Ester 3:13 - Katɔti Ɔku Kedee

¹³ Batu na bátala ku kɔnu kɔnu na bele lɛku lɛmmɔ bávi. Na ala ani nkya lɛku lɛmmɔ kemmo aatina ka ɔlɛka badu Yudaƒuɔ ƒui, banana ku beleku ku bana bebi ƒui banamu ku benengu, na bayila-ma udu na limeyi linwi pɛ lɛlɔ lɛni ndi kɔbuli leevu-kunyɔdi limeyi leevu-lɛtɛdi lɛlɔ, na beti-ma ala ƒui.

Ester 3:13 ပူးပေါင်းရင်းမြစ်များ

Ala Alɛdi 2 30:6

Amu na Hesekia batu bani na ɔ́tala mmɔ báyu ulu linyesia ɔku ɔmɛni bésienku Israel kesii biala. Na ɔku ɔmmɔ kenye kaasu kanini, “Israel kadi bekyuli, ka kuli kɔ́dia-bu na bɔ́lɛ Asiria baga enu kemmo na kekpo kéteƒie-bu ƒui ni, bɛya na ɔƒɛni anwu bunwini bubo Unwoti Katɔti ɔni na bula bati kuuku Abraham ku Isak ku Yakob bákpa kudɔ. Na si bɛ́bla ɔmɛni ni, ɔdubɔda kɔnyi buti bɔkya-bu ɔya.

Ester 7:4

Ɔsika béti ami ku mina kadi bekyuli ƒui béye kalɛ na badu-bu na bayila-bu udu ƒui kede kede. Na si nka buye na banii beeti-bu beye na bunwini kabla bablane kani ni, nka lɛɛɛdubo nnii mbete-ɔ lɛƒɛda lɛdi, ɔsika ɔmmɔ lɛti uláya na mbada lɛlɛ awɔ mina ɔga anumi.”

Ester 8:5

Na ɔ́su-nwu ɔnini, “Ɔga ɔbune, si ɔɔyɔ́-ɔ kaƒɔ na aayɔ́-mi geen na ánu lɛnɔ ka ɔdia ni, na ete kati kpakplaa na etile kenye kani na Hamedata ubidi Haman ɔni ndi Ɔga Agag kaba kemmo ubi ɔ́su ɔ́siku Yudaƒuɔ lɛlɔ mmɔ, kalɛ na basɔ baladi litemi lɛmmɔ lɛlɔ na badu-ma na kɔlɛkɛ kɔmmɔ ƒui kemmo.

Ester 9:1

Kɔbuli kɔtɛdi limeyi leevu-lɛtɛdi lɛni lɛlɔ na ɔlɛka ala amɛni alɛ lídu. Na nka Yudaƒuɔ bekisine bákali ka nka bekpo na badi Yudaƒuɔ bamɛni lɛlɔ na bakya-ma kalɔ. Nsu ala ammɔ ƒui ébo énwini na Yudaƒuɔ mmomu nádi bana bekisine lɛlɔ.

Ester 9:10

Banana bamɛni ƒui badi Hamedata ubidi Haman Yudaƒuɔ ukisine ɔmmɔ bebi bananabi bani na ɔ́wɔ. Nsu béteti-ma adala adi bétenwini bana adi.

Ester 9:5

Anwuɔsu Yudaƒuɔ békpo bana bekisine na bádu-ma geen na báblaku bana bekisine kalɛ na baayɔ́.

Hiob 9:25

“Usi kani na mina ngba bɔkɛ búsela, ɔni na ebiti ina blii suɛ eeebo-mu kemmo.

Yesaia 10:6

Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yeremia 51:31

Na batu basiaku lɛlɔ atɔ asia na beete kati ka bádi Babilon lɛlɔ na béƒie-nwu báƒɔ!

Romaƒuɔ 3:15

Lɛgba lɛɛta-ma pla pla na bekyuli bɔdu lɛlɔ.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Samuel 1 15:3

Anwuɔsu sie na etékpoku-ma na ayila-ma lɛla biala na bebo udu. Tanu ɔdi biala kɔnyana. Banana ku beleku ku banamu ku bebiwɔ ku ɔmantɛ bakɔ ku baƒonu ku bebuo ala betine bani mbo keƒu ku baƒlumu ƒui, na tebu ɔdi tese.’ ”

Samuel 1 22:19

Na ɔ́du Nob bekyuli ƒui, banana ku beleku ku banamu ku bebiwɔ ku ɔmantɛ bebuo ku bebuo ala betine ku baƒonu ƒui na ɔma ɔni kemmo na bakpane bammɔ bélie mmɔ.