Ester 8:2 - Katɔti Ɔku Kedee

² Na ɔga ɔmmɔ údie nwuna kakwɛnimi kani na ɔ́ƒɔ ɔ́siku Haman kudɔ úte Mordekai. Ɔmmɔ kama ni, Ester úti Mordekai únyene Haman ala ƒui kenye.

Ester 8:2 ပူးပေါင်းရင်းမြစ်များ

Ala Kalɔ Buse 41:42

Amu na Ƒarao údie nwuna lɛgadi kakwɛnimi na kɔnu ɔ́kya Yoseƒ kɔnu. Na ɔ́ya na béti awu gyɔlɔɔ kpɛtɛ kpɛtɛ ɔbuni ɔdi bákya-nwu. Na béti sika ugyiedi adala bákya-nwu ɔkwɛ.

Ester 10:2

Na ala ebendi ani ƒui na Ɔga Ahasweros ɔ́bla ni, bénweni-nya bákya Media ku Persia bagadine lɛku kemmo bése. Na ala ani na bénweni bése mɛni lɛnɔ adi ɔbu ɔni na Ahasweros úte Mordekai ku kalɛ na ɔ́kɔliku-nwu katɔ.

Ester 3:10

Mmɔ ni, Ahasweros úti nwuna ɔyikun kakwɛnimi kani mɔɔtina ka ɔ́sia lɛla lɛdi kɔnu ka babla-ni úte Haman ɔni ndi Hamedata ubidi ɔni nási Ɔga Agag kaba kemmo, ɔni muukisi Yudaƒuɔ mmɔ.

Ester 8:3

Ester ɔ́sɔ úsie Ɔga Ahasweros kudɔ na ɔmmɔ kama, na útayu úwi-nwu lɛgba kalɔ ku keku na úvele-nwu ɔnini, “Buvele geen na nda-a mɔɔyɔ́ ka abla lɛla lɛdi asiku Haman, Ɔga Agag kaba kemmo ubi, ɔmmɔ kasusu kekpidi kani na úboku na Yudaƒuɔ kadi bekyuli lɛlɔ mmɔ lɛlɔ.”

Kɔgya 37:34

Taanu Unwoti anumi uwi ndi uwi na asia nwuna ulu lɛlɔ. Ɔdubɔkɔliku-ɔ katɔ na adi kalɔ kammɔ ala. Na uwi ɔni na baayila bekyuli bekpidi udu ni, adubunye anu.

Daniel 2:48

Ɔmmɔ kama ni, ɔga ɔmmɔ úte Daniel ala pii na ɔ́kɔliku-nwu kenyekɔ, na únwini aban ɔgadine unengu na Babilon kalɔ kammɔ lɛlɔ, na úti-nwu únwini banundane bakladi ƒui lɛlɔ ɔnune.

Luka 15:22

“Nsu ni, ɔti ɔ́kpali nwuna kabla bablane ɔnii, ‘Bɛbabla na biti adala abuni bibakya-nwu. Na biti asɛɛ ku lɛgbanvuo lɛbuni lɛnɔ bɛkya-nwu enu ku lɛgba.