Ester 5:9 - Katɔti Ɔku Kedee

⁹ Ka Haman ɔ́ta ntɛ bɔmmɔ kanikɔ mmɔ ni, lɛlɔyɔ lɛkya-nwu lɛlɔ kemmo kaduɛ, ɔsika ntɛ bɔmmɔ bɔsia-nwu anumi. Nsu uwi ɔni na ɔ́nu Mordekai na ɔban kayakun ka ulie na ulábla lɛla lɛdi ulatina ka uute-nwu ɔbu ɔdi ɔsu ni, kɔnyi kɔ́kɔ-nwu geen.

Ester 5:9 ပူးပေါင်းရင်းမြစ်များ

Baga 1 21:4

Amu na Ahab únwini úsie kaduli ɔni na úƒu na úti kɔnyi ɔ́si lɛla lɛni na Nabot ɔ́su-nwu mmɔ ɔsu. Ɔsika ɔ́su-nwu ka. “Lɛɛɛdubo-ɔ mina bati kuuku kalɔ buti bute.” Na úsie ɔ́tɛ bana atɛla lɛlɔ na únwini anumi ɔ́tina kowodu na úni ka ɔdi muedi.

Baga 1 21:6

Amu na údie ulekudi kenye ɔnini, “Lɛ́su Nabot ɔni ndi Yesreelni ka uti nwuna kevoma kemo kalɔ kammɔ ute-mi na lite-nwu kalɔ kabambadi. Nsu ɔ́su-mi ɔnini, ‘Lɛɛɛdubo-ka buti bute-ɔ.’ ”

Ester 2:19

Na begblebi bammɔ bɔsɔ bɔsa kunyɔdi ni, na Mordekai ɔkya ɔga kabla bablane benengu akɔ na uunye ɔga kesii ɔban kayakun.

Ester 3:2

Na ɔga úbo ɔda ka bakladi bani na bakya-nwu kalɔ ƒui bataakya Haman lili kalɔ na balɛ akɔnkɔ lɛnɔ kalɔ si ɔ́si ɔɔví aani bana unengu kalɛ. Nsu Mordekai kani néni na ulábla lɛni si ɔ́nu-nwu.

Ester 3:5

Haman úti kɔnyi kpakplaa ka únu kenye kamɛni ka Mordekai úni ɔnii ulalɛ akɔnkɔ kalɔ ulete-nwu ɔbu.

Ester 5:13

Nsu ɔmɛni ƒui ulayɔ-mi tɔ kaƒɔ na uwi ɔni na Yudani Mordekai ɔmmɔ mmu muulie ɔga kayakun kammɔ kenye ɔsu.”

Hiob 20:5

alaekpidi ɔblane biala ni, uwi klukwii ɔdi kani na ɔɔkɛ́ ebiti teetédu.

Hiob 31:31

Na ńteni mina kaduli bekyuli ku kabla bablane ɔdi adila ku lɛna bute kudii.

Kɔgya 15:4

Bekyuli bani na Katɔti ɔɔnu ka badi alaekpidi bablane ni, ɔɔɔdaku-ma lɛda. Mmomu bani mɔɔyia Unwoti na baadi nwuna litemi lɛlɔ ni, ɔɔbu-ma. Ukyuli ɔmmɔ udu ɔɔdi lɛla biala na ɔ́su úse lɛlɔ ina dɛ na lɛla lɛmmɔ liikpóku-nwu.

Kɔgya 27:3

Si ina bekpone otogyi ɔdi náka bana-mi muedi ni, ɔtɔtɔ biala ɔɔɔdubo-mi bɔgyu. Ina kekpo na báta-mi lɛlɔ muedi ni, ndubuti mina anu bɔsia Unwoti lɛlɔ.

Daniel 3:13

Ɔmɛni ɔsu Ɔga Nebukadnesar ɔ́kɛ kɔnyi geen, na ɔ́ya na bététiku-ma béboku.

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Luka 6:25

Bɔbuɛ muute amii bani némo ɔƒɛni, ɔsika kɔka kɔdubo-mii bɔda! Bɔbuɛ muute amii bani mɔɔmá ɔƒɛni, ɔsika bɛdubo kɔnyana ku keku buwulo!

Yohane 16:20

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.

Batalane Kabla 7:54

Ka bénu etemila ani na Steƒano ɔ́su ɔ́siku-ma lɛlɔ ni, ɔƒɛ ɔ́da-ma geen na ɔ́ya bákya baadu anyi ku kɔnyi.

Yakobo 4:9

Na biteewulo kɔnyana. Amii bani mɔɔmá ni, bina lɛma linwini keku. Na bina lɛlɔyɔ linwini kɔnyana buwulo.