Ester 7:9 - Katɔti Ɔku Kedee

⁹ Amu na Habona bana akɔ unwi úye ɔga ɔnini, “Atabi akpa ku ɔta kangyaa ɔdi unye Haman ɔmɛni kaduli na anwu kani nátu-nwu únyene mmɔ úte ka badu Mordekai ɔni nédie awɔ bula ɔga ngba na ɔgbankpi kemmo.”

Ester 7:9 ပူးပေါင်းရင်းမြစ်များ

Baga 2 9:32

Amu na Yehu ɔ́talaku lili na ɔ́nu ƒansili mmɔ. Mmɔ na ɔ́kpali úmene ɔnini, “Ɔma bene nnye-mi kama?” Mmɔ na ɔga kaduli kabla bablane inyɔ iye ɛtɛ bédie lili na bánu Yehu na ƒansili mmɔ.

Ester 1:10

Na limeyi maatɛdi lɛlɔ ni, ntɛ pii bɔmmɔ bɔ́ɔta bɔ́sia Ɔga Ahasweros anumi, na lɛlɔ lɛnɔ lɛɛyɔ́-nwu geen, anwuɔsu ɔ́tala nwuna kabla bablane maatɛ badi bani ndi Mehuman ku Bitsa ku Harbona ku Bigta ku Abagta ku Setar ku Karkas ɔnii

Ester 5:14

Haman ulekudi ku bakpana bákya-nwu kasusu banini, “Tu atabi akpa ku ɔta bonwu kangyaa ɔdi na ɔkuku lɛgba aavlanyɔ-inyɔ. Na kɔnaadi ɔtanta ni, na asu ɔga na bakya Mordekai ɔbuli limɔ baƒala mmɔ na ukpi. Nwuna kama asa na bisie kadikɔ kammɔ, na bitádi na bɛni na bɛkɛ ebiti.” Haman ɔ́ƒɔ litemi lɛmmɔ aani kasusu kabuni na béte-nwu. Anwuɔsu usi na ɔkɛ, na ɔ́ya na bátu akpa ku ɔta bonwu ɔmmɔ.

Ester 6:14

Na bétedie tɔ kenye na lɛla lɛni na baasu kemmo asa ɔga ɔmmɔ ɔtu úbeduo, na ɔ́lɔ Haman ɔnii ɔga ɔnii ubo na beteesie kadikɔ kani na beleku ɔga ɔ́lɔ-ma mmɔ.

Ester 6:2

Na ka kabla ɔblane ɔmmɔ ɔ́ka kalɛ na Mordekai ɔ́bla asa na Bigtana ku Teres bátakana-nwu bɔdu ni,

Ester 8:7

Amu na Ɔga Ahasweros ɔ́su Beleku Ɔga Ester ku Mordekai ɔni nnye mmɔ ɔnini, “Kasusu kekpidi kani na Haman úti na Yudaƒuɔ lɛlɔ ɔsu na lɛ́ya na bákya-nwu ɔbuli limɔ na báƒala-nwu, na líti nwuna kaduli ku ala ƒui líte Beleku Ɔga Ester.

Ester 9:14

Anwuɔsu ɔga ɔmmɔ údie lɛdi ɔnii babla lɛni na ɔ́ya na bébo ɔda na Susa ɔma kemmo, na báƒala Haman bebi leevu bammɔ.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Kɔgya 141:10

Na aya na balalane banu beduo ama alati bana kɔkpagyuɛ kɔmmɔ kemmo uwi ɔni na áya-mi na lɛ́lɛ sɛɛn na bana enu kemmo.

Kɔgya 35:8

Ya na ɔgbankpi uyu-ma ɔtu ɔni na baaagyi beeese. Na aya na kɔkpagyuɛ kɔni na bákywɛ-mi kudie-ma. Na banu beduo libu lɛni na ama alati béku bése-mi kemmo na bayii udu na mmɔ.

Kɔgya 73:19

Liƒu ala bonwu aadá taalɛ bekyuli bammɔ udu lɛlɔ na baayii kɔnakunwi.

Daniel 6:24

Na bekyuli bani néti Daniel litemi béboku ɔga ɔmmɔ banii babakya-nwu kakya ni, ɔ́ya na béti ama mmomu bátákya bagyata ubu ɔmmɔ kemmo ku bana beleku ku bebi ƒui. Na bétetuku tɔ ubu ɔmmɔ kalɔ bátawɔlɔ muedi asa na bagyata bammɔ bégyingya-ma kɔkɛ kɔkɛ.

Daniel 6:7

Anwuɔsu ƒula bakutine ku benengu ku kasusu bakyane ku ƒula aban bagadine ƒui búnu kalɔ ka enyimi ɔda bubo bɔni muutile ukyuli biala kuƒi ka ɔkya lili kalɔ ute baƒiɔ badi iye lɛla bamba utulo awɔ kani emeyi avlaatɛ ani ndubo mɛni kemmo. Na ukyuli biala ɔni meni ɔmɛni bɔbla ni, ɔlɛka bebo-nwu bakya ƒula bagyata ubu kemmo.

Samuel 1 17:51

Amu na Dawid úkeli úsie Goliat kudɔ na kesii kani na úbuli ɔtɛ mmɔ. Na ɔ́ni Goliat ɔlati kewii kani nkya-nwu livuo kemmo na nwuna ɔƒɛnyi ɔ́kpa, na ɔ́tu-nwu ɔ́du na úkulo-nwu lili. Ka Ƒilistiƒuɔ bekpone bakladi bánu ka ukpone unengu ɔni lɛlɔ na ama baakun lɛmɛnɛ úkpi ni, bana ƒui békeli bátɔlɔ.