni udu ubo mina kadi bekyuli lɛlɔ na bakyula-ma ƒui.”

Ester 9:17

Kɔbuli kɔtɛdi limeyi leevu-lɛtɛdi lɛlɔ na ala amɛni álɛ. Na limeyi leevu-linedi lɛlɔ ni, bánwuna na bádi limeyi na ɔbla lɛlɔyɔ limeyi geen úte-ma.

Kɔgya 18:40

Na áya na lɛ́bɔku mina bekisine na békeli bátɔlɔ. Na bekyuli bani muukisi-mi ƒui áya na lɛ́yila-ma udu.

Kɔgya 30:11

Áya na mina kɔnyana kúnwini ebiti katɔ. Na use aani kalɛ na baalɛ́ adi atonwudi kemmo na beenyimi aƒualadi.

Batalane Kabla 12:11

Na ɔmmɔ kama ni, Petro úbati lɛla lɛni nébo. Na ɔ́su lɛlɔ ɔnini, “Sɔsɔ geen na ɔdi ka ni, Unwoti nátala ɔtu ɔmɛni ɔnii ubedie-mi ɔsiku Herode enu kemmo ku ala ani na Yudaƒuɔ baasusu ka badubɔbla-mi lɛnɔ kemmo!”

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Budie Taatina 11:18

Bekyuli bani ƒui nátaƒɔ-ɔ bátadi ni, béti kɔnyi. Anwuɔsu ƒula kɔtu bɔni kúbo-ma lɛlɔ. Ɔsika uwi údu ka atɛku bekyuli bekpine litemi. Ɔdi uwi ɔni na adubɔƒɔ kayu kabuni ete ƒula kabla bablane ku kenye bediene ku ƒula bekyuli ƒui. Na benengu ku banamu bani ƒui mɔɔbu-ɔ ni, adubɔƒɔ-ma kayu kabuni. Na adubɔkyula bekyuli bekpidi bani nádu ƒula bekyuli na kalɔ lɛlɔ!”