Ester 3:1 - Katɔti Ɔku Kedee

¹ Na ɔmmɔ kama ni, Ɔga Ahasweros ɔ́kɔliku Haman ɔni ndi Hamedata ubidi ɔnanabi kenyekɔ, na únwini nwuna benengu bani muubunku-nwu ƒui unengu na nwuna lɛga kadikɔ. Na Haman ɔmɛni ɔ́si Ɔga Agag kaba kemmo.

Ester 3:1 ပူးပေါင်းရင်းမြစ်များ

Ala Kalɔ Buse 41:40

Awɔ ndubo mina lɛga kadikɔ kamɛni lɛlɔ butaanu. Na bekyuli bakladi ƒui badubo ƒula kalɔ bɔkya na bataadi ƒula ɔda bubo lɛlɔ. Na lɛgaboku lɛnyi lɛni na mɔɔdi kani na ami ndubuti litulo-ɔ.”

Ala Kalɔ Buse 41:55

Na uwi ɔni na Egyipteƒuɔ lɛnɔ bése kalɔ beenú kɔka kɔmmɔ ni, mmɔ na bákya animi ku kɔka buwulo taakya Ƒarao ka ute-ma adila. Mmɔ na Ƒarao ɔ́su nwuna kadi bekyuli ɔnini, “Biteesie Yoseƒ kudɔ. Na lɛla biala na ɔ́su-mi ni, na bɛbla bɛsiaku-ni lɛlɔ.”

Esra 7:14

Ami ɔga ku mina benengu maatɛ mɔɔtala-a ka teesie Yerusalem ku Yuda na atávi mmɔ bene ƒui na anu kalɛ ƒula Katɔti ɔda bubo ɔku ɔni nkya-a enu kemmo lɛlɔ bɔdi buse na mmɔ.

Ester 1:14

Na bani nde-nwu geen mmɔ ndi benengu maatɛ bani baalɔ Kasena ku Seta ku Admata ku Tarsis ku Meres ku Masena ku Memukan. Bekyuli bamɛni mɔɔdi kasusu na Persia ku Media kalɔ kammɔ ku kana lɛga kadikɔ ala lɛlɔ.

Ester 3:10

Mmɔ ni, Ahasweros úti nwuna ɔyikun kakwɛnimi kani mɔɔtina ka ɔ́sia lɛla lɛdi kɔnu ka babla-ni úte Haman ɔni ndi Hamedata ubidi ɔni nási Ɔga Agag kaba kemmo, ɔni muukisi Yudaƒuɔ mmɔ.

Ester 5:11

na úse kalɔ ɔɔkun lɛmɛnɛ na nwuna lɛkɛ pii lɛni na ubo lɛlɔ ku bebi bananabi lɛlɔ. Na ɔ́su-ma kesii kani na ɔga úti-nwu útése, na nwuna kenyekɔ kenye ku kalɛ na bakladi baakya-nwu lili kalɔ, na baalɛ akɔnkɔ kalɔ taabu-nwu.

Ester 7:6

Amu na Ester údie kenye ɔnini, “Ukisine ukpidi kati kati ɔmmɔ ndi Haman ɔni nli-ɔ kudɔ mɛni.” Mmɔ kani na liƒu bonwu líƒie Haman na Ɔga Ahasweros ku Beleku Ɔga Ester anumi mmɔ.

Ester 8:3

Ester ɔ́sɔ úsie Ɔga Ahasweros kudɔ na ɔmmɔ kama, na útayu úwi-nwu lɛgba kalɔ ku keku na úvele-nwu ɔnini, “Buvele geen na nda-a mɔɔyɔ́ ka abla lɛla lɛdi asiku Haman, Ɔga Agag kaba kemmo ubi, ɔmmɔ kasusu kekpidi kani na úboku na Yudaƒuɔ kadi bekyuli lɛlɔ mmɔ lɛlɔ.”

Kɔgya 12:8

Bekyuli bekpidi bakɛ kesi kesii beesié taasɔ, na ukyuli biala ɔɔkya bana likyulikpi lɛmmɔ ogya.

Agba 29:2

Si ala aatɛku bekyuli babuni ni, bekyuli baakɛ́ lɛlɔyɔ. Nsu si bekyuli bekpidi mɔɔdi bekyuli lɛlɔ ni, bekyuli beedumo.

Etemila 10:6

Na ama muuti badɔlɔdi teenyene kunyekɔ kɔni mbo ɔbu na balakɛne mmomu na beeboku kalɔ.

Daniel 6:2

Na kalɛ na ɔnu ka lɛla biala liisié siin na nwuna aban ɔmmɔ kemmo ɔsu ni, Dario ɔ́sɔ ɔ́ƒuna bakutine ɛtɛ bamba únyene kunyekɔ kɔdi ka bataanu aban bagadine bamɛni lɛlɔ. Na bakutine bamɛni akɔ unwi ndi Daniel.

Bumomo Bɔka 24:7

Bana kutubui kɔdubo buyi buteewiakun. Na bana egyiibi adubɔkɛ ntu kaduɛ. “Na bana ɔga ɔdubɔƒɔ kuye utulo Agag. Na bana lɛgadi lɛdubɔkɔ katɔ.

Samuel 1 15:33

Nsu Samuel ɔ́su-nwu ɔnini, “Kalɛ na ƒula kewii káya na beleku badi bakya na basɔ balanu bana kaƒɔ bebi ni, lɛni na ƒ'ini lɛnɔ ɔdubo bɔkya beleku bamba akɔ na ɔsɔ ulanu nwuna kɔƒɔ ubi.” Mmɔ kani na Samuel ɔ́du Agag na Unwoti anumi na Gilgal.

Samuel 1 15:8

Saul úƒie Amalekƒuɔ Ɔga Agag, nsu útadu-nwu. Mmomu nwuna kadi bekyuli ƒui ama ɔ́du-ma.