Ester 8:17 - Katɔti Ɔku Kedee

¹⁷ Na geen geen na kɔlɛkɛ kɔmmɔ lɛma linengudi ƒui kemmo ni, Yudaƒuɔ badi limeyi ku ebiti geen na kadi bamba bekyuli badi muedi béti lɛlɔ bénwini Yudaƒuɔ, ɔsika baayia-ma geen.

Ester 8:17 ပူးပေါင်းရင်းမြစ်များ

Ala Kalɔ Buse 35:5

Nwuna kama ni, báyu ulu na bátɔlɔ. Na Unwoti Katɔti ɔyikun ɔni na kadi kammɔ bekyuli bánu ɔsu ni, liƒu lɛ́da-ma na Yakob ku anwu badi lɛlɔ ɔsu ni, bátakana na basia-ma kama.

Nehemia 8:10

Na Nehemia ɔ́sɔ ɔ́su ɔnini, “Ɔlɛka biteesie kaduli, na bitánwa adila kaduɛ na bite ɔkpanadi ɔni neeebo ɔdi. Ɔsika ɔmwi limeyi lɛmɛni lɛdi limeyi kedee lite Unwoti. Bitadu kɔnyana, ɔsika Unwoti lɛlɔyɔ lɛdubute-mii lɛlɔkplu!”

Ester 9:17

Kɔbuli kɔtɛdi limeyi leevu-lɛtɛdi lɛlɔ na ala amɛni álɛ. Na limeyi leevu-linedi lɛlɔ ni, bánwuna na bádi limeyi na ɔbla lɛlɔyɔ limeyi geen úte-ma.

Ester 9:19

Ɔmɛni náya na Yudaƒuɔ lɛma libliidi kemmo ni, kɔbuli kɔtɛdi limeyi leevu-linedi na ama baadi limeyi lɛmmɔ aani lɛlɔyɔ limeyi na beete bekyuli ala.

Ester 9:2

Na kɔlɛkɛ kɔmmɔ lɛma linengudi kemmo ƒui na Ɔga Ahasweros lɛga kadikɔ ni, Yudaƒuɔ bammɔ básala lɛlɔ na báklibi lɛlɔ benye bete bana ukisine biala na mata mebo ɔnii ubékpo-ma, nsu ɔdi útakana-ma bɔni bude na bana lɛlɔ liƒu bonwu lɛni náda bekyuli ɔsu.

Ester 9:22

ku limeyi lɛni na Yudaƒuɔ békpo bana bekisine, na bákɛ bɔnwuna básiku-ma enu kemmo. Úte-ma bɔti ka badi limeyi lɛmmɔ ku ebiti na bete bana banwani etela ku adila, na batayiƒala bawabane.

Ester 9:27

Na Yudaƒuɔ ƒui bálɛ-nwu ugyii ka ama Yudaƒuɔ ku bana kaba kemmo bebi ku bekyuli bani néti lɛlɔ bénwini Yudaƒuɔ bataadi emeyi amɛni na uwi ɔmmɔ lɛlɔ aani kalɛ na Mordekai úbo-ma ɔda.

Ester 9:3

Na geen ni, kɔlɛkɛ kɔmmɔ bakutine ku benengu ku bagadine ku batɔnkune ku aban kenye benyene ƒui ni, bénwini benye Mordekai kama, ɔsika baayia-nwu geen.

Kɔgya 105:38

Ebiti áda Egyipteƒuɔ geen ka Israelƒuɔ bátɔlɔ-ma kalɔ lɛlɔ. Ɔsika bana lɛlɔ lɛ́da-ma liƒu.

Kɔgya 18:43

Áƒɔ-mi álɛku batuɔkplune enu kemmo. Na áya na línwini kadi bekyuli ƒui ɔtɔnkune. Na kadi bekyuli bani na lɛɛɛgyi kudii mɛni muedi ni, awɔ Unwoti áya na bakya-mi kalɔ.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Lɛkpa Ulu 11:25

Na kesi kesii bísela ni, bina Unwoti Katɔti ɔdubɔya na bekyuli bani nlie kɔlɔ kɔmmɔ lɛlɔ bayia-mii geen aani kalɛ na ɔ́su úse. Na uláya na ukyuli ɔdi unye utile-mii ulu.

Lɛkpa Ulu 2:25

Na mɔɔsu-mii nnii ɔ́si ɔmwi ni, ndubuse kalɔ liti liƒu ntaakya kadi biala nkya ɔƒɛ kalɔ lɛlɔ kemmo na amii ɔsu. Badubuteenu bina lɛlɔ litemi na liƒu libendi lɛdubo-ma bɔda na amii ɔsu.”

Yosua 2:11

Uwi ɔni na bɔ́nya búnu ala amɛni ƒui ni, ɔtɔtɔ úse kalɔ ɔɔgyú-bu. Na enu ése kalɔ aaƒɛ-bu ɔ́si amii ɔsu. Ɔsika Unwoti Katɔti ɔmɛni ndi katɔ ku kalɔ ɔti.

Yosua 2:9

“Ngyi ka Unwoti úuti kalɔ kamɛni úte-mii. Ɔsika ukyuli biala ɔni nkya kalɔ kamɛni kemmo ɔtɔtɔ ɔɔgyú-nwu geen ɔ́si amii ɔsu.

Samuel 1 25:8

Na eye ƒula kabla bablane na badubɔsu-ɔ. Anwuɔsu na buvele kemmo ni, nu mina bakloƒu bamɛni kɔnyana ka lɛlɔyɔ uwi na ɔdi mɛni ɔsu. Na ete ƒula kabla bablane bamɛni lɛla lɛni na ƒula kɔnu kútuku na baƒɔ beboku ami ƒula ubi Dawid lɛnɔ.’ ”