Esra 7:1 - Katɔti Ɔku Kedee

¹ Na ala amɛni kama ni, uwi ɔni na Ɔga Artasasta ɔɔdi lɛga na Persia ni, okloƒu ɔdi ɔkya na baalɔ banii Esra. Na nwuna ɔti ndi Seraia ɔni ɔti ndi Asaria ɔni ɔti ndi Hilkia

Esra 7:1 ပူးပေါင်းရင်းမြစ်များ

Baga 2 22:4

“Nu ɔkpane ɔni muunye kakpakɔ kayakun taaƒɔ bekyuli egulabi. Na eye-nwu enu egulabi ani na ɔ́ɔkɛ.

Baga 2 22:8

Na Saƒan ɔ́su Hilkia ɔga kenye kammɔ. Na Hilkia lɛnɔ ɔ́su-nwu ɔnini, “Lɛ́nu ɔda bubo ɔku ɔmmɔ na kakpakɔ mmɔ.” Na Hilkia úti ɔda bubo ɔku ɔmmɔ úte Saƒan. Na Saƒan ɔ́ka ɔku ɔmmɔ.

Baga 2 25:18

Ɔni mbuku ni, bekpone unengu ɔmmɔ úƒie ɔkpane unengu Seraia ku nwuna ɔmansiane Seƒania ku kakpakɔ kabla bablane bani náƒɔ lɛnyi ɔ́tɔlɔku.

Ala Alɛdi 1 9:11

ku Asaria ɔni ndi kabla ɔblane ɔni mɔɔnú Katɔti kakpakɔ lɛlɔ na ɔti ndi Hilkia ɔni ɔti ndi Mesulam ɔni ɔti ndi Sadok ɔni ɔti ndi Meraiot ɔni ɔti ndi Ahitub

Ala Alɛdi 2 34:15

Na Hilkia úti ɔku ɔmmɔ úte unengu Saƒan na ɔ́su-nwu ɔnini, “Nu! Lɛ́nu Ɔda Bubo Ɔku na Katɔti kakpakɔ.”

Ala Alɛdi 2 34:9

Na nkyuli ɛtɛ bamɛni bésie ɔkpane unengudi Hilkia kudɔ na béti egulabi ani na Lewiƒuɔ bagyumanane báƒɔ básiku bekyuli bani nkya Manase ɔƒɛ katukɔ kakɛ ku Eƒraim kalɛkɛ ku Israel kakɛ kakladi ƒui kudɔ ku bani na beli Yuda ku Benyamin ku Yerusalem lɛnɔ béboku.

Esra 4:7

Na ɔ́si uwi ɔni na Ɔga Artasasta ɔɔdi lɛga na Persia kalɔ lɛlɔ ni, Bislam ku Mitradat ku Tabeel ku nwuna bekyuli badi bénweni ɔku béte Artasasta. Na bénweni ɔku ɔmmɔ na Siria kunweni kemmo na bédie-nwu kalɔ na Siria lɛdi kemmo.

Esra 6:14

Anwuɔsu Yudaƒuɔ benengu bésie anumi ku bana bɔtu kabla kammɔ na bálɛ lili geen ɔkɛnku kenye udiene Hagai ku Sakaria ɔni ndi Ido kaba kemmo ubi etemila kenye budie teete-ma ɔsu. Na báwɔlɔ kakpakɔ kammɔ bɔtu aani kalɛ na Israel Katɔti ɔ́tina ku Ɔga Kores ku Dario ku Artasasta bani ndi Persiaƒuɔ baga ɔda ɔni na bébo-ma ɔsu.

Esra 7:10

Ɔsika Esra úti lɛlɔ úte Unwoti ɔda bubo bɔtɛya ku kalɛ na badi-mu lɛlɔ, na ɔɔtina ala ammɔ na Israel.

Esra 7:12

Ɔmɛni ɔ́si baga ƒui Ɔga Artasasta kudɔ na líti muute Ɔkpane Esra ɔni ndi Katɔ ƒui Katɔti ɔda bubo ala ɔtinane. Mɔɔkya-a kenye.

Esra 7:2

ɔni ɔti ndi Salum ɔni ɔti ndi Sadok ɔni ɔti ndi Ahitub ɔni ɔti ndi

Esra 7:21

Ami Ɔga Artasasta muubó ketu ɔvi egulabi badane bammɔ ƒui ɔda ka lɛla biala na Ɔkpane Esra ɔni ndi Katɔti ɔda bubo ala ɔtinane ɔɔwia ɔsiku-mii kudɔ

Nehemia 11:11

ku Seraia ɔni ndi Hilkia ubidi, ɔni ndi Mesulam ubidi, ɔni ndi Sadok ubidi, ɔni ndi Meraiot ubidi, ɔni ndi Ahitub ɔni ndi Katɔti kakpakɔ lɛlɔ ɔnune unengu

Nehemia 2:1

Na kɔbuli kunedi kama na lɛkwa aavlanyɔdi lɛmmɔ kemmo kani ni, na Ɔga Artasasta ɔ́kya ɔɔdi, ka líti nwuna ntɛ lísienku-nwu ni, ɔga ɔmmɔ ɔ́nu ka mina anumi ábla kɔnyana geen.

Nehemia 8:1

Na ɔni na uteedu kɔbuli maatɛdi kawɔlɔkɔ ni, ɔdi biala ɔ́tɔlɔ úsie nwuna ɔma. Na limeyi lideedi na kɔbuli kɔmmɔ lɛlɔ ni, Israelƒuɔ ƒui bása na Yerusalem na kesii kani balɔ banii Ntu Kayakun. Na básu Ɔkpane Esra ɔni ndi ɔku unwenine ka udie Mose Ɔda Bubo Ɔku ɔni Unwoti úti úte Israelƒuɔ uboku. Anwuɔsu Esra úsie na útéti ɔda bubo ɔku ɔmmɔ úboku na kesii kani na básala béli. Na banana ku beleku ku banamu bani beenú ala kalɔ násala mmɔ.