Ester 10:3 - Katɔti Ɔku Kedee

³ Na ɔga ɔmmɔ kama ni, Mordekai kenyekɔ ndi kenengudi ƒui kani na kasɔ kasia na nwuna lɛga kadikɔ mmɔ. Na Mordekai ɔmɛni ɔdi Yudaƒuɔ ɔtɔnkune ɔni na ɔ́ƒɔ lɛnyi geen, ɔsika ɔ́da-ma geen na ɔɔtɛmi teete ɔga muedi na bana kenye si lɛla lɛdi líbo.

Ester 10:3 ပူးပေါင်းရင်းမြစ်များ

Ala Kalɔ Buse 41:40

Awɔ ndubo mina lɛga kadikɔ kamɛni lɛlɔ butaanu. Na bekyuli bakladi ƒui badubo ƒula kalɔ bɔkya na bataadi ƒula ɔda bubo lɛlɔ. Na lɛgaboku lɛnyi lɛni na mɔɔdi kani na ami ndubuti litulo-ɔ.”

Ala Kalɔ Buse 45:10

Na si ébo ni, adubulie kalɛkɛ kani baalɔ banii Gosen lɛlɔ. Na mmɔ udenku-mi kesii kani na nli. Awɔ ku ƒula bebi ku bawɔ ƒui ku ƒula bebuo lidu lidu ƒui na akpanku-ma ada ku ala ani ƒui na ebo.

Ala Kalɔ Buse 45:11

Na ndubute-mii ala ani ƒui na bɛɛwia, ɔsika akwa alɔ sɔɔn nsɔ ntɛ anumi adubo ɔni na kɔka kɔmmɔ kenye kaláyɔ tɔ. Si ɔɔɔdi lɛni ni, awɔ ku ƒula kaduli bekyuli ku bebuo ƒui bɛdubo udu bɔyii.” ’

Ala Alɛdi 2 28:7

Na kekpo kammɔ kemmo ni, Israelni ɔnana ɔni baalɔ banii Sikri ɔ́du Yudaƒuɔ banana ɛtɛ. Na ama ndi Maaseia ɔni ndi ɔga ubidi ku Asrikam ɔkutine ɔni mɔɔnu ɔga kesii kammɔ lɛlɔ. Na ukyuli ɔtɛdi ɔmmɔ ndi Elkana ɔni muunye ɔga kenye.

Nehemia 2:10

Uwi ɔni na Horonni Sanbalat ku Tobia ɔni ɔdi Amonni kabla ɔblane ɔdi bénu etemila amɛni ni, ékpoku-ma geen. Ɔsika bénu ka ukyuli ɔdi úbo ka ɔsɔku Israel ɔklibi.

Ester 2:5

Na Susa ɔma unengudi kemmo na ɔga kesii mmɔ ni, Yudani ɔdi baalɔ banii Mordekai ɔ́kya. Na ɔti baalɔ Yairo, na Yairo ɔti baalɔ Simei, na Simei ɔti baalɔ Kis, na ɔ́si Benyamin kɔdua kemmo.

Ester 3:2

Na ɔga úbo ɔda ka bakladi bani na bakya-nwu kalɔ ƒui bataakya Haman lili kalɔ na balɛ akɔnkɔ lɛnɔ kalɔ si ɔ́si ɔɔví aani bana unengu kalɛ. Nsu Mordekai kani néni na ulábla lɛni si ɔ́nu-nwu.

Daniel 5:16

Nsu básu-mi ka awɔ agyi lɛla biala na aakɛ́ ala ani na ebo ɔkplu geen muedi kasusu. Na ɔƒɛni ni, si ákana na áka ala amɛni na édie-nya kalɔ lɛnɔ éte-mi ni, adubo bunwini ukyuli ɔtɛdi ɔni ndubunye kenyekɔ kenengudi na ubo ɔyikun geen lɛnɔ na mina lɛga kadikɔ. Na adubo awu ɔni náƒɔ kuye geen butaakya na akya sika ugyiedi kɔsɛɛ ɔkwɛ.”

Daniel 5:29

Mmɔ kani ni, Belsasar údie lɛdi ɔnii beti Daniel benyene ɔyikun kenye katɛdi lɛlɔ na nwuna lɛga kadikɔ na beti awu ɔni náƒɔ kuye geen mmɔ bakya-nwu na bakya-nwu sika ugyiedi kɔsɛɛ ɔkwɛ.

Daniel 6:3

Na Daniel ɔ́bla nwuna kabla kaduɛ geen útulo bagadine bammɔ ku bakutine bani na benye-ma kenye mmɔ lɛnɔ. Anwuɔsu ɔga ɔmmɔ ɔ́bla kasusu ka Daniel utaadi lɛga kadikɔ kemodi kammɔ ƒui lɛlɔ.

Romaƒuɔ 10:1

Mina banwa, ɔdi mina bɔyɔ bɔni nási-mi kayi kemmo ku mina katɔ bɔkpali kemmo ka Yudaƒuɔ bakɛ bɔƒɔ.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Samuel 1 18:16

Nsu Israelƒuɔ ƒui ku Yuda baayɔ́ Dawid na kalɛ na ɔ́tɔnku-ma úsienku kekpokɔ ɔsu.

Samuel 1 23:17

Ɔ́su-nwu ɔnini, “Tayia, mina ɔti Saul kɔnu kulétuku-ɔ. Geen ni, awɔ ndubo ebenwini Israelƒuɔ ɔga na ami ndubɔbla ƒula ubunkune. Na mina ɔti muedi ɔgyi ɔmɛni lɛni.”