Ester 8:15 - Katɔti Ɔku Kedee

¹⁵ Ɔmmɔ kama ni, Mordekai ɔ́da lɛlɔ na ɔ́vi ɔ́lɛ ɔ́si ɔga kesii mmɔ. Na ɔda agala ani ndi lɛwu lɛƒualadi ku ligyiedi, na ubi sika ugyiedi kagabwa lili na ɔkya awu ɔbunidi ɔni náƒɔ kuye geen. Na kudu kúwi na Susa ɔma unengudi ɔmmɔ ƒui kemmo.

Ester 8:15 ပူးပေါင်းရင်းမြစ်များ

Ala Kalɔ Buse 41:42

Amu na Ƒarao údie nwuna lɛgadi kakwɛnimi na kɔnu ɔ́kya Yoseƒ kɔnu. Na ɔ́ya na béti awu gyɔlɔɔ kpɛtɛ kpɛtɛ ɔbuni ɔdi bákya-nwu. Na béti sika ugyiedi adala bákya-nwu ɔkwɛ.

Ester 1:6

Na bákya kadikɔ kammɔ akya ku aduni abuni aƒualadi ku egyiedi. Na béti linwo lɛni náƒɔ kuye litulo ƒui bávili sika ɔƒualadi asikpɛɛ ani ndanku kesii kani bene na asɛɛ ebi ani náƒɔ kuye geen ada aduni ammɔ lɛlɔ. Na bése sika ugyiedi ku ɔƒualadi eboku bése kesii kani na bákya asɛɛ ebi ku ketu kemmo atabi aƒualadi ani muukeye kalɔ ku akya bun bun.

Ester 10:2

Na ala ebendi ani ƒui na Ɔga Ahasweros ɔ́bla ni, bénweni-nya bákya Media ku Persia bagadine lɛku kemmo bése. Na ala ani na bénweni bése mɛni lɛnɔ adi ɔbu ɔni na Ahasweros úte Mordekai ku kalɛ na ɔ́kɔliku-nwu katɔ.

Ester 3:15

Ɔga Ahasweros ɔ́ya na bákɔ litemi lɛmɛni lɛsa na kesii biala, na ɔ́lɛ lɛni na Susa ɔma unengudi kemmo lɛnɔ. Na ɔmmɔ kama ni, Ɔga Ahasweros ku Haman bétélie kalɔ na báni ntɛ. Nsu litemi lɛmɛni lɛ́bla Susa ɔma bekyuli dɛye dɛye, na lɛsɛ lɛ́ƒɔ-nwu kemmo ƒui.

Ester 5:1

Na limeyi lɛtɛdi lɛlɔ ni, Ester ɔ́da nwuna beleku ɔga adala na úsie unye kaduli kemmo na ɔtɔ ɔni kemmo na ɔga uulie nwuna lɛgaboku lɛlɔ taanu keyi teemene anumi.

Ester 5:11

na úse kalɔ ɔɔkun lɛmɛnɛ na nwuna lɛkɛ pii lɛni na ubo lɛlɔ ku bebi bananabi lɛlɔ. Na ɔ́su-ma kesii kani na ɔga úti-nwu útése, na nwuna kenyekɔ kenye ku kalɛ na bakladi baakya-nwu lili kalɔ, na baalɛ akɔnkɔ kalɔ taabu-nwu.

Ester 6:11

Haman úsie útáƒɔ ala amɛni ƒui úboku na úbakya Mordekai awu ɔbunidi ɔmmɔ, na ɔ́tɔnku Mordekai ɔ́siaku ulu biala lɛlɔ na ɔma ɔmmɔ kemmo, na ulie ɔpɔnkɔ ɔmmɔ lɛlɔ, na Haman ɔɔva taasu ɔnini, “Lɛni na baabla teete ukyuli ɔni na ɔga ɔ́kɔliku katɔ!”

Ester 6:8

amu tala na betéti ƒula awu bonwu ɔbunidi ku ƒula ɔpɔnkɔ ku lɛduni lɛni na eebi lili na lɛ́ƒɔ kuye geen mmɔ beboku.

Ester 8:14

Batu bani béte ɔga bapɔnkɔ bani muukeli usi mmɔ, békeli momoomo bátɔlɔ ku lɛku lɛmmɔ ka ɔga údie lɛdi. Na Susa ɔma unengudi ɔmmɔ kemmo lɛnɔ béte bɔti bɔmmɔ.

Agba 11:10

Si ala aatɛ teete ukyuli ɔbuni ni, ɔma ɔmmɔ bekyuli baakɛ́ lɛlɔyɔ. Lɛni kani si ukyuli ukpidi úkpi ni, kaƒɔ kaayɔ́-ma.

Agba 28:12

Si ala aadianku bekyuli babuni ni, lɛlɔ lɛɛyɔ́ ukyuli biala. Nsu si bekyuli bekpidi benye ala kenye ni, ukyuli biala ɔɔbɛ́.

Agba 29:2

Si ala aatɛku bekyuli babuni ni, bekyuli baakɛ́ lɛlɔyɔ. Nsu si bekyuli bekpidi mɔɔdi bekyuli lɛlɔ ni, bekyuli beedumo.

Mateo 11:8

Munuu bi na bísie bitánu? Ɔnana ɔni nkya lɛwu lɛni mɔɔdia bɔnu? Oowo, bekyuli bammɔ udu ni, ɔga kesii na beelie.

Mateo 6:29

Nsu mɔɔsu-mii nnii Ɔga Salomo ku nwuna lɛlakɛ muedi ni, nwuna adala átadia bɔnu aani anwula amɛni kemmo ɔdi.

Luka 16:19

“Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.