Ester 3:8 - Katɔti Ɔku Kedee

⁸ Amu na Haman útásu Ɔga Ahasweros ɔnini, “Kadi bekyuli badi básala bakya ƒula kɔlɔ kɔni lɛlɔ na aadi bekyuli ƒui akɔ. Na bebo ɔdi ɔdi na baabla na ɔ́vumanaku bekyuli bakladi ƒui ɔdi, na baládi ƒula ɔda bubo lɛnɔ lɛlɔ. Na lɛla lɛmɛni lɛɛɛdububoku kɔsia biala na ƒula lɛga kadikɔ. Anwuɔsu ɔlɛka bɔyila-ma udu kalɛ na lɛga kadikɔ kammɔ kenye kaduɛ.

Ester 3:8 ပူးပေါင်းရင်းမြစ်များ

Esra 4:6

Uwi ɔni na Ɔga Ahasweros úse kalɔ ɔɔdi lɛga ni, bekyuli badi bátáda Yudaƒuɔ ku Yerusalemƒuɔ kenye bátina-nwu.

Nehemia 1:8

“Na enyimo ɔda ɔni na ébo ƒula kabla ɔblane Mose ásu anii, ‘Si bítabla ala bítasiaku ulu lɛlɔ ni, ndubo-mii bɔbɔku butákya kadi bamba bekyuli akɔ.

Ester 3:9

Mɔɔnu ka ɔdia ka ebo ɔda na bɔdu-ma. Na muusé kenye lite-ɔ ka si úbo úte lɛni ni, ndubɔkɛ sika ɔƒualadi pii lɛkya ƒula lɛga kadikɔ kavumi kemmo.”

Ester 4:1

Ka Mordekai únu ɔku ɔmmɔ kenye ni, ɔ́ni nwuna awu ɔni na ɔkya ɔ́bwɛ, na úti adikpi ɔ́sabla, na ɔ́kpi ntɔ anumi, na ɔkɛ uuwulo momoomo taavi na Susa ɔma ɔmmɔ ƒui kemmo.

Yeremia 33:24

“Baƒɔ benye beedumi mina kadi bekyuli taasu banini, ‘Unwoti ɔ́ƒuna Israel ku Yuda aani nwuna bekyuli, nsu ɔƒɛni amu úni-ma na basɔ beenye aani kadi bekyuli.’

Yeremia 50:17

Israelƒuɔ bese aani baƒonu lisu lɛni na bagyata bani na kɔka kɔɔda bábɔku bégyingya. Na Asiria ɔga náka-ma bɔduli kɔkɛ kɔkɛ lɛni asa na Babilon Ɔga Nebukadnesar úbabwɛ-ma ku ekubi ƒui.

Esekiel 11:16

“Nsu se atu na enu lɛla lɛni na mɔɔwia ka lɛsu Israelƒuɔ bani na nkya Babilon. Sɔsɔ na ɔdi ka ami Unwoti Katɔti nábɔku-mii lɛ́lɛku amii alati bina kalɔ lɛlɔ nnii bitélie kadi bamba bekyuli akɔ. Nsu ɔƒaani ndubulieku-mii kesii biala na bɛkya kalɛ bɛkana na bɛkpa-mi.

Esekiel 6:8

“Ndubo bɔya na bekyuli badi belie banu kɔtu bɔni bɔmɛni ƒui bɔlɛ atɔ asia bétédu kawɔlɔkɔ. Nsu ndubo-ma bugyingya bɔkya kadi bamba bekyuli akɔ

Daniel 3:8

Babilonƒuɔ badi bákɛ kasiakɔ na ɔmɛni lɛlɔ ka badu Yudaƒuɔ bamɛni kɔtɔ bete Ɔga Nebukadnesar.

Daniel 6:13

Mmɔ na bekyuli bammɔ básu-nwu banini, “Yudani ɔni baalɔ Daniel mmɔ na ɔdi ukyuli uƒiedi ɔni na bákpanku béboku mɛni ni, úni na uládi ƒula ɔda bubo bɔni na éte na bénweni bése mmɔ lɛlɔ, na ulábu awɔ ɔlati muedi. Na ɔ́mu ɔɔkpali nwuna Katɔti teevele kɔtɛ limeyi ndi limeyi.”

Daniel 6:14

Lɛla lɛmɛni lɛ́bla ɔga ɔmmɔ kɔnyana geen ka únu lɛni. Na limeyi limodi lɛmmɔ ni, ɔkya ɔɔbla kasusu ulu ɔni lɛlɔ na ɔsia na udie Daniel na ɔgbankpi ɔmɛni kemmo.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Sakaria 7:14

Anwuɔsu na líbo na ndaku ɔƒɛƒɛɛ kpakplaa ɔni mɔɔkya ligede na ḿbegyingya bana ƒui lɛ́kya kaƒɔ kɔlɔ ƒui lɛlɔ, na báda bana ɔma ɔbuni ɔmmɔ béwi, na bekyuli bása-nwu kemmo na bébile ala lɛnɔ.’ ”

Bumomo Bɔka 23:9

Na nnye atakpɛ ani nákuku lɛlɔ mɔɔnu-ma, na mɔɔnu-ma taasiku abi lɛlɔ. Na badi kadi bekyuli bani na ama lɛti nli. Na balánu lɛlɔ aani kalɛ kadi bamba bekyuli bese.

Yohane 7:35

Amu na Yudaƒuɔ bammɔ béye lɛlɔ banini, “Wɛ na ukyuli ɔmɛni úsela tɔ ɔsu na bulanu-nwu? Munuu ɔɔkali ka usie Helaƒuɔ lɛma kesii kani na bula kadi bekyuli badi bégyingya bakya na utátina-ma ala na mmɔ?

Batalane Kabla 24:5

“Ɔsika bɔ́nu-nwu bɔ́ti ka lɛsɛ ɔkyane na ɔdi, na ɔkɛ ɔɔví uwi ndi uwi uunwíni Yudaƒuɔ kasusu na kesi kesii na kayawi kamɛni ƒui ɔnii bataabla basa basa na bata benye aban lɛlɔ. Na anwu ndi lɛkpa lɛni na baalɔ banii Nasareƒuɔ ɔtɔnkune.

Batalane Kabla 28:22

Nsu bɔɔwia ka bunu lɛla lɛdi bɔsiku lɛla lɛni na áƒɔ ádi mɛni lɛlɔ. Ɔsika sɔsɔ ni, balásu lɛla lɛbuni lɛdi taasiku lɛkpa lɛmɛni lɛlɔ na kesi kesii.”

Lɛkpa Ulu 30:3

bina Unwoti Katɔti ɔdubɔnu-mii kɔnyana. Na ɔdubɔsɔku-mii ɔsiku kesii kani na úgyingya-mii ɔ́kya na kayawi ekpo ekpo ubasala. Na ɔsɔ ɔdubɔya na binwini ala badine lɛnɔ.

Lɛkpa Ulu 32:26

“Lɛ́yɔ ka lɛyila-ma udu kede kede kalɛ na ukyuli biala ulenyimo-ma.

Lɛkpa Ulu 4:27

Na mɔɔsu-mii lɛnɔ nnii, Katɔti ɔdubo-mii bugyingya bɔkya kadi bamba bekyuli akɔ ɔni na bina ɛlɛɛ badi kani ndubo bubu na bana akɔ mmɔ.

Yakobo 1:1

Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.

Petro 1 1:1

Ami Petro ɔni ndi Blɔti Yesu Kristo ɔtalane muunweni ɔku ɔmɛni lite Katɔti baƒɔtaadine bani nátɔlɔ bana lɛma bésie belie Romaƒuɔ kɔlɔ kɔni ndi Ponto ku Galatia ku Kapadokia ku Asia ku Bitinia lɛlɔ.