Ester 3:12 - Katɔti Ɔku Kedee

¹² Na bana kɔbuli kudeedi kɔni ndi Nisan limeyi leevu-lɛtɛdi lɛlɔ ni, Haman ɔ́lɔ ɔga lɛku benwenine ƒui, na úbo-ma ɔda ɔnii benweni lɛku na kɔlɛkɛ kɔmmɔ ƒui adi butemi ku bunweni kemmo. Anwuɔsu bénweni-ni na ɔga lɛnyi kemmo na bétu-ni kɔnu bɔsia likpose kakwɛnimi na béti bémene kɔlɛkɛ kɔmmɔ lɛlɔ badine ku aban bagadine benengu ƒui na Ahasweros lɛga kadikɔ ƒui.

Ester 3:12 ပူးပေါင်းရင်းမြစ်များ

Baga 1 21:8

Ɔmmɔ ɔsu Isebel úti Ahab lɛnyi na únweni lɛku na úti-ni úmene benengu ku bakutine bani nási Nabot ɔma Yesreel.

Esra 8:36

Na béti ɔga kɔkunkɛ kɔni ndanku ɔda ɔni na úbo béte aban bagadine ku kɔlɛkɛ kɔni na Euƒrate Ketu ɔvi lɛlɔ badine benengu bammɔ na bénu kalɔ na béte kebunku na Katɔti ɔtɔ ɔmmɔ bɔtu kemmo.

Ester 1:22

Ɔmɛni ɔsu ɔ́ya na bénweni ɔku ɔmmɔ na adi ani ƒui na akya kɔlɛkɛ kɔmmɔ lɛlɔ ƒui, na béti bémene-ma bákɔ lɛsa bávi ka kaduli biala kemmo ni, ɔnana ndi beleku bammɔ ku bebi ƒui lɛlɔ ɔdine.

Ester 3:11

Amu na Ɔga Ahasweros ɔ́su Haman ɔnini, “Bekyuli bammɔ ku bana sika ƒui ɔkya-a enu kemmo, anwuɔsu bla-ma lɛla lɛni na ánu ka lɛ́manku.”

Ester 8:2

Na ɔga ɔmmɔ údie nwuna kakwɛnimi kani na ɔ́ƒɔ ɔ́siku Haman kudɔ úte Mordekai. Ɔmmɔ kama ni, Ester úti Mordekai únyene Haman ala ƒui kenye.

Ester 9:27

Na Yudaƒuɔ ƒui bálɛ-nwu ugyii ka ama Yudaƒuɔ ku bana kaba kemmo bebi ku bekyuli bani néti lɛlɔ bénwini Yudaƒuɔ bataadi emeyi amɛni na uwi ɔmmɔ lɛlɔ aani kalɛ na Mordekai úbo-ma ɔda.

Daniel 3:10

Ébo-bu ɔda anii ukyuli biala ɔkya lili kalɔ ute ƒula sika ugyiedi baƒiɔ lɛtabi lɛmɛni si uwi ɔni na agyala amɛni ése kalɔ aaku.

Daniel 6:12

Anwuɔsu bénwini bésie ɔga kudɔ na bátásu-nwu banini, “Ɔɔɔdi bubo na ébo-bu ɔda anii ukyuli biala uuubo kuƒi ka ɔkya lili kalɔ ute baƒiɔ iye lɛla bamba lɛdi utulo awɔ kani na emeyi avlaatɛ ani ndubo mɛni kemmo? Na ɔɔɔdi bɔsu na ɔda bubo bɔmmɔ bɔ́su bɔ́tina ka ukyuli biala ɔni náta únye ɔmɛni lɛlɔ ni, ɔlɛka bebo-nwu bakya bagyata ubu kemmo?” Amu na ɔga ɔmmɔ údie kenye ɔnii “Lɛni na use pɛpɛɛpɛ na balakana-mu bɔvumana aani kalɛ kani na balavumana Mediaƒuɔ iye Persiaƒuɔ ɔda bubo bɔdi kalɛ.”

Daniel 6:15

Amu na ɔni na ɔƒɛ úsela bɔnu ni, bekyuli bammɔ básɔ bébo ɔga ɔmmɔ kudɔ na básu-nwu banini, “Ɔga Ɔbune, tayiƒala ka ɔda bubo bɔdi buuubo na bénweni bése na Media ku Persia kalɔ lɛlɔ, na bakana-mu bɔvumana kudii. Na ɔga muedi ulakana na wabla ɔmɛni.”

Daniel 6:25

Ɔmmɔ kama ni, Ɔga Dario úti linyesia lɛmɛni úmene bani nási kadi ƒui akɔ ku adi ƒui batɛmine bani nkya kalɔ lɛlɔ ƒui ɔnini, “Muugyele amii kadi bekyuli bammɔ ƒui!

Daniel 6:8

Die lɛdi na benweni ɔmɛni, na akya ƒula kɔnu bunweni bɔmmɔ kalɔ kalɛ na balakana ɔmɛni bɔvumana kudii aani kalɛ kani na balavumana Mediaƒuɔ iye Persiaƒuɔ ɔda bubo bɔdi kalɛ.”