Esra 6:3 - Katɔti Ɔku Kedee

³ “Na Ɔga Kores lɛga bɔdi lɛkwa lideedi kemmo ni, úbo ɔda ka basɔku Yerusalem kakpakɔ batu aani kesii kani na bataabla akpala. “Na kakpakɔ kammɔ bɔkuku bɔdi lɛgba bɔka liti ku aavlene na nwuna bɔbɛbɛ lɛnɔ bɔbla lɛni kani.

Esra 6:3 ပူးပေါင်းရင်းမြစ်များ

Ala Alɛdi 2 2:3

Ɔmmɔ kama ni, Salomo ɔ́sia Hiram ɔni ndi Tiroƒuɔ ɔga kenye ɔnini, “Uwi ɔni na mina ɔti Dawid ɔɔtú nwuna ɔga kesii na akwa adi kama mɛni ni, awɔ na ɔ́ya na éboku-nwu ligyigba lɛbuni kpakplaa lɛni kabla na ɔ́bla. Adubɔsɔ akana na ete-mi lɛdi ɔƒɛni?

Ala Alɛdi 2 2:6

Ukyuli ɔdi ɔɔɔdubo bɔkana na ɔtu ɔtɔ bonwu ɔmmɔ udu ute Katɔti na ulie-nwu kemmo. Ɔ́si katɔ útédu katɔ kakaaka ƒui muedi kalakana-a bɔda. Na lɛla lɛni kani na mɔɔwia ka lɛbla ndi ka lɛtu kesii kani na buteeti bula akpala teete-nwu.

Ala Alɛdi 2 36:22

Ɔmɛni kama na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmɛni bése.

Esra 1:1

Na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmmɔ bése.

Esra 1:2

Na ɔda ɔni na úbo ndi ɔmɛni. Lɛni na ami Ɔga Kores mɔɔsu. Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ.

Esra 3:7

Ɔmmɔ kama béti egulabi adi béte lɛtɔ batune ku banwine badi. Na béti adila ku ntu ku nnɔ ka beti besienku Sidonƒuɔ ku Tiroƒuɔ kalɛ na beti sida kugyiikɛ basia ɛpu lɛlɔ basiku Lebanon beboku Yopa. Na Persiaƒuɔ Ɔga Kores úte kuƒi kɔmɛni.

Esra 6:14

Anwuɔsu Yudaƒuɔ benengu bésie anumi ku bana bɔtu kabla kammɔ na bálɛ lili geen ɔkɛnku kenye udiene Hagai ku Sakaria ɔni ndi Ido kaba kemmo ubi etemila kenye budie teete-ma ɔsu. Na báwɔlɔ kakpakɔ kammɔ bɔtu aani kalɛ na Israel Katɔti ɔ́tina ku Ɔga Kores ku Dario ku Artasasta bani ndi Persiaƒuɔ baga ɔda ɔni na bébo-ma ɔsu.

Kɔgya 122:4

Mɛni na Israel atɔƒi bekyuli bammɔ ƒui bási. Bébo ka beti enugya bete Unwoti aani kalɛ na úbo-ma ɔda.

Budie Taatina 21:16

Na ɔma ɔmmɔ ɔtɛ lɛƒɛnyi ine bɔmmɔ ƒui lɛlɔ ɔni na nwuna bune ku bɔbɛbɛ ƒui bɔdi unwi. Na ɔ́kɔku ɔma ɔmmɔ ku nwuna lɛkɔkula. Na ubo liluku bɔkɔku apim unwi ku eti leevu. Na nwuna linene ku bɔbɛbɛ ku bɔkuku ƒui búlieku lɛlɔ pɛpɛɛpɛ.