Ester 4:16 - Katɔti Ɔku Kedee

¹⁶ “Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Ester 4:16 ပူးပေါင်းရင်းမြစ်များ

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Ala Kalɔ Buse 43:14

Na muuvele Unwoti Katɔti nnii ɔnu-mii kɔnyana na ɔya na ɔnana ɔmmɔ kayi kayɔ na ɔnyonu Benyamin ku ɔnwani ɔni na úƒie úse, na basiaku-mi na bɛsɔ binwini bibo. Nsu ami amu ni, si kukpi kɔ́du-mi ni, bɔdu na kɔ́du-mi.”

Samuel 2 10:12

Anwuɔsu binye momoomo na bise kayi na bukpo bula bekisine na bula kadi bekyuli Israelƒuɔ ɔsu. Na bukpo na bɔƒɔ bula lɛma lɛni na Unwoti úte-bu ka bulie-ni kemmo buse. Unwoti ɔbla lɛla lɛni na anwu ɔlati ɔ́nu ka lɛdia.”

Baga 2 7:4

Na kɔsia kuuubo si búduo ɔma ɔmɛni kemmo. Ɔsika si búduo ni, kɔka kɔmmɔ kɔdubo-bu bɔdu kɔkya mmɔ. Na si buli mɛni lɛnɔ bɔdubukpi. Ɔmmɔ ɔsu bɛya na buteesie kesii kani na Siriaƒuɔ bekpone báda keliekɔ béli na buteti lɛlɔ bute-ma. Na si bányonu-bu ni, bɔdubulie ngba. Na si bátanyonu-bu lɛnɔ bɔdu na badubo-bu bɔdu.”

Ala Alɛdi 2 20:3

Amu na Yehosaƒat ɔ́kpali Unwoti na úvele-nwu ɔnii ɔtina-nwu lɛla lɛni na ɔlɛka ɔbla, ɔsika ɔ́yia geen.

Esra 8:21

Amu uwi ɔni na búdu Ahawa Ketu kudɔ ni, mmɔ na líbo ɔda na ɔ́ya na búnyimi kenye kalɛ na buboku lɛlɔ kalɔ na Katɔti anumi na buvele-nwu ka ɔgyumana abu ku bula bebi ku bula ala ani ƒui na bɔdanku kalɛ na bula ulu busie bɔbla buɛɛ.

Ester 4:15

Amu na Ester údie kenye ɔnii batásu Mordekai ɔnini,

Ester 4:17

Mordekai lɛnɔ úsie na útábla lɛni kani sɔsɔ.

Ester 4:3

Na kalɛkɛ biala lɛlɔ na báka ɔku ɔmmɔ ni, Yudaƒuɔ bani nkya mmɔ keku kani na beewulo na baaƒɛ́ enu, na badi béti adikpi bényimi na báyu béwi ntɔ akɔ.

Ester 5:1

Na limeyi lɛtɛdi lɛlɔ ni, Ester ɔ́da nwuna beleku ɔga adala na úsie unye kaduli kemmo na ɔtɔ ɔni kemmo na ɔga uulie nwuna lɛgaboku lɛlɔ taanu keyi teemene anumi.

Ester 9:31

Na bátina kalɛ na ɔlɛka bataadi emeyi amɛni kalɛ kani na ama ku bana kaba kemmo bebi baadi emeyi bamba ku kenye bunyimi ku kɔnyana buwulo emeyi. Na ɔmɛni ɔdi lɛla lɛni na Ester ku Mordekai bébo Yudaƒuɔ ƒui ɔda.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Daniel 2:18

Na ɔ́su-ma ɔnini, “Bivele na Katɔti ɔni mɔɔdi lɛlɔ ɔ́si katɔ kakaaka udie abɛla amɛni keyi kalɛ na baládu-bu ku bekyuli bakladi.”

Mateo 12:40

Kalɛ na Yona ɔ́kya kabɛ kebendi kaƒɔ kemmo emeyi atɛ usien ku ɔƒɛ ni, lɛni kani na Ukyuli Ɔyawine Ubi lɛnɔ ɔdubɔkya kalɔ kemmo emeyi atɛ usien ku ɔƒɛ.

Luka 9:24

Ɔsika ukyuli biala ɔni mɔɔwia ka ɔƒɔ nwuna lili ngba ute lɛlɔ ni, ɔdubɔyila-mu. Na ukyuli biala ɔni nányonu nwuna ngba ka ɔsiaku-mi ɔsu ni, ɔdubɔkɛ ngba geen.

Yohane 19:22

Amu na Pilato údie kenye ɔnini, “Lɛla lɛni na línweni ni, líinweni lɛ́wɔlɔ.”

Batalane Kabla 10:7

Amu ka Katɔti ɔtu ɔmɛni ɔ́tɔlɔ ni, Kornelio ɔ́lɔ nwuna kaduli nkyuli inyɔ ku bekpone bani mɔɔgyumana-nwu mmɔ akɔ unwi ɔni lɛnɔ ndi ukyuli ɔbuni.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Batalane Kabla 27:33

Amu uwi ɔni na kadi kadaku bugye ni, Paulo úvele bana ƒui ɔnii badi. Na ɔ́sɔ ɔ́su-ma ɔnini, “Emeyi leevu-ene sɔɔn mɛni ka búduo ɔgbankpi ɔmɛni kemmo na bina akɔ ɔdi biala útetuku tɔ adila kenye.

Batalane Kabla 9:9

Na úlie mmɔ emeyi atɛ ɔni na ulánu, uládi na ulani lɛnɔ.

Romaƒuɔ 16:4

Bénye kagyumana ka bekpi na mina lili muedi. Na ɔɔɔdi ami lɛti mɔɔgyá-ma enu, mmomu ku bekyuli bani naaadi Yudaƒuɔ baƒɔtaadine akpa ammɔ ƒui.

Ƒilipiƒuɔ 2:30

Ɔsika úti nwuna ngba ɔ́kpa na úbu blii suɛ nka úkpi ɔ́si Kristo kabla ɔsu. Na úte-mi kebunku kani amii alati bítakana-mi bute.

Yosua 24:15

Nsu si Unwoti kama bɔsiaku buláda-mii kubiti ni, amii bidie ɔmwi limeyi lɛmɛni anwu ɔni geen na bɛɛyɔ́ ka bɛsiaku. Si baƒiɔ bani na bina bati kuuku bákpa na Euƒrate Ketu ɔvi ngye iye Amoriƒuɔ kalɔ kani bilie mɛni baƒiɔ na bɛɛyɔ́ ni, bidie. Nsu ami ku mina kaduli bekyuli abu ni, Unwoti lɛti na bɔdubɔsiaku.”

Samuel 1 19:5

Bɔnu na átanu átati kalɛ na úti lɛlɔ ɔ́kpa na ƒula lili uwi ɔni na útékpoku Goliat? Na bɔnu na átanu ka Unwoti ɔ́ya na abu Israelƒuɔ bɔ́di Ƒilistiƒuɔ lɛlɔ ɔkɛnku lɛla lɛni na ɔ́bla ɔsu? Awɔ ɔlati ánu ɔmɛni na ebiti áda-a sɔsɔ. Na bi ɔsu na ɔlɛka abla likpidi lɛmɛni udu na aya na badu Dawid? Útabla likpidi lɛdi!”