Ester 2:17 - Katɔti Ɔku Kedee

¹⁷ Ka Ahasweros ɔ́nu Ester ni, ɔ́da-nwu kayi geen útulo beleku bammɔ ƒui na nwuna kayi kásia-nwu lɛlɔ kɔnakunwi útulo begblebi bakladi ƒui. Anwuɔsu úti kagabwa kammɔ úbi-nwu lili na ɔ́bla-nwu beleku ɔga na Wasti kenye.

Ester 2:17 ပူးပေါင်းရင်းမြစ်များ

Ester 1:11

batálɔ ulekudi Beleku Ɔga Wasti beboku-nwu. Na ɔga ɔmmɔ ɔ́yɔ ka nka ulekudi uti nwuna beleku kagabwa ubi na ɔlɛ ubo, na nwuna bekyuli bani na ɔ́lɔ mmɔ banu kalɛ na ɔɔdia bɔnu.

Ester 2:16

Anwuɔsu na Yudaƒuɔ abuli bɔka kɔbuli leevudi kɔni baalɔ Tebet na Ɔga Ahasweros lɛga bɔdi lɛkwa maatɛdi kemmo ni, bákpanku Ester béboku-nwu.

Ester 4:14

Na si átakana na abla lɛla lɛdi na uwi ɔmɛni udu kemmo ni, kebunku kadubɔsi kesii bamba kudɔ kete Yudaƒuɔ bammɔ ƒui na bakɛ bɔƒɔ, nsu awɔ ku ƒula bati ku bina ɔtɔ kemmo bɛdubo udu bɔyii ƒui. Ɔma ngyi lɛla lɛni ɔsu na ákɛ kuƒi ka éduo likpo lɛmɛni udu uwi ɔmɛni kemmo?”

Ester 6:8

amu tala na betéti ƒula awu bonwu ɔbunidi ku ƒula ɔpɔnkɔ ku lɛduni lɛni na eebi lili na lɛ́ƒɔ kuye geen mmɔ beboku.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Esekiel 17:24

Na lɛku kemmo kugyii biala kɔdubɔti ka ami Unwoti ndubɔkana na liboku egyii kangyaa ƒui kalɔ na lɛya na ani na átakuku alɛ lili. Na mɔɔyá na egyii ɔwɔdi eenwíni akwiidi Na mɔɔyá na ani na ákwii lɛnɔ eenwíni awɔdi. Ami Unwoti násu na ndubo mina litemi lɛlɔ bɔdi.”

Samuel 1 2:8

Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.