Ester 7:4 - Katɔti Ɔku Kedee

⁴ Ɔsika béti ami ku mina kadi bekyuli ƒui béye kalɛ na badu-bu na bayila-bu udu ƒui kede kede. Na si nka buye na banii beeti-bu beye na bunwini kabla bablane kani ni, nka lɛɛɛdubo nnii mbete-ɔ lɛƒɛda lɛdi, ɔsika ɔmmɔ lɛti uláya na mbada lɛlɛ awɔ mina ɔga anumi.”

Ester 7:4 ပူးပေါင်းရင်းမြစ်များ

Nehemia 5:5

Nsu ina ka abu ku Yudaƒuɔ benwi bɔdi na bula bebi lɛnɔ bese aani bana badi ni, búuti bula bebi badi búye búte-ma kalɛ na buti bɔƒɔ kayu kammɔ. Báƒɔ bula begblebi badi, na ɔƒɛni bɔsɔ bulati lɛla lɛni bɔbla. Ɔsika békpeli bula mmo ku adingyii mmo báƒɔ bula enu kemmo.”

Ester 3:13

Batu na bátala ku kɔnu kɔnu na bele lɛku lɛmmɔ bávi. Na ala ani nkya lɛku lɛmmɔ kemmo aatina ka ɔlɛka badu Yudaƒuɔ ƒui, banana ku beleku ku bana bebi ƒui banamu ku benengu, na bayila-ma udu na limeyi linwi pɛ lɛlɔ lɛni ndi kɔbuli leevu-kunyɔdi limeyi leevu-lɛtɛdi lɛlɔ, na beti-ma ala ƒui.

Ester 3:9

Mɔɔnu ka ɔdia ka ebo ɔda na bɔdu-ma. Na muusé kenye lite-ɔ ka si úbo úte lɛni ni, ndubɔkɛ sika ɔƒualadi pii lɛkya ƒula lɛga kadikɔ kavumi kemmo.”

Ester 7:5

Kɔnakunwi ni, Ɔga Ahasweros úye Beleku Ɔga Ester ɔnini, “Ɔma nábla ɔtɔtɔ ɔmmɔ udu? Ntele ukyuli ɔmmɔ?”

Ester 7:6

Amu na Ester údie kenye ɔnini, “Ukisine ukpidi kati kati ɔmmɔ ndi Haman ɔni nli-ɔ kudɔ mɛni.” Mmɔ kani na liƒu bonwu líƒie Haman na Ɔga Ahasweros ku Beleku Ɔga Ester anumi mmɔ.

Ester 8:11

Na ɔku ɔni na bénweni mɛni uute Yudaƒuɔ ƒui kuƒi ku ɔyikun ka bekpo kadi biala bekyuli mata banii beekpó ama Yudaƒuɔ na kɔlɛkɛ kɔmmɔ ƒui kemmo, na bakyula kadi kammɔ bekyuli, na bayila-ma udu ku bana bebi ku beleku ƒui.

Ester 8:6

Ɔsika lɛɛɛdubo bɔkana bulie bɔnu na ɔgbankpi bonwu ɔmɛni udu ubo mina kadi bekyuli lɛlɔ na bakyula-ma ƒui.”

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Daniel 6:2

Na kalɛ na ɔnu ka lɛla biala liisié siin na nwuna aban ɔmmɔ kemmo ɔsu ni, Dario ɔ́sɔ ɔ́ƒuna bakutine ɛtɛ bamba únyene kunyekɔ kɔdi ka bataanu aban bagadine bamɛni lɛlɔ. Na bakutine bamɛni akɔ unwi ndi Daniel.

Yoel 3:6

Na bíƒie Yudaƒuɔ ku Yerusalemƒuɔ bíye bíte kadi bamba bekyuli bani naaadi Yudaƒuɔ na bɛ́bɔku-ma bɛ́tɔlɔku bana lɛma kakaaka ƒui.

Amos 2:6

Unwoti ɔnini, “Ndubo Israelƒuɔ kɔtu bɔni na bana ekpidi pii ani ɔsu na lɛɛɛdubo mina kasusu bɔvumana. Béti mina bekyuli babuni bani mɔɔdi mina litemi lɛlɔ béye báƒɔ egulabi. Na béye bani mɔɔyaki ala na lɛgbanvuo kuye kenye.

Luka 12:45

Nsu si kabla ɔblane ɔmmɔ ɔ́su ɔnii, ‘Mina Unwoti úsela útákya ulu na uwi utu,’ ɔsu na úse kalɔ ɔɔdi na ɔɔní ntɛ teekpi na uubó kabla bablane bakladi bani ndi banana ku beleku ƒui na ɔɔbla-ma kalala ni,

Lɛkpa Ulu 28:68

Na bina Unwoti ɔdubuti lɛkɔlɔ libendi libendi na uti-mii ɔkya-ni kemmo na unwini-mii usienku Egyipte kalɔ kesii kani na ɔ́su ka bɛsɔ bilésie kudii. Na si bíduo mmɔ ni, bɛdubuti lɛlɔ biye bite Egyipte kalɔƒuɔ bammɔ na bitaabla kabla teete-ma. Nsu ukyuli biala uláyɔ ka uye-mii.

Yosua 9:23

Ɔ́si lɛla lɛni bɛ́bla mɛni ɔsu ni, Katɔti úwida-mii. Na bina kabla kani na bɛdubo butaabla ndi ka bɛdubo ekyweni butaayɔ na biteesie ketu teesienku Katɔti kakpakɔ.”

Samuel 1 22:23

Nsu awɔ, taayia. Sɔ kya-mi kudɔ mɛni. Ukyuli ɔni mɔɔwia ka ɔdu-ɔ ni, anwu kani nsiaku ami lɛnɔ na ɔɔwia-mi ɔdu. Nsu lɛla lɛdi lɛɛɛdubo-ɔ bɔbla.”