Ester 7:8 - Katɔti Ɔku Kedee

⁸ Na ɔni kani na Haman ɔɔyu ɔɔlɛ akɔnkɔ na liboku lɛni kemmo na beleku ɔga ɔmmɔ ukpo kudɔ kani na Ɔga Ahasweros ɔ́si úbeduo. Mmɔ kani na ɔga ɔmmɔ ɔ́va ku lɛdi momoomo ɔnini, “Buƒie muedi na asɔ adubo mina uleku buƒie na mina anumi mɛni na ami ɔlati kaduli?” Ɔga ɔmmɔ útawɔlɔ tɔ kenye kammɔ bɔsu asa na nwuna beleku lɛlɔ banune báka bámana Haman, na béti ala bébi-nwu lili.

Ester 7:8 ပူးပေါင်းရင်းမြစ်များ

Ester 1:5

Uwi útetu na ɔmmɔ kama asa na Ɔga Ahasweros ɔ́sɔ ɔ́lɔ bekyuli ƒui úboku kadikɔ kammɔ udu na Susa ɔma kemmo. Na ɔmmɔ lɛnɔ ɔ́bla aani emeyi maatɛ ɔni na baadi na baaní na ɔga ɔmmɔ adingyii kemo egyii kalɔ, na ɔɔɔkɛ ukyuli ɔni udu na adi.

Ester 1:6

Na bákya kadikɔ kammɔ akya ku aduni abuni aƒualadi ku egyiedi. Na béti linwo lɛni náƒɔ kuye litulo ƒui bávili sika ɔƒualadi asikpɛɛ ani ndanku kesii kani bene na asɛɛ ebi ani náƒɔ kuye geen ada aduni ammɔ lɛlɔ. Na bése sika ugyiedi ku ɔƒualadi eboku bése kesii kani na bákya asɛɛ ebi ku ketu kemmo atabi aƒualadi ani muukeye kalɔ ku akya bun bun.

Ester 6:12

Ɔmmɔ kama ni, Mordekai ɔ́sɔ únwini úsie nwuna kabla kablakɔ na ɔga kesii ɔban kenye mmɔ. Nsu Haman úkeli ɔ́tɔlɔ ku kɔƒa ku kɔƒa úsie kaduli.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Hiob 9:24

Na Unwoti ɔmmɔ kani mɔɔyá na litemi batɛne baatɛ litemi likpidi. Na ɔɔyá na belikplune mmomu baaƒɔ́ lɛla biala teebo kayi na baadi lɛlɔ. Na si ɔɔɔdi anwu ni, na ɔma nábla ɔmɛni?

Yesaia 22:17

“Nu kaduɛ, ɔsika Unwoti ɔdubo ubada-a kpakplaa na uƒuimi-ɔ utáva kalɔ momoomo ina ɔni na aanu lɛlɔ ka ebo ɔyikun mɛni!

Yesaia 49:23

Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”

Amos 3:12

Kalɛ na si gyata úƒie koƒonu na kakɛ blii kani na baƒonu ɔdane ɔɔnu taaƒɔ́ ni, lɛni geen na ɔdubo bɔlɛku Samariaƒuɔ, na bana ɛlɛɛ kani ndubo bukeli na bakɛ ngba ku bana ala ekuku ani na badububile bebu.

Marko 14:65

Bana akɔ badi bése kalɔ beetuo lisuo teewi Yesu. Na bényimi-nwu anumi, na badaku-nwu bubo ku bana enu. Na bakya baasu-nwu banini, “Ka agyi ala ƒui ni, su-bu ukyuli ɔni nébo-ɔ!” Amu na bagyumanane badi bétiku Yesu bátɔlɔku, na bétébo-nwu.