Ester 2:18 - Katɔti Ɔku Kedee

¹⁸ Ɔmmɔ kama ni, Ɔga Ahasweros ɔ́lɔ nwuna benengu ku lɛku batine ɔ́siku kɔlɛkɛ kɔmmɔ ƒui kemmo úboku limeyi bonwu lɛdi kadikɔ úti ɔ́kya Ester ebiti, na úte bekyuli ala geen, na ɔ́su lɛnɔ ka ɔdi utabla kabla kadi limeyi lɛmmɔ.

Ester 2:18 ပူးပေါင်းရင်းမြစ်များ

Ala Kalɔ Buse 29:22

Amu na Laban ɔ́sala bekyuli bani nkya mmɔ ƒui. Na ɔ́ya na banwa adila kaduɛ na bádi limeyi lɛmmɔ.

Nehemia 8:11

Na Lewiƒuɔ bammɔ bákɛ bekyuli bammɔ lɛlɔ baasia-ma kɔnu ka betewulo limeyi kedee lɛmɛni udu lɛlɔ.

Ester 1:7

Na lɛɛƒɛɛ lɛni na benengu bammɔ bada baaní ntɛ ƒui ɔdi biala ku kalɛ na bábla-nwu. Na bɔni kani na ɔga ɔmmɔ unye ɔɔní ala taalɛku teeboku kalɛ kalɛ.

Ester 9:22

ku limeyi lɛni na Yudaƒuɔ békpo bana bekisine, na bákɛ bɔnwuna básiku-ma enu kemmo. Úte-ma bɔti ka badi limeyi lɛmmɔ ku ebiti na bete bana banwani etela ku adila, na batayiƒala bawabane.

Lɛnu Ƒui Ɔnu 3:11

Bɛlɛ bibo amii Sion belekubi na bibanu kagabwa kani na Salomo uni úte-nwu na nwuna uleku buti limeyi bɔdi lɛlɔ.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Mateo 22:2

“Katɔti lɛga bɔdi buse aani ɔmɛni. Uwi ɔdi ni, ɔga ɔdi ɔ́di uleku buti limeyi lɛdi úte ubidi.

Marko 6:21

Kama kama ni, Herodia úbakɛ nwuna kuƒi. Limeyi lɛmmɔ lɛdi Herode lɛwɔmeyi. Herode ɔ́lɔ bekyuli benengudi na nwuna bagadine akɔ ku bekpone batɔnkune ku Galilea kalɔ lɛlɔ batɔnkune na kadikɔ.

Luka 14:8

“Si ukyuli ɔdi ɔ́lɔ-ɔ ɔnii bo-nwu uleku ketikɔ ni, tetélie likpo lɛni na lɛ́ƒɔ kuye litulo. Ɔsika ɔƒɛni kalɛ ɔ́lɔ ukyuli ɔni náƒɔ kuye utulo-ɔ lɛnɔ na mmɔ.

Budie Taatina 11:10

Na bekyuli bani nlie kalɔ lɛlɔ badubo kubiti bɔkɛ na nkyuli inyɔ bammɔ kukpi ɔsu. Badubo limeyi bɔdi na bete lɛlɔ ala, ɔsika kenye bediene inyɔ bammɔ béti lɛbibo pii béboku kayawi bekyuli lɛlɔ.

Budie Taatina 19:9

Mmɔ na Katɔti ɔtu ɔmmɔ ɔ́su-mi ɔnini, “Nweni ala amɛni. Lɛlɔ lɛdubɔyɔ ama bani na badubɔlɔ beboku uleku ketikɔ adila kadikɔ.” Na ɔ́sɔ ɔ́su-mi ɔnini, “Etemila amɛni adi Katɔti ɔlati etemila geen.”

Samuel 1 25:8

Na eye ƒula kabla bablane na badubɔsu-ɔ. Anwuɔsu na buvele kemmo ni, nu mina bakloƒu bamɛni kɔnyana ka lɛlɔyɔ uwi na ɔdi mɛni ɔsu. Na ete ƒula kabla bablane bamɛni lɛla lɛni na ƒula kɔnu kútuku na baƒɔ beboku ami ƒula ubi Dawid lɛnɔ.’ ”