Ester 2:23 - Katɔti Ɔku Kedee

²³ Ka báwia litemi lɛmmɔ kalɔ laa na bánu ka sɔsɔ na ɔdi ni, ɔga ɔ́ya na bátákya-ma abuli limɔ báƒala akpa lɛlɔ na békpi. Na ɔga ɔ́ya na bénweni ala ani nálɛ ƒui bákya nwuna ɔku ɔni kemmo na baakya ala alɛdi kemmo bése.

Ester 2:23 ပူးပေါင်းရင်းမြစ်များ

Ala Kalɔ Buse 40:19

Na emeyi atɛ ammɔ kemmo ni, Ƒarao ɔdubɔya na badu-ɔ. Na badubuti-ɔ baƒala kugyii lɛlɔ na baasɛ baduli ƒula lɛna bebweli kede kede.”

Ala Kalɔ Buse 40:22

Na bodobodo lɛlɔ ɔnune anwu ni, ɔ́ya na bákya-nwu ɔbuli ɔkwɛ báƒala ugyii lɛlɔ kalɛ kani na Yoseƒ údie ana ammɔ kalɔ úte-ma.

Esra 4:15

ebo ɔda na bawia ƒula bati kuuku kɔkunkɛ kemmo banu. Si ábla lɛni ni, adubɔnu bɔti ka ɔma unengudi ɔmɛni ni, ɔdi atuɔkplu ɔma. Na ɔ́si kukuuku ƒui ni, ɔɔta teenye bagadine lɛlɔ. Na bekyuli bammɔ bɔda bubo ɔkplu. Na ɔmmɔ ɔsu ɔlɛka bayila ɔma ɔmmɔ udu.

Ester 10:2

Na ala ebendi ani ƒui na Ɔga Ahasweros ɔ́bla ni, bénweni-nya bákya Media ku Persia bagadine lɛku kemmo bése. Na ala ani na bénweni bése mɛni lɛnɔ adi ɔbu ɔni na Ahasweros úte Mordekai ku kalɛ na ɔ́kɔliku-nwu katɔ.

Ester 5:14

Haman ulekudi ku bakpana bákya-nwu kasusu banini, “Tu atabi akpa ku ɔta bonwu kangyaa ɔdi na ɔkuku lɛgba aavlanyɔ-inyɔ. Na kɔnaadi ɔtanta ni, na asu ɔga na bakya Mordekai ɔbuli limɔ baƒala mmɔ na ukpi. Nwuna kama asa na bisie kadikɔ kammɔ, na bitádi na bɛni na bɛkɛ ebiti.” Haman ɔ́ƒɔ litemi lɛmmɔ aani kasusu kabuni na béte-nwu. Anwuɔsu usi na ɔkɛ, na ɔ́ya na bátu akpa ku ɔta bonwu ɔmmɔ.

Ester 6:1

Usien ɔmmɔ ni, Ɔga Ahasweros útakana bɔlɛɛ. Anwuɔsu ɔ́ya na bálɔ nwuna kabla ɔblane ɔdi béte-nwu, na unye ɔɔká ala ani ƒui náalɛ na nwuna lɛga bɔdi uwi na nwuna lɛga kadikɔ teete-nwu.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Malakai 3:16

Bekyuli bani ƒui mɔɔsiaku Unwoti ulu siin lɛlɔ bése kalɔ baatɛmi taasiku litemi lɛmɛni lɛlɔ. Na ka Unwoti ɔ́nu lɛla lɛni mɔɔlɛ́ ni, ɔ́ya na bénweni-ma anyi bákya nwuna ɔku kemmo.

Yosua 8:29

Na Yosua ɔ́kya Aiƒuɔ ɔga kabuli ɔda kugyii lɛlɔ na ɔ́da-nwu ɔ́ƒala mmɔ úti útédu useyi. Na ɔƒɛ úsela kanukɔ ni, ɔ́ya na bédie-nwu kabuli kammɔ na bétébo-nwu báva ɔma ɔmmɔ kabɛnye. Na ɔ́ya na bála atakpɛ pii béwi-nwu lɛlɔ. Na atakpɛ ammɔ amu ewi mmɔ úti úbedu ɔmwi kadi.